في شغلتين محيريني عفية جاوبوني عليها

[حبي عبودي]

السلام عليكم

بنات بسألكم الحين انشالله ولادتي قيصريه

وانا مركبة جم ضرس ثابت مو متحرك الي سمعته انا يشيلون الضرس بالعملية او مثل التقويم

اذكر الدكتور سألني بولادتي الي طافت انه اذا مركبة شي وقتله لا

والحين مركبة بس ثابت ما ادري فهموني ليش يسألون عن هالشي وشنو راح يسون

والشي الثاني وحده من رفيجاتي هم حامل ولاداتها قيصريه موعد ولادتها بعد جم يوم وعطاها الدكتور حبوب مضاد حيوي وهي مو عارفه ليش ولا اسألت الدكتور كانت تعبانه ونست

حق شنو بنات وليش عطاها الحين

 

[GaLbI t7aWaL]

والله اول مره اسمع بهالشي

ان شاء الله البنات يفيدونج

بس بعرف الضرس شكو بالولاده !!

 

[مدمنــــة قهــــوة]

مادري والله

دقي على دكتورتج اسأليها احسن

او قوليلها بمراجعتج

وبالسلامة يارب

 

[حبي عبودي]

دكتور البنج هو الي سألني بولادتي الي طافت اذا كنت مركبة ضروس او لا

بس ما ادري المشكلة اي شي بسأل الدكتور علية كلة انسي ما ادري ليش

بس قريت عن الولادة القيصريه انه يشيلون اي شي اصطناعي مثل تركيب الضرس او التقويم

بس انا ثابت وجم ضرس بس

 

[حبي عبودي]

ما قلتولي عن حبوب المضاد بعد

 

[white**angel]

اي لازم يسئلج لانه راح يبطل حلجج ويحط مثل تيوب فيسئل يخاف لا يكسره ويطيح وتختنقين في او تبلعينه فخطر

 

[حبي عبودي]

وي خوفتيني شيحط داخل حلجي وليش بس انا ثابت قصدج اذا ضرس متحرك يعني اخاف يتكسر او جذي

 

[white**angel]

اهوا يسئلج احتياط عشان لا يصير اي شي ويتفاجئون بنص العمليه عشان يكون عندهم خبر والتيوب اللي عرفته يوصلون لي داخل بس وين بالضبط مادري بس حق النفس اتوقع

 

[عاشقة لندن]

اذا الاسنان ثابته خلاص مافي خوف لا تحاتين وبقولولج مافيهم ضرر

كان لازم تسألين ليه معطيج المضاد يمكن عندج التهاب بالبول الله يكرمج

 

[Koka_alotaibi]

ماقصروا البنات (
تولدين بالسلامه

 

[ابدا يالغالي مانساك]

حبيبتي تولدي بالسلامه تذكريني

موقفناااا بالخااااص قبل تعرفي بحماالكك

يارب يسهل عليكك ان شالله