@ في زيارة خاصه للكويت ... @

[T R F]

مسائكم ورد ... جميعا

حبيباتي ... بإذن الله راح اكون في زياره للكويت من بكره ... ولمدة ثلاثه ايام

ابي اسأل ... عن الشغلات اللي موجوده في الكويت كبضاعة ومش موجوده عندنا ..

عطورات شرقيه مميزه ... شنط ... اكسسوارات ... هدايا تتميز فيها الكويت

وابي استفسر عن مطاعم ... نظام كبائن ... هادية ورايقه وغير مزوحه

الجو شلون صاير حاليا ... بارد دافي

ولكم جزيل الشكر ..

:blueSmCLR::blueSmCLR::blueSmCLR:

 

[شوكلاتهـ]

حياج الله في الكويت تنورييييييييينا


جونا بارد

وانا برايي تروحين 3 مجمعات كل يوم روحي واحد فيهم ومطاعمهم كثر شعر راسج طبي وتخيري بس اللي تشتهين موجود

مجمع الافنيوز ومجمع 360 ومجمع المارينا


يالله حيهااااااااااااااااااااااا :q8:

 

[T R F]

رد : @ في زيارة خاصه للكويت ... @

مشكوره اختي ... وعساك على القوه ..

بس استغرب ... انا دخلت بهالقسم ... ومالقيت الا رد واحد ...

معقوله ... مافيه شي كهدايا تتميز فيه الكويت ... ولا حتى مطاعم حلوه كنظام كبائن وووووو

وشغلات ممكن احد يدلني عليها ...


على العموم اختي .... الله يبيض وجهك ... وانتي بالذات في خدمتك بأي زياره للخبر

عيوني لك اوسع لك من القلب

شكرا لك ...وياليت إذا فيه شغلات بال360 مميزه .... لأني زيارتي سريعه

 

[عهود الحب]

رد : @ في زيارة خاصه للكويت ... @

الله يعينج الحين الدنيا مولعة نار من اسعار هالتجار
و اتوقع كل شي عندنا عندكم بس يمكن تمرة الجيران حلوة
دوري عالشغلات الي يتميز فيها السوق الكويتي للهدايا
تلاقين اكثر الناس يبون بقصم و رهش وشغلات جي
كأكل وكملابس مافي مثل الدراريع بالكويت
تخصصنا دراريع وانا اقترح تروحين لمجمعات راقية ومجمعات رخيصة لزوم التنويع
عندج بالفروانية و حولي شغلات حلوة
وهم ما يهون معرض افكاري تحصلين فيه شغلات روعة صوب سوق الجمعة
وعلى طاري سوق الجمعة اذا تبين سجاد روعة وارخص من السوق تحصلين فيه
وتحصلين بعد خامات للهدايا وتحصلين فيه بعد على شغلات شكثر
و عندج سوق السالمية الاحمر حلو بعد للهدايا


والله يعينج عالاسعار :q8: الحين كل شي مولع نار والسبة هالمنحة الله لا يسامح التجار

 

[افكاري]

حياااج الله بالكويت ديرتج الثانية تنوووورينا والله

حبيبتي حياج بمعرض افكاري فيه شغل حلوو من مشاغل للدراريع وبدل الاستقبال ونفانيف الاعراس الي الهدايا والاكسسوارات والشنط والاشغال اليدوية اللي يتميز فيها المعرض ومكانه واايد هادي والدخول للعائلات وداخل المعرض ركن بوكية الهدايا هدايا وتغليف وشغل روووووعة من فناتك الاستقبال ​

 

[رحيل المرافيء]

رد : @ في زيارة خاصه للكويت ... @

عندك سوق المباركية بعد وفيه مقهى حليب وهيل انصحج فيه اكلات شعبية هو مثل الكوفي شوب
واسواق الفروانية
واذا انتو بالسيارة جايين اقرب لكم اسواق الفحيحيل مجمع كويت ماجيك والكوت والمنشر ووايد مجمعات
غير الاسواق الشعبية
الدراريع دراريع سارة بالمباركية واليشمك وغيره بمجمع الاوقاف بشرق

 

[شـقـاًويـه]

رد : @ في زيارة خاصه للكويت ... @

هلا والله حيآج آلله حبيبتي بآلكويت ديرررتج آلثآنيه ..



الافنيوز :

حلووووو .. بس دائما ززحمه مآ تلآقين مكآن هادي ورومآنسي مثل مآ تبين .. بس معروف آنه آفضل مجمع بآلكويت .. :$
واكثر مطعمين آكل فيهم ، فرايدز و تشليز .. يم يم يم ،






ثــــ 360 ـري سكستي ..

آنآ عن نفسي آعتبره هآدي .. مآ إشوف فيه زحمه مثل آلآفنيوز ..
والاحلى ان الماركات اللي فيه اغلبها عالميــه ..
يبي لج آطقين فرره فيه لانه فعلا يستآهل .. =)



آلكـــوت ..

اجواءءءه عجيبه حيييل وفيه مطاعم حلووه .. خصوصا (هافانا) عجججججيب حيل اموت عليه هالمطعم.. دائما اكل منه لانه هاادي وفيه كباين على قولتج ..
وهالمطعم ما يجونه الا قليل .. وكله اصادف اجانب .. =)

 

[همس دافئ]

رد : @ في زيارة خاصه للكويت ... @

حيـــــاج بالكويت حبوبه
وفعلا لازم تنوعين بالمجمعات يعني

روحي الافنيو بالشويخ كل المحلات العالمية موجودة
همن عندج الكوت هادي وخوووش مجمع
وطقي لج فرة بافكاري اذا تبين شي مميز وهدايا
واسعارة معقوله
اذا تبين عبايات حلوووة روحي مغاتير بالفروانيه
ويمه تعشي بمطعم: مهراني كباين واكلهم شغل عدل
وتوصاين بالسلامه
:hjy5jewf:

 

[Mona Lisa]

رد : @ في زيارة خاصه للكويت ... @

حياج الله بديرتج الثانيه والبنات كفوا وفوا عندنا مطعم الستينات بحولي فيه كباين للعايلات تاخذين راحتج ومطعم الصيني فيه كباين ومكانه بحولي وفيه مول اسمه سبونز فيه جميع ارقي المطاعم ينن ومكانه علي البحر بمنطقة الفنطاس

 

[راعية الطويلة]

رد : @ في زيارة خاصه للكويت ... @

ترف حلت ضيفة ع الكويت
يا مرحبا يا مرحبا
ويني من زمان عن هالموضوع
يا الله
عطينا موضوع جديد
توصفين لنا عن رحلتج
حبيبتي و الله

​