فيني بهاق برقبتي منو عندها نفس مشكلتي تفيدني :)

[..مفاهيم الغرور..]

مرحبا بنات شلونكم ؟؟

بنات انا فينا بهاق برقبتي

و تفسير اكثر فيني بقعة بيضة كبيرة برقبتي بس وحده مو مسببتلي ازمة بس ودي اشيلها

قولولي مو كان عندها نفس المشكلة او تعرف احد عنده نفس المشكلة و شلوون راحت

ادوية او ليزر و اذا ليزر عند اي دكتور ؟؟و بجم تقريبا ؟؟

ابي اشيلها لأن وراي عرس

ممكن تفيدوني

 

[خفايا الروح]

والله انا اختي استخدمت كريم يوحد اللون ويخليها كلها بيضا

بس يبيله وقت .. ويطول ..

والكريم انقطع من الكويت .. والحين يوصلها من المركز الوطني لعلاج البهاق اللي بالسعوديه .. لازم تراجعين عندهم وتبطلين ملف بعدين تطلبينه ع التلفون ويوصلونه لج عن طريق ارامكس ..

 

[خفايا الروح]

حطي خافي عيوب بالعرس وما تبين ..

 

[..مفاهيم الغرور..]

حبيبتي اختج يمكن بكل جسمها

انا بقعه برقبتي مو بهاق لا بقعه بيضا و انا سمرا فباينه شوي ودي اشيلبها

انا سمعت ان يصير ليزر بس وين ؟؟ اهني السؤال

مشكوورة حبوبة و الله يخليلج اختج و يشفيها

 

[خفايا الروح]

اذا بقعه طبعا علاجها غير عن البهاق .. ! انتي من الاول قلتي بهاق ..

عشان جذي قلت لج عن الكريم لاني فهمت انه اللي فيج بهاق.. لان الليزر مؤقت يعني مع الوقت يرجع ..

 

[..مفاهيم الغرور..]

انا بس بقعه وحده ربضا بالرقبة

بغيت اعرف شلون علاجها و اهي فيني من الولادة

مشكورة يا قلبي على الاهتمام و ما تقصرين

 

[اشواق العجمي]

مرحبا اشلونج بليز ضروري تعطيني العنوان انا فيني بهاق بجسمي وابي عالجة لان تعبتبة منه وابي العنوان واسم الكريم لان بروح السعودية

 

[فراشه]

حبيبتي شربي ماي زمزم ومسحي علي كل يوم

واقري البقره بنية الشفاء

 

[د-سوسه]

حبيبتي بنتي مثلج سمره ويطلعلها تحت عينها اسويلها ليزر عند د-محمد بوحمره الجلسه بعشره والحمدلله راح اول شي تقلب احمر وتقمج لماتوصل حق لون الجسم تقريبا خمس جلسات ..وسلامتج

 

[رانزي]

اذا فيج من الولاده وبقعه وحده هذا مو بهاق مثل وحمه ممكن تروح بليزر روحي حق اي عياده مشهوره

 

[..مفاهيم الغرور..]

تسلموون حبيباتي ما تقصروون

اي صح حبيبتي اهي وحمة مو بهاق

فيني من الولادة وودي اشيلها بس ابي عيادة زينه


يعطيكم العافية و ما تقصروون

 

[اوراد العشق]

حبيبتي في ابره لتوحيد لون البشره وتستخد للي فيهم بهاق واصلا في بنات يستخدمونها وهم افيهم شي بس يبووون زيادة بياااض

روحي سألي استشارين عنها

وماتشوفين شر

 

[شوشو الكويتيه]

اهلين انا مع رانزى هذى وحمه موبهاق والحمدلله انها موبهاق
ليش مضايقتج :lkmnkl: قبل لاتتعبثين فيها روحى الطبيب
خل يفحصها قبل لايسوى فيها شى او يشيبها وسلامات

 

[marwa2005]

إستخدمي الصابون المغربي (صابون بلدي) مع مسحوق الكبريت وستحصلين على عجينة متماسكة إذهني بها تلك المنطقة واتركيها ليلة كاملة. في الصباح عند استحمام سيلاحظ أن المنطقة التي وضع فيها العجينة قد احمرت كثيرا لا يخف فستزول بسرعة لن تستمر أكثر من يوم ويحاول أن يكرر العملية مرة في الأسبوع وبأذن الله سيزول البهاق نهائيا فأنا إستخدمتها ونفعتني كثيرا

 

[بداية مشوار]

السلام عليكم
انا عضوه جديده بينكم والي تبي البهاق يمشي بسرعه بجسمها تستخدم البنوكين الهندي والله عن تجربه استخدمته لمدة شهر ونتايجه سريعه
وراح ابيض بسرعه عليه واصير ملكة جمال بياضي


رد مخالف

 

[الكريستال]

حبيبتي انا سامعة من العيايز ان تاخذين قشر رمان تيبسينه بالشمس بعدين تطحنينه وتعجنينه مع حنة وملح طبعا ماجربت بس اللي سمعتهم يمدحونه وايد فقلته لج
وفيه رقم لاقيته عند الاشارة خزنته عندي كاتبين بشرى لدينا علاج للبهاق
هذا رقمهم 67729355
عاد حبيبتي ابي منج دعوة حلوة ان ابوي يرضى علي وان الله يوفقني بزواجي ويسعدني مع زوجي

 

[العنود22]

هذا رقم وحده عندها بنكوين

يمدحونه لعلاج البهاق 97486302