فيني فطريات والتهابات ساعدوني

[نجلاء العالم]

السلام حبوبات والله ضاقت فيني الدنيا ومالي غيركم بعد الله يمكن القا عندكم الجواب الشافي
صارلي اكثر من شهرين اعاني من فطريات الكانديدافي المهبل وعنق الرحم
قولولي شالسالفه الدكتوره قاع تجرب فيني كل الحبوب والكبسولات وتقول يطول علاجها
صارلي سنه ونص وللحين ما حملت فيني تكيسات عل مبيض واحد والتهاب في قناة الي صوب هالمبيض تعبت شسوي ما اعرف شي
زوجي صارله اكثر من شهرين ما جاني بسبة الالتهابات
ابي اطيب منها منو كانت مثلي
تكفون لا تخلوني​

 

[د.أطفال]

الله يشافيج حبيبتي
شوفيلج دكتورة ثانيةالي اعرفه الفطريات علاجها حده سهل

 

[Flower20]

حياتي تنقعي بماي البحر وايد زين للالتهابات

 

[ابدا يالغالي مانساك]

بسالج انتي تشيلي المنطقه بشنو

سورري ع سوالي وبتقولي شكوو

وتستعملي المسك الطهاارة شلون طريقتج في ستخدامه

وبعدياا بقولج

 

[ام عذبي]

اختي انا مثلج صار معاي بأول زواجي وقعدت سنتين وانا اعالج والتكيس لازم عمليه بالمنظار وبعدها حملت وكل اموري صار اوكي ولله الحمد بس هو شوي يطول وانتي اصبري شوي ان شاء الله تتشافين

 

[عسل حدي]

الحين صيف طبي بحر ترا علاجه سحر
البحر بيوخر كل التهاباتج وفطرياتج وبيضيقلج المنطقه بعد

 

[ماي الورد]

حبيبتي انا كنت مثلج جربت كل انواع العلاجات وما فادني الا العسل سويه داخل في المهبل بتحسين بحرقه ومع مرور الايام بيروح كل الالم والتهاب الي فيج وانا والله من يومتها ما شفت ولا حسيت بشي التهابات

 

[عسل حدي]

اب لعيونج

 

[زينب ام زينب]

روحي لدكتوره منى الفارس ودعيلي الله يبلغني بعيالي مناي


هي دكتوره جلديه بس تخصصها فطريات

انا عالجت عندها فطريات مهبلبه اسبوع واختفا الالتهاب والحمد لله

 

[جولينار]

اللي اعرفه تحاميل وغسول وتقطعهااااا ؟؟


شوفي تنقعي بموية وملح خشن بس المويه مو دافيه عشان الالتهابات ماتزيد وتحرقك

خليه الموية فاترة

واليوم الثاني تنقعي ببابونج زيييييييين للمنطقه يهدي الالتهاب


وفي البيت لاتلبسسين اندر وير كثير عشان تتهوى المنطقة والهوى يقبل البكتريا والفطريات


وكثري هالفترة من اكل الزبادي ممتاز للفطريات


هذا اللي يحضرني حاليا

وماتشوفين شرررر ياااااارب

 

[دهورتني يازين]

اب اب اب اب

 

[نجلاء العالم]

بسالج انتي تشيلي المنطقه بشنو

سورري ع سوالي وبتقولي شكوو

وتستعملي المسك الطهاارة شلون طريقتج في ستخدامه

وبعدياا بقولج

اشيل بالشيره وما احط مسك الطهاره بعد الدوره ما احط شي..

 

[نجلاء العالم]

روحي لدكتوره منى الفارس ودعيلي الله يبلغني بعيالي مناي


هي دكتوره جلديه بس تخصصها فطريات

انا عالجت عندها فطريات مهبلبه اسبوع واختفا الالتهاب والحمد لله

امين يارب عسالله يرزقج ..ومشكوووووره عل الرد زين انا التهاباتي مو حكه وريحه
التهاباتي داخليه احس بحرقه ما اتحملها وقت الجماع بس بس حكه ماكو
وافرازاتي لونها اصفر

​

 

[نجلاء العالم]

اشكر كل الي ردو علي واستفد وايد من كلامكم وبطبقه وجزاكم الله خير وعسالله ينول كل وحده مرادها يارب مشكوووورين من كل قلبي

 

[نجلاء العالم]

الحين صيف طبي بحر ترا علاجه سحر
البحر بيوخر كل التهاباتج وفطرياتج وبيضيقلج المنطقه بعد

بعد قلبي مشكووووره يعمري
بس جم مره اروح البحر

 

[نجلاء العالم]

روحي لدكتوره منى الفارس ودعيلي الله يبلغني بعيالي مناي


هي دكتوره جلديه بس تخصصها فطريات

انا عالجت عندها فطريات مهبلبه اسبوع واختفا الالتهاب والحمد لله

شنو الاتهابات الي فيج شنو نوع الفطريات

 

[عسل حدي]

اب لعيونج

 

[برونزية رشيقة]

شوفي هالعلاج للاتهابات النسائية .. أنا قاريته من كتاب إسمه (عالج نفسك بطعامك وشرابك)

تاخذين عسل أصلي (عندج عسل العويد أو عسل معجزة الشفاء) موجود له ركن بالجمعيات ،،،

المهم الطريقة : تذوبين قفشة كبيرة بكوب ماي دافي وتشربينه عالريق يوميا لمدة شهر كااااااااااااااااااامل ..


وبعدين كل 6 ساعات إلى 8 ساعات .. تذوبين قفشة في ماي دافي (لأنه يعتبر نوع من المضاد الحيوي الطبيعي حسب كلام الكتاب) هالطريقة لمدة أسبوعين .. وتمتنعين عن الجماع .

وحبيبتي :::::::::::::: تخللصصصصصصي من جميع الملابس الداخلية عندج (قطيهم بالزبالة ) لأن حتى لو تعالجتي ورجعتي لبستي نفس ( الأندر وير) راح يرجع لج الإلتهاب مرة ثانية !!!!


والروب مهم جدا .. لأن الروب فيه بكتيريا (صديقة للجسم) كثري روب لمدة شهر كامل 3 أو 4 مرات باليوم ويفضل قبل النوم .

ولا تغسلين بصابون بالمنطقة التناسلية لان يهيج الالتهابات والفطريات .. غسلي بعسل وماي دافي .. أو بابونج (ممتاز جدا ) للرحم .

 

[برونزية رشيقة]

ونقطة مهمة أكثري من الدعاء والاستغفار بنية العلاج والشفاء .

 

[ثنايا الورد]

البنات كفووا ووفوا وارجع ااكد عليج ماي البحر ممتاز

طبي البحر وراح ترتاحين لو يحصل لج كل يوم لاتخلين

وربي يشافيج