في السفر كم متوسط سعر المبلغ المخصص لمشترياتج بصراحه ؟؟؟

[سلمى الخير]

يالله خنشوف جم تحطون مبلغ خاص للتسوق بالسفر

عندكم الاختيترات فوق

صوتو الحين

والي بيسافرون بالتوفيق يارب

والي بيقعدون نفسي هارد لك معوضه ان شاء الله

وبكلا الحالتين لاتحرموني من تصويتكم مسافرن او ماسكين الديره :klhfl:

 

[تمنيتك]

صووت

 

[سلمى الخير]

حياج الله والحين الي صوتو ثلاث

للحين

 

[سلمى الخير]

على فكره ممكن تصوتين من غير لاتردين ع الموضوع

واطلب من الي يمرون بالموضوع يرفعونه عسى الله يرفع شانهم ههههههههههههههه

عشان نقدر ناخذ اكبر عدد للتصويت

 

[سلمى الخير]

صووت

فديتج ياروحي انتي وصوتج

 

[سمسميه]

يعتمد على الديره الي مسافرة لها
كل ديره لها ميزانيه خاصه
ولازم نكون معتدلين بالتسوق والله الوناسه والاستجمام اهم واحلى من التسوق بالسفر
وهذا رايي

 

[سلمى الخير]

يعتمد على الديره الي مسافرة لها
كل ديره لها ميزانيه خاصه
ولازم نكون معتدلين بالتسوق والله الوناسه والاستجمام اهم واحلى من التسوق بالسفر
وهذا رايي

بالضبط ياروحي انتي

بس احنا نحسب المتوسط المعقول للسفرات للدول المتوسطه مثل شرق اسيا او اوربا او الامارات مونها ديرة تسوق

 

[سلمى الخير]

2000 صوتين

1000 صوتين

300 صوتين


منو الحلوه الي ترفع الموضوع

 

[سلايل*عبس]

ااناااااااااااااااااااااااااااااااااااااااااااااااااااااا

لصراحة يعتمد على الديره اللي رايحتلها
وعلى الايام اللي بتقعدينها
على مووووووودج بالتسووق
واهم شي على ميزانة سفرتج ؟؟ والافضل بنااات تسوون ميزانيه للتسوق على حسب هالشغلات اللي قلتها وميزانيه لباجي السفره السياحه والتونس والمطاعم يعني
وتحطين في بالج اذا معاج عيالج ومعروف الرجال لومايقول شي على التسوق هم يمل

انا اختي الله يهداها اذا سافرت - ماتسافر الا ديرة فيها تسوق نظام ريلاكسين واماكن تاريخيه وتغيير جو ماعندها - وثانيا ماكو سوق سوق سوق
حرام ترد منبطه من الوجبات لان ماكو وقت تروح مطعم كله بالسوق وزوجها يحرام يرد مسطره من الفراره بسوق خخخخخخخخخخخخخخخخخخخخخخخ ----> رياجيل بسرعه يذوبون شحوم مو احنا خخخخخخخخ


:klhfl::klhfl::klhfl::klhfl::klhfl::klhfl:

 

[غنغوش]

صوت ..يارب اسافر السنه ..والحج ان ان شاء الله

 

[3e6er alwrd]

والله على حسب الديرة الي رايحة لها في دير ما تسوى تتسوقين منها وايد لان مافيها شي فمصروفج يقل بس احنا عادة نحط 100 دينار مصروف يومي وطبعا ما نصرفها كلها لان احنا شخصين وايام لا تصرف وزيادة فيصير نسبه وتناسب اليوم الي ما صرفنا فيه وايد الباجي يترحل حق اليوم الي راح نصرف فيه اكثر والاشياء الغاليه ناخذها على الفيزا علشان ما نتوهق

 

[أم عزيـز]

انا بالنسبه حق نفسي احب اسافر علشان السياحه ما اتسوق الا حق الصوايغ
عشان جذي ما اقط فلوسي على ملابس وجناط وهالسوالف
اقطها على رحلات وطبيعه وجذي

بس مرات الصوايغ تكسر الظهر لووول يعني بحدود 300 دينار

 

[سلمى الخير]

والكفه ترجح ل300

طيب ليش يقولون حريم الكويت مصرفات اب


اب

 

[gardenia.79]

والله يا بنات خوووش موضوع - انا عن نفسي مينونة سوق وتشري وآخر سفره ماليزيا واستراليا بدعت ابداع لم يبدع به احد :O_SHH_: الصراحه كانت ميزانيتي هالمره 5000 دينار مشتريات فقط لا ودفعت ريلي وزن 300 دينار باستراليا و200 دينار ابماليزيا :dddds: وحصلت لي كلااااااااااام بالعظم وتهديدات للسنين القادمه :krkrkr:
بس والله صج صج السوق باستراليا وماليزيا شي بدعه وخيال وانا من النوع اللي اشري حق خواتي بالسفر .
آآآآآخ ادعولي اولد بالسلامه علشان اتفرغ للسفر المره اليايه _03BA: