السلام عليكم
امممم السؤال هذا صعب لان فيزا امريكا حظ في ناس تطلعلهم ب3 ايام وناس تطول وياهم 8 اسابيع
ف انتي وحظج اي شوفي تسوين الابلكيشن اونلاين وهذا اللنك
اول شي هذا الموقع مال سفاره امريكا بالكويت
http://kuwait.usembassy.gov/visitor.html
الحين الفورمه مالت الابلكيشن
https://ceac.state.gov/GenNIV/
اختي في اشياء الكويتيين مايعبونها وبعدين حسبي حق روحج بعد ربع ساعه سوي سييف لان السستم مالهم بعد 20 دقيقه يتسكر ويخليج تعيدين كل شغلج من الاول ( مو اذا هديتي اللابتبوب 20 دقيقه يتسكر لا، اهوا بروحه بعد 20 دقيقه وانتي تشتغلين يتسكر عليج)
المهم اذا خلصتي لازم تاخذين موعد حق المقابله من هالموقع
https://evisaforms.state.gov/default.asp?postcode=KWT&appcode=3
تحت مكتوب schaduel appointment
بس نسيت لا اقولج خلي يمج طابعه وبعدين لازم تكونين مصوره صوره 5x5 والخلفيه بيضا وتخلينها بالكمبيوتر لان لازم الصوره تحطينها بالابلكيشن المهم اخر شي راح يحطونلج رقم طويل تسوينه كوبي وتدخلين موقع الموعد وتحطينه هناك وتحزين الموعد ولما تروحين هناك على حسب يا يعطونج فيزا بسرعه او عادي تطول لي شهرين
اذا تبين اي مساعده ساليني بس بليز دزيلي مسج اخاف ما اجيكعلى الموضوع
