فيه دكتورات حريم بالكويت شطار في مجال تجميل الصدر؟تكبير بدون عملية عن طريق حقن الدهون

[q8ia7]

السلام عليكم :eh_s(7):


انا فبالي الحين وقاعده ابحث عن موضوع (تكبير الصدر من خلال حقن الدهون)
مفكره حيل اسويها انشالله

و اهم شي عندي احصل دكتوره مره امرأة
يليت تفيدوني بهالموضوع .. بسأل وايد اسئله


اشوف الاغلبية كله يسوون شغلهم عند دكاتره رياييل نااااادر اشوف ناس يروحون لحريم

لو تسألوني عن اشهر دكاترة التجميل بالكويت

بذكر جم دكتور .. ريال .. من كثر ما اسمع اللي حولي يذكرون تجاربهم

بس لو تسألوني عن حريم ما اعرف ولا وحده


الحين قبل شوي كنت اسوي سيرج عن الحريم

اللي انذكرو في مجال تكبير الصدر (شيرين ابو الفتوح - صابرين الزامل) بس

وحتى الكلام عنهم مو اللي يطمن 100%

فأي بنت تعرف شي بهالموضوع تفيدني بلييييييز

سواء عن :

- تجربتها بتكبير الصدر بدون عمليه (حقن الدهون لتكبير الصدر)

- او ذكر تجربتها مع الدكتورتين اللي ذكرتهم (د شرين و صابرين) ويليت لو عنوان او ارقام عياداتهم

-او ذكر تجربتها مع اي دكتوره جربتها وانا ما سمعت عنها في هالمجال



بليز بنات ابي تجارب عن دكتورااات حريم .. لا تقولولي عن رياييل بعدين احتر لووول ابي وحده .. دكتوره ..

وبليز بعد بلا دعايات لأن اللي يسون دعايات مجكوكين فماله داعي يعني .. حتى لو حاولو يبينون ان من صجهم ينجكون ..وانا اعرف لهم :rerrerek:


بليز ما ابي دعايات =)


ومشكورين والله يعطيكم العافية ،،

 

[freethinker]

ماعندي فكره لان بسوي شد عند ريال هههههههههه
بس سالفة حقن الدهون وايد سمعت عنها مخاطر واعتقد ان الدهون يسحبها الجسم انصحج بسيلكون اذا تبي تكبرين

موفقه

 

[q8ia7]

مشكووووره عالرد =)

ما اقدر اسوي العملية ، اهلي مايرضون

وبعدين شكل السيليكون وملمسه يبين انه مو طبيعي .. عشان جذي حسيت حقن الدهون وايد احسن لي
بدون عملية او بنج وبنفس الوقت تطلعين
وفكرت ان الدهون يشيلونها من جسمج ويحطونها بجسمج
بس هم انا ما ادري ابي احد يشرحلي الطريقه بالضبط شلون تصير
يمكن اهون عنها لان بس فكره فبالي


مادري انا كنت اقول جنه مو زين وجدي والحين اسمع وايد عن هالشي انه ماشي
مادري جان زين احد يفيدنا

 

[q8ia7]

up



up

 

[freethinker]

لا لا اذا بتسوين سيلكون قوليله تحت العضله ! تحت العضله مايبين كلش لا ملمس ولا شي

بس عموما انصحج صج كأخت حاولي فيهم واقنعيهم احسن من انج تحطين ماده ماتدرين جسمج يرفضها ولا تعفس هرموناتج او تسببلج مرض لاسمح الله

 

[q8ia7]

يماااه خرعتوني والله

بس عيل ليش جذي نسمع ان وايد ماشي هالايام وشكثر بنات ياخذون هالابر =(

لا ماكو فايده مستحيل اهلي يرضون

اصلا كنت ناويه اخذ الابره من وراهم بس

 

[فديته]

انا بعد معاج

ودي اشد بطني واشفط دهون واحقن بالارداف والوجه

بس ابي مره مو رجال وفكرت بشيرين بس خوفوني منها البنات

ومستحيل افكر اروح برا صعب اهد عيالي

ياليت وحدة نصوحه تدش وتنصحنااا بدون دعايه لان فعلا معروفين اهل الدعايات

 

[q8ia7]

^^^

مشكوووووره عاالرد

انشالله احد يفيدني بموضوعي عن حقن الدهون بالصدر وهم يفيدج بأسئلتج

 

[freethinker]

كويتيه سألي يمكن احد يسوي سيلكون بيوم واحد ... وترى السيلكون بروحه اسهل من عمليه الشد والتصغير

انا بسوي شد حدي مخترعه شفت الفيديو ماله يمه رعب ! اما لمن شفت السيلكون بس من حوالين الحلمه يدخلون السيلكون ويخيطونها وحتى مايبين الجرح ... شوفيلج دكتور يطلعج من المستشفى بيومها اكيد بتلاقين بس خلج شاطره وسوي سيرج

 

[moone GRL]

انا نصيحتي لج مثل رد وحده من الخوات قبلي

كنت متابعه لقاء لدكتور تجميل يقول احسن شي لتكبير الصدر تكون حشوة السيلكون تحت العضلة عشان يكون شكلها طبيعي بس بيكون فيها الم اكبر ونقاهه تطول

والكل ما يمدح الحقن

 

[q8ia7]

مشكورين بنات كلكم

بس والله ضيقتو خلقي كانت فبالي حييييل 90%

بس يعني كلكم تقولون "يقولون مو زينه"

ما اشوف وحده مجربه ؟ او تعرف وحده مجربتها ..

اذا جذي مو زينه مثل ماتقولون عيل ليش موجوده بالعيادات

 

[ام داااني]

في دكتورة برويال حياة اسمها جي سويدية واهيا تخصص صدر واااااااااااايد يمدحونها

 

[freethinker]

كويتيه روحي استشاره حق دكتور شاطر انصحج دكتور كروز زين وثقه بهالسوالف واسأليه اذا تنفعلج او لا منتي خسرانه شي ويمكن يقولج زينه

 

[q8ia7]

حبيباتي والله ماتقصرون

ام داااني .. يبيله والله .. عالاقل استشيرها مثل ماقالت فري

فري ثينكر .. صعبه ريال حبيبتي بس مشكوووووووره والله افدتيني =)

 

[مس اغراء]

ايه والله حتي انا ودي اكبر صدري عند دكتوره لان زوجي موراضي اكبره عند ريال

 

[مس اغراء]

وبنفس الوقت ماابي جراحه تكفون يابنات فييدوني
انا للحين حاجزه مواعيد عند 3 عيادات بس ابي عياده ثقه