فيني انفصام بالشخصيه ..

[عاشقه رويشد]

السلام عليكم

في شغله صارت بالنت ضايقتني في ناس تضايقو مني وانا ماحب ازعل احد
(معني مو مسويه شي بس )
فكره ورى فكره صارت الساعه ست الصبح تذكرت اني لازم اقوم اهد النت وانام مبجر لانه باجر بحظر دوره

هني وقفت وفكرت شوي !!

حسيت اني اعيش عالمين منفصلين

عالم بالنت
وعالم بحياتي الصجيه والطبيعيه !!

الناس الي شايله همهم وقاعده افكر بمشاعرهم
لو اشوفهم بالصج يمكن حتى ماالتفت لهم !! ولا الاحظ وجودهم

حسيت انه فيني انفصام بالشخصيه <--مو صاحيه البنيه شوي ترى

يعني شخصيتي بالنت 180 درجه عن شخصيتي بالطبيعه

1-هني اتحجى بانطلاق واختلط بالكل بالصج ماتحجى وايد وماحب احاجي الا القراب مني

2-بالنت اصير شريره ساعات وايد ناس يدرون اني احب سوالف الرعب والنحاسه
بس بالصج احب الاشياء الهاديه والناعمه 3-بالنت اغلب الوقت فاصله جنه راشين علي فليت
بالصج اغلب الوقت جديه ومخي مايوقف تفكير

4-بالنت اهتم بشياء او بكلام ناس
بالصج عندي ماتسوى شي !!مادري انا بس جذي ؟؟
ولا انتو بعد تحسون انكم تعيشون عالمين منفصلين ؟؟
واذا كنتو مثلي
شنو الاشياء الي تختلف فيكم بالنت عن الطبيعه ؟؟
وماتحسون انه النت غير شخصيتكم ؟؟
وهل تهتم بالناس الي بالنت مثل ماتهتم بالناس الي تعرفهم بالصج ؟؟

<--والله شكلج قمتي تخرفين من كثر النت
احم
موضوعي طويل محد له خلق يقرى مو ؟؟()

 

[صب القفشه]

يسلموو ع الموضوع


و الله تختلف شخصيتي بالنت عن الطبيعه

يعني بالطبيعه اخذ و اعطي ع حسب المزاااج اما بالنت لااا ما اخذ و اعطي


يعني اللي مشترك بين النت و الطبيعه ان بالنت و بالطبيعه احب اسااعد

 

[UK_Girl]

صباح الخير..لا تعقدين الامور عمري مافيج الا العافيه

الانسان طبيعي يتصرف حسب الجو وستايل وطريقة حياة الناس المحيطين فيه سواءا برا النت او فيه.. وبكل مكان بالعالم...بس اهم شي يكون متوافق مع نفسه وبويه واحد..اختلاف التصرفات وردات الفعل عندج يعتمد على طبعية الناس حوالينج لاتحاتين

 

[متيمة بالشعر]

يعطيج العافيه عالموضوع الحلووو الصراااحه

انا شخصيتي بالنت تقريبا نفس حياتي الطبيعيه بس يمكن الي يختلف بينهم اني بالنت اقول كل الي ابيه أخذ راحتي عالاخر ولي الحق وعندي الفرصه اني افضفض واطلع كل الي بقلبي

شي حلووو ان يكون لج اصدقاء حتى بالنت وحتى لو انهم مجهولين ومااعرفهم بس يمكن يكونون احسن بواااايد من الاصدقاء الي اشوفهم بالساعات

وبصراحه انا اهتم بالناس في المنتدى وفي النت اكثر من الناس الي بحياتي العاديه بس اهلي طبعا غير يعني اذا احد من اهلي يبيني اهد النت واروح له بس اذا احد ثاني مستحييييل اهد النت واروح له لان النت اهم منه بصراااحه ,,

النت غير شخصيتي لاحسن وتعلمت اشيااااء وااايد منه وماقمت احتاج لاحد عشان جذي اقولج النت اهم من الناس الي بحياتي العاديه لاني خذيت منه واخذ مني وقتي برضاي,,, بس الناس تاخذ منك شي غصب عنك وماتاخذ منهم شي للاسف

 

[شمووخ الملكه]

بالعكس اختي اللي فيج مو انفصام,,,
كلنا نعيش مع الناس حسب نوعياتهم,,,واللي هني حريم يعني اجباري في سوالف واخذ وعطى,,,
او يمكن انتي تستحين لما تتكلمين مع الناس وجها لوجه واهني تاخذين راحتج اكثر لانج ماتشووفينهم,,,
انا عن نفسي ما اتغير وشخصيتي هني وبرا النت نفس الشي,,,
يعني اسولف مع الناس المحترمين واحب اخذ واعطي واخلي الناس تذكرني بخير,,,
موفقه حبيبتي,,,,,
تحيااتي,,,,,,,
اجمـــــــل نســـاء الدنيـــا

 

[بنات-الدوام]

لووووووووووووول هذا الموضوع مو جنه مال مرين.............؟؟ مال وحده نكها خفاشه ..؟؟
اختي لما تنقلين موضوع كتبي منقول لان حقوق الطبح محفوظه لوووووووووول للعلم بس ترى اهيا اختي

 

[وحشتني لياليك]

انا هي انا

بالطبيعة أو بالنت


خلاف بعض الامور

مثل طريقة التعبير عن رايي

بالطبيعة أكيد مرت انجبر اني ماقول رايي

لكن هني الفرصة مفتوحة للجميع للتعبير عن رايه

اما من ناحية الشخصية لا مثل ما انا بالطبيعة

ومشكورة على الموضوع لاهنتي