فيفآ للاتصآلات والنصب على المشترك .. >>من ينقذنا من شركات الاتصالات؟!

[!الجادل الصعب!]

السلام عليكم ورحمة الله وبركآآآآآآته

بدآية لما اعلنوآ دخول شركه ثالثه للاتصالات للسوق الكويتي ..
الكل وانا منهم تفآؤل ..
واعتقد بان النصب والاسعار بتقل ..
والصحيح هو كانك يآبو زيد ماغزيت ..!
فيفآ طلعت نفسهم و آردى ..!


شوفوآ مشكلتي ..

1

اخذت خط باشترآك لمدة سنه مع فيفآ .. الاشترآك الشهري 55 دينآر ..
خلصت السنه والاشترآك شهر 9 الي فات وابي افصل الخط .. مو رآضين يفصلونه ..!
دقيت عليهم قآلوا :تقدرين تفصلينه من الشهر الي يخلص فيه الاشترآك .. حلو ..




2

خلص الاشترآك تبع الشهر الي قالو عنه ..
رحت افصله قآلو : لآآآزم تنطرين شهر بعدين تفصلينه ..!
يعني ينزل اشترآك جديد .. طيب انا الخط مآبيه .. ماكلم فيه شلون ؟
قآلوا لآآزم بعد شهر ..
آمنا بـ الله نطرت شهر ..


3

رحت فرع الكوت بفصله .. قآلوا: نزل الاشترآك الجديد ؟!
شلون ينزل الاشترآك الجديد واصلا انا خالص عقدي معاكم من شهر والخط ماشغلته طول هالشهر ؟!
قآل : لانج مافصلتيه ..!!!!!!!
عدت له سالفتي قآل : اصلا ماتقدرين تفصلينه .. لازم نفصل الصفر الدولي وهذا يبيله شهرين على ماينفصل ونتاكد بعدها تفصلينه ..! لو بنفصله السستم مايقبل ان الخط ينفصل ..!

الزبده يعني حركة نصب على المشترك :
* يعني ينزل اشترآكين غيره بعدين ينفصل ..
* يعني ننصب عليج لآخر لحظه ممكنه ..!



4

دقيت على الخدمه مآلتهم 102 ..
قلت له سالفتي وشنو قآلو لي وابي حل ..!
قآل : لا من قال لازم صفر دولي ينفصل ..
تقدرين تفصلينه بس بتآريخ 19/20/21 من كل شهر لآن هالايام هي الي ينزل فيها الاشترآك ..
قلت له : بدفع الي نزل الشهر هذا والي فات بس افصلوو الخط ..
قال : لا الايام المحدده فقط ..
بـ الله انا بسافر مو بالديره .. شلون يعني ترآكم علي الاشترآكات وكل فرع يقولي كلآم غير ..!

قلت له : انا كان عندي خط وطنيه .. دفعت له الي علي ويقطعونه الخط بنفس اللحظه ..
ونفس الشي شركة زين .. هالقوانين الي بشركتكم منو الغبي الي مسويها ..
ذكروني بدستور الليبي الي كاتبه القذآفي ..

طلبت يحولني على مسؤول آكبر منه بقدم شكوى ..
قال : خلاص احط رقمج لمآ يتفرغ لج مسؤول يدق عليج ..!


لآ خووش خدمه صرآحه .. شهرين وداشين الثالث عشآن افصل خط ..!

وهذا انا بروح الحين فرع المطآر بقولهم الكلآم الي قاله لي موظف الخدمه وننطر الفرج ..
رضيت ادفع اشترآك شهرين ماستخدمت فيهم الخط وللحين مايبون يفصلونه او يعطوني كلاآم مقنع ..!

عندكم حل ؟!

 

[جلكسيه اس 3]

وي الله يعينج
انا ماعرف ابهالسوالف
احسن شي اتكلمين المسوول
تدرين ذاك اليوم كنا بالقهوه الشعبيه و بغيت اشتري
منهم رقم
و يقول خوش عرض و مادري شنو ((بس تدفعين دينارين
توني يايه بوقع و الا يقول بس تدفعين 15 مادري 20 رسوم التشغيل !
كلش هذا مو نصب

 

[ليان]

حياتي سددي اللي عليج

واحتفظي بالفاتوره وروحي للرئيسي وقولي ما ابي الخط

اذا الموظف لف ودار قولي عطني الشروط اللي قاعد تتكلم عنها

وخلي عيونج كباااار عليه

قولي شوف // النصب والاحتيال ماراح يمشي على

اذا ما فصلت الخط راح اسويلكم هوليله

هوليله = نوع من الصراخ والناس تتجمع عليكم

والا والله لفضحكم بسكوب وارفع قضيه عليكم

صدقيني ما ينفع فيه الا جذي

اخوي اخذ خط ونفس سالفتج وقعد وقال ما اطلع لغاية ما تفصلون الخط اللي كرهتوني فيه

قال الموظف تعال باجر ويصير خير

قال ابد انا قاعد وولع زقارته وقال عطني شروط الشركه

قعد ساعتين وهو يولع ويطفي

يقول الشئ هذا ما تسووونه مع وافد بس تسووونه مع الكويتي

بس انا اعلمكم ان الكويتي ياخذ حقه طيب غصب

عرفتي الحين

روحي وخلي عيونج كبار

واذا ما نفع قولي انا الحين ارفع قضية ضرر ومماطله وافضحكم بسكوب​

 

[M!SS.LOBY]

لا حول ولا قوة الا بالله العلي العظيم

 

[فوزيه الراسي]

حسبي الله ونعم الوكيل

 

[shahad-2010]

اللة يعينج عليهم صج حرامية

 

[M!SS.LOBY]

لا حلو ولا قوة الا بالله

 

[rose of kw]

الله يعينج ان شاء الله


اختي shahad-2010
بس حبيت انوه على غلطة مطبعية
لفظ الجلالة " الله" وليس "اللة"
ولا تزعلين عليه :eh_s(7):

 

[دكتواره]

يأانج تشتكين عليهم ؟
ولا قطي الخط بوجهم