فيني سكر حمل شنو احسن اولد بخاص او حكومه

[حرم بدر]

السلام عليكم


بنات اشلونكم :eh_s(8):

انا دشيت شهري واللحين بالاسبوع 36 وفينى سكر حمل اول مره يحوشنى بحمالى


شنو الاحسن اولد بخاص او حكومه ؟؟؟


عموما قالولى لين اسبوع 38 اذا ماياج طلق ندخلج ونولدج بطلق صناعي عشان مو زين يتم البيبي اكثر وانتى فيج سكر حمل


دعواتكم بناااااااااااااااااات الله يسهل ولادتى واولد طبيعي وبطلق طبيعي ويروح منى سكر الحمل :eh_s(7):​

 

[Diva-Q8]

وايد فيهم سكر حمل وولدو بخاص منهم بنت خالي ولدت بالهادي واختها نفس حالتها وولدت بالراشد

عموما اذا دكتورتج شاطره ومتابعه حالتج من اول الحمل ماعليج خوف لانه ملفج معاج بس اذا بتراجعين بمكان وتولدين مكان ثاني ما انصحج حتى الحكومه لازم يكونون عارفين حالتج قبلها بوقت ولج ملف عشان ماتصير مفاجآت وقت الولاده وماعندهم ملف يرجعونله عشان يشوفون الحاله الزلده اولدي مكان ما كنتي تراجعين من الاول

هذا رايي وانشالله البنات اللي عندهم نفس التجربه يفيدونج واتقومين بالسلامه اختي

 

[حرم بدر]

تسلمين حياتى


انا اراجع بحكومه بس ودي اولد بخاص بس متردده على قولتج انا بروح بس وقت الولاده

يعنى رايج اولد بحكومه عشان عارفين حالتى ؟؟

 

[Diva-Q8]

الله يسلمج من الشر

لا دام تراجعين بالحكومه
اي والله انا من رايي اولدي عندهم اشفها الحكومه بخي السسترات على بو حلاوة الولاده وكل امورج تتسنع عطي كل وحده دينارين ويجابلونج عدل بس لاتصدميني واتقولين العدان ههههههههههه لانه سامعه عنه وايد سوالف أرعه

ويقولون الصباح وايد احسن

 

[ودآعتك قلبي]

عسى الله يسهل عليج ولادتج ويقومج بالسلاأمة ..

 

[حرم بدر]

لا بالجهرااا انا مجربه ولادتين عندهم بجري القيصري والثاني طبيعي الحمد لله


بس خايفه من الولاده ابي اولد وما احس بشى عشان جذى محتاره


جان زين اقدر الصباح قاعده ادور واسطه هههههههههههههه ابي ابرة الظهر ابي اولد ما احس بشى


---------

على قولتج الحلاوه بس ما ادرى منو الى تبي تجابلنى وجم شفت بمر عليهم هههههههههههههههههههههههههههه

 

[حرم بدر]

امين يارب مشكوره يا الغاليه وداعتك قلبي

 

[Diva-Q8]

لا بالجهرااا انا مجربه ولادتين عندهم بجري القيصري والثاني طبيعي الحمد لله


بس خايفه من الولاده ابي اولد وما احس بشى عشان جذى محتاره


جان زين اقدر الصباح قاعده ادور واسطه هههههههههههههه ابي ابرة الظهر ابي اولد ما احس بشى


---------

على قولتج الحلاوه بس ما ادرى منو الى تبي تجابلنى وجم شفت بمر عليهم هههههههههههههههههههههههههههه

جم شفت لا عيل رحتي فيها داشه على ال 1000 مالت المنحه وحطي فوقهم هههههههههههههههه

وبعدين تعالي يا يبا طلبي ابرة الظهر لا تستحين اكيد يعطون مافي مستشفى مافيها ابرة ظهر هل وقت حتى الحكومي وبعدين هذا حقج لا تنطرين الواسطه دشي ابلعومهم انتي مو مواطنه؟؟؟؟؟؟

ولا مو مواطنه؟؟؟؟؟ ههههههههههههههه لا اتغشمر والله طلبي منهم يمكن يعطونج بدون واسطه

 

[كوكي العسل]

ماعندي فكرة والله هذا اول حمل لي

الله يسهل عليج وعلينا ويقومنا بالسلامة احنا وبيبياتنا يارب ياكريم

 

[حرم بدر]

ماكو ابرة ظهر الا بالصباح بالجهرا ماكو مالت عليهم عشان جذى


ادعولى بسهالة الولاده


مشكورين كلكم


المشكله كل يوم لي راي ياربي صبرني

 

[Diva-Q8]

الله يصبرج وحيلج بالكمام انا بجر وبولد بالخاص وماني ماخذا ابرة ظهر كلها ساعتيين وننسى العوار انشالله

موفقه انشالله

 

[عبير الكويت%%]

استخيري والله مايخيبج

 

[سوسن1980]

احس الحكومه احسن لك

 

[عسوله تنقط عسل]

الله يسهل عليج انا فيني سكر حمل لازم طلق صناعي ولا قيصري وكيف شكله الطلق الصناعي هو سهل ولاصعب

 

[حرم بدر]

مو انا الى مخوفنى الطلق الصناعي يقولون عواره مو صج يذبح


الله يسر يارب دعواتكم لي بنااااااااااااااااااااااااااااااااات

مشكوؤين لكل الي رد


بنات في احد فيكم في سكر حمل وكان يراجع بحكومه وولد بخاص

 

[حرم بدر]

؟؟؟

 

[ام عفراء]

الله يسهل عليج ويقومج بالسلامة

وانا من رايي تولدين بالحكومة

هم اعرف بحالتج وملفج عندهم

والسهالة من الله

.....

انا كنت اراجع بعيادة خاصة

وفجأة جاني ضغط و زلال وانا بالشهر السابع

ودخلوني الحكومة و ولدوني بطلق صناعي
وعطوني ابرة ظهر ( كنت بالصباح والدة )

و الحمدلله السسترات حليوات

مع اني والله لا بخششتهم ولا شي
لانه اصلا دخلت فجأة ومادخلت معاي لا جنطة ولا تلفون ولا بوك ولا شي

ويشهد الله ماقصروا قايمين بواجبهم

رغم اني طولت وشفت اكثر من شفت .. لا والشفت يتكرر وانا للحين بمكاني


والحين قررت اذا الله كتب لي حمل ثاني
راح اراجع من البداية بالحكومة
عالاقل يكون لي ملف وفيه كل بياناتي

اكيد بروح الخاص حق السونارات ... لكني ماراح اعتمد كل شي بالخاص

فنصيحة لوجه الله

دام مراجعاتج عندهم .. خليج عندهم
عالاقل ماراح يسوون لج شي الا اللي محتاجته مو عشان فلوس والا غيره
وبعدين عارفين حالتج وملفج موجود

والله يهون عليج ويرزقج الطفل السليم المعافى

 

[حرم بدر]

اللهم امين مشكوره يا الغاليه وجزاج ربي كل الخير وجزاج الجنه ياااااااااااارب

والله يكتبلج الحمل باسرع وقت

 

[sweeta77]

الحكومه شطار وعندهم خبره
بس انا اعيبهم بشي واحده ما يخيطون عدل
يمكن ممنوع عندهم مادري
اما الباجي كل شي زين
وعن سكر الحمل
انا هالحمله بادي معاي سكر حمل
بس ما آخذ علاج
اخفف اكل بس
والدكتوره قالت لي اذا ارتفع راح يكبر البيبي

حرم بدر اذا سكرك عالي والبيبي كبير سوي قيصريه احسن لك

 

[حرم بدر]

لا الحمد لله السكر وايد زين

انا سكري مالى مو مرتفع وايد وايد

يعنى على الحميه مسيطره عليه

واقيس بعد الوجبه الدسمه الحمد لله يارب يكون طبيعي

ووزن البيي مو مناثر بالسكر لانى اسوى حميه

وان شاء الله على الاسبوع الياي بسوى سونار وان شاء الله الوزن تمام

لا ما ابي قيصري جربتها في بجري وجربت الطبيعي في الثاني

الطبيعي واااااااااااااااااااايد احسن

دعواتكم بنات الله يسهل علي ويسهل عليكم ويرح منى سكر الحمل