في بنات من النوعيه المريضه بيناتنا ؟؟

[حناينq8]

صبحكم الله بالخير يالغاليات


حبيت اخذ رايكم ونتناقش بموضوع صار لي امس باحد المولات

كنت رايحه اشتري ميك اب من محل معروف وبدون ذكر اسامي

قاعده اطالع الالوان والاشياء اليديده ومعاي بنتي الصغيره وبالمحل تقريبا 4 الي 5 بنات ومبين طالبات

اللي تشتغل بالمحل اناديها بسألها تيي لي بسرعه تجاوبني وتطير تروح توقف عند البنات


المهم خذيت اللي ابيه ورحت انطرها عن الكاشير

جان تيي لي بسرعه عشان تحاسبني وصرنا شوي بعاد عن البنات

والا تقول لي انا اسفه يا مدام

بس انا متعوده على هالنوعيه من البنات من اغفل عنهم يبوقون من المحل

انا @@ !!

قلت لها شيبوقون يعني ميك اب ؟؟ !!


تحلف وتقول والله العظيم ان يوميا وقت الصبح تصير بوقات بالمحل وعلى شنو على ميك اب

انا طلعت من المحل وانا منبهره من كلامها وما اظن انها تجذب او تتبلا

وحبيت احط هالموضوع مو بس عشان نتناقش فيه

لا - انا حبيت اعرف شنو الهدف من ان هالاشكال المريضه يمدون ايدهم ويبوقون ميك اب
وليش البوق اساسا ؟؟
ما تخاف ان الميك اب اللي باقته باجر ويها يحترق من عقبه ؟؟
ولا تخاف من عقاب الله ؟؟

مادري انتوا شرايكم بالموضوع من كل النواحي

 

[ام فطوم وحمود]

الحمدالله والشكر الله لايبلينا هذا مرض ونقص توعية ودين الحمدالله ،،، الله يهديهم ويستر عليهم

 

[نهى أحمد]

اول شي
صباح الخير
وحبيت اكون اول وحده ترد عليج

البنات من النوعيه هذي متعودين على هذي الشغلات
يمكن يكونون ماخذينها شغله تسلايه ولعب
يا اما بالفعل هذي نفوس مريضه

والله يهديهم انشاءالله

تقبلي مروري

 

[*g!vnchy]

الحمدلله ياربي
هذي الفئه ماتفكر بشي اسمه اخره
اللهم لاشماته الله يهديهم

 

[حناينq8]

الحمدالله والشكر الله لايبلينا هذا مرض ونقص توعية ودين الحمدالله ،،، الله يهديهم ويستر عليهم

اكيد مرض اللهم يا كافي الله يستر عليهم ومشكوره على المرور حبيبتي

 

[حناينq8]

اول شي
صباح الخير
وحبيت اكون اول وحده ترد عليج

البنات من النوعيه هذي متعودين على هذي الشغلات
يمكن يكونون ماخذينها شغله تسلايه ولعب
يا اما بالفعل هذي نفوس مريضه

والله يهديهم انشاءالله

تقبلي مروري

صباح النور هلا حبيبتي
ما اظن ان التسليه توصل لي هالاستخفاف
الله يشفيهم بس

 

[مراام]

الحمدلله والشكر احد يبوق ميك اب !! لو قلتي فلوس بقولج معقوله بس ميك اب هههههههه اف قويه ..


اما السبب اكيد قله الوازع الديني لويخافون ربهم ماباقو اشكرا خبر لدرجه انه الموظفه تدري عنهم !

 

[حناينq8]

الحمدلله ياربي
هذي الفئه ماتفكر بشي اسمه اخره
اللهم لاشماته الله يهديهم

الله يشفيهم
ومشكوره على المرور حبيبتي

 

[SWEET18]

الله لايبلينا يااارب
هذا صج نقص وتبي تحس انها مسويه انجاز او هذي تكووون عاده عند وااايد

ناااس وترى في ناس تبوق اشياء ماااتسوى موبس مكياج الحمدالله والشكر

تخيلوا مره في الجمعيه طاحوا على واحد شاب بايق ديودرت تخيلوا باللله هذا شي يسوا الواحد يتبهدل وينفضح علشانه

الله يهدي هالنفوس المريضه

 

[حناينq8]

الحمدلله والشكر احد يبوق ميك اب !! لو قلتي فلوس بقولج معقوله بس ميك اب هههههههه اف قويه ..


اما السبب اكيد قله الوازع الديني لويخافون ربهم ماباقو اشكرا خبر لدرجه انه الموظفه تدري عنهم !

هالاشكال ما يمثلون الا انفسهم
والفشله عليهم الحمدلله والشكر

وحياج الله يقلبي

 

[الموت ولا فرقاك]

هذا يكون فيهم مرض
والاهم من جذي انهم كلهم صديقات سوء
الله يهديهم جميعا


تقبلي مروري

 

[حناينq8]

الله لايبلينا يااارب
هذا صج نقص وتبي تحس انها مسويه انجاز او هذي تكووون عاده عند وااايد

ناااس وترى في ناس تبوق اشياء ماااتسوى موبس مكياج الحمدالله والشكر

تخيلوا مره في الجمعيه طاحوا على واحد شاب بايق ديودرت تخيلوا باللله هذا شي يسوا الواحد يتبهدل وينفضح علشانه

الله يهدي هالنفوس المريضه

الله يهديهم ويبعد هالاشكال عن عيالنا
وحياج الله حبيبتي

 

[حناينq8]

هذا يكون فيهم مرض
والاهم من جذي انهم كلهم صديقات سوء
الله يهديهم جميعا


تقبلي مروري

صديقات السوء هذي حاله بروحها يبي لها علاج

وحياج الله يقلبي

 

[رضاهم جنه]

انتي مستغربه من بنات يبوقون مكياج !!! في مدرسات بالمدرسه يبوقون تليفونات زميلاتهم في احد المدارس وهم تربويات

الله يشفيهم ومشكوووره على طرح الموضوع علشان الي عندها نيه تدري انا كاشفينها هههههههههههههههه

 

[)( مسألة وقت )(]

صباح الخير ..

ويعطيك العافية يا قلبي على طرح هالموضوع ..

لأنه فعلا مهم .. وهالجيل أستغفر الله .. الغالبية منهم مريضة ..

طبعا الأمراض بالوقت هذا حدث ولا حرج ..

هي يمكن تتسمى مظاهر دخيلة .. سلبيات .. أي شيء ..

بس لو ندور مصطلح يشملهم كلهم ما أعتقد بنلقى احسن من كلمة مرض ..

( شذوذ - تشبه بالجنس الأخر - ايمو - قلة الوازع الديني - اللامبالاة وعدم إحترام الآخرين ) .. وغيرهم كثير ..

واللي يسونه هالبنات من سرقه شيء سخيف .. مع التركيز على حرمه السرقة سواء شيء سخيف ولا كبير ..

أكيد مرده لقلة الوازع الديني .. والخلل في التربية وأسلوبها .. وحتى التعليم أكيد فيه خلل ..

ولو ما هالأسباب متوافرة مستحيل نشوف أحد يمد يده ويسرق ..

أيضا ً التساهل في العقاب له دور في إزدياد هذه الظواهر ..

في النهاية ما أقول إلا الله يهديهم ويصلحهم ويستر عليهم ..

ويعطيك العافية يا قلبي على الموضوع ..

 

[[[ عيون جابر ]]]

ويييي فشله الكل درا انهم بواقين شتسوى عليهم
ومثل ما قالولج البنات هذول لا يفكرون بحرام ولا بآخره
الحمدلله والشكر ياربلا تبلانا

 

[Om ToOoTa]

امبيه @@


من صجهم

عادامس بالجمعيه 2 شباب بايقين باكيت زقاير الكبير الكامل بايقين 4

واحد مسكوه وااى فشله

والثانى طيح واحد وطار بالثانى

اللى مسكوه هنود الجمعيه حده فشله واهو (... )

الله يعيهم ع المرض النفسي

 

[قلب أبيض]

والله ألحين صار البوق بكل شي الحمدلله والشكر يارب :0bee2e8d89:

الله يهديهم ..​

 

[كوكاتوو]

اللي تبوق يكون اما مرض فيها تحب البوق حتي لو عندها وقادره تشتري هم تبوق لو شي صغير وتافه
او ان تكون وحده عينها ضيقه تبي كل شي ومانعدها تشتري توفره بالبوق عشان تطلع جدام رفيجاتها وشوفونى عندي بس صراحه مايسوى عليها فشلتها اذا صادوها بهالموقف ... وتحياتي لج:tek:

 

[Om eL-3a9aGeeL]

امبي الحمدلله والشكر

حتى مرة وحدة حطت موضوع انها بمحل نظارات ودشوا بنتين باقوا نظارة وانحاشوا !!

استغفر الله شفيهم استخفوا

ترى ساعات يكون مرض أو هوس فيهم انهم يبوقون حتى لو مو محتاجين شي

مرة بأوبرا حطوا وحدة جذي كل ما تدش السوبرماركت عندهم لازم تبوق حتى لو ككاو !!!

الحمدلله الذي عافانا مما ابتلاهم فيه