في أحد دقوو عليه التامينات الاجتماعية حق المقابلة ؟؟!!

[بنووته كويتيه]

السلام عليكم انا قدمت علي التامينات الاجتماعية و اليوم
دقو علي قالولي مقابلتي يوم الاحد بس ماعندي اي فكرة عن المقابلة
اللي عندها فكره عن المقابلة تقولي بلييييييز

 

[مسك اسود]

سوووري ماعندي فكره
اتمنى البنات يفيدونج حبوبه

 

[بنووته كويتيه]

مشكورة حبيبتي ماتقصرين 

 

[pink banana]

انا خبري فيهم التفديم اللي قبلة كان حدة سهالات واسئلتهم عادية كلش كلش مو ذتكرة بالضبط
بس جنة سالوني شتعرفين عن التامينات
وليش ليلحين ما اشتغلتي
راح نحطج كاونتر ترضين شي جذي
يعني سهالات وحليوين
والكل بهذيك الفترة قبلوه
لانهم يبون موظفين ويبون يفتخون فروع يديدة

الله يوفقج حبيبتي

 

[بنووته كويتيه]

مشكورة حبيبتي و الله يوفق الجميع انشالله
انتي اشتغلتي عندهم ؟ اشلون الشغل عندهم و عطوج دورة ولا لا ؟

 

[nonosha]

انا مقدمة وقبل تقريبا شهر سولي مقابلة
اول شي بما ان تخصصي تمويل فقالولي اول ما قعدت
من الاخر ندري ان قطاع الاستثمار احسن شي حق تخصصج بس مكتفين حاليا

عندج مانع تشتغلين شغل ماله علاقة بتخصصج
بنحطج بقطاع التامين ؟
عندج مانع . ؟ تدرين ان في دورة قبلها ؟
تدري ان المكان التزام ؟
تبين تشتغلين مع مراجعين ولا مكتب ؟ نفس الشغل بقطاع التامين بس يا اما مكتب او مراجعين

وين قدمتي غير التامينات ؟
قدمتي بالديوان ؟ شنو كنتي تبين اي مكان بالديوان
يمشيلج بدل بطالة ؟
عندج اي سؤال ..؟؟
وبس

 

[بنووته كويتيه]

اها اوكي و توظفتي عندهم ولا لا ؟؟!!

 

[frawlah_83]

بنوته شوفي التجمع القديم بتحصلين ان شاء الله في وايد معلومات تفيدج

وموفقه ان شاء الله

 

[honey lust]

انا بعد دقوا علي اليوم و الاحد مقابلتي بس ما ركزت الساعه جم

الساعه جم مقابلتج؟؟

و ما عندي فكره عن اسألتهم

 

[بنووته كويتيه]

انا بعد ماركزت لاني كنت نايمة  بس اتوقع قالتلي الساعة ١٠:٣٠ و الدور ٢٠ يوم الاحد اذا ماني غلطانة
انا تخصصي محاسبة انتي شنو تخصصج ؟

 

[honey lust]

اي اهوه الدور عشرين بس الساعه جم مادري يبيله باجر اتأكد

انا تمويل

 

[بنووته كويتيه]

اي لازم ادق انا بعد و تأكد
انشالله الخميس راح ادق عليهم 

 

[Ms.Roon]

انا دقو عليي اليوم ومقابلتي
يوم الاثنين بس ما سالت اساعه جم

 

[بنووته كويتيه]

كلنا نعرف اي يوم و مانعرف الساعة جم  الله يسهل علينا انشالله و وفق الجميع 

 

[غزال الاداريه]

انا دقو علي أمس بعد,, وقالولي المقابة الأحد الدور ال20 الساعة 10

الله يوفق الجميع​

 

[بنووته كويتيه]

اي اتوقع انتي معاي نفس يومي و نفس وقتي بس جنه يقولون التامينات كراف و ماكو اجازات ولا استاذان مادري انا محتارة اروح ولا ماروح ناس يقولون زينه و ناس يقولون مو زينه 

 

[بنووته كويتيه]

بنات توقعون في امتحان ورا المقابلة ولا بس مقابلة و علي اساسها يشوفون يقبلونا ولا لا ؟؟!!

 

[Ms.media]

الله يوفقج ان شاءالله
اخيرااا بدوا يدقون في احد من الاعلام دقوا عليه

 

[Ms.media]

لا التأمينات ماعندهم امتحان بس مقابله وبعض التخصصات يعطونهم دوره

 

[بنووته كويتيه]

آمييين و وفق الجميع انشالله  زين اذا بس علي المقابلة انشالله سهالات