في مرة سامحتي وبلعتي موس وسكتي؟؟؟؟تعالي بنشوف

[ااسامي]

:080402ask_prv:السلام عليكم

حبيباتي كويتيات

أسعد الله أوقاتكن جميعا
هالموضوع عجبني وحبيت انقلة لحبيباتي كويتيات وندردش فية شوية

المؤمن مبتلى....والحياة بها العدل وبها الظلم....
مين منكم مرت بظلم وغفرت وسامحت ونست وحتى لم تعاتب وترفعت عن النقاش...
ولا كأنها سمعت أو رأت ؟؟؟؟ ومن مين هالظلم ؟؟ وليش سامحت وغفرت ؟؟؟

ماهي أكبر غلطة بحقك بلعتيها ونسيتيها ؟؟

هل هي من زوجك ؟؟ من حمولتك ؟؟ أو من صديقة العمر ؟؟
من اختك اللي ربيتيها ؟؟ من أخوك ؟؟ من أحد والديك (أكيد دون قصد منهم) مثل زوجوك واحد ما تبينه ؟؟شي مثل هالاسباب

نبى نبتعد شوي عن مواضيع الانتقام والتحريض و(التحريش ).. ..وشلون أرد عليها ...أوكيف ألقنها درس....وكيف أسمها مثل ما سمتني...ومن هالقبيل.....

اليوم نبى نتكلم عن التسامح والتضحية والعفو !!!
هذا الوقف كتبتة صاحبت الموضوع مو انا ::::
وانا نقلتة لحبيباتي انتو ع لسانها:::
بالنسبة لي حدث لي هالشي قبل تقريبا 7سنوات....

خطب (حماي) أخو زوجي...وبعد فترة جت خالتي(أم زوجي) وقالت لزوجي:ـ
أنها اتصلت عليها ام خطيبة ولدها وقالت لها انهم استخاروا وفسخوا الخطبة..وقالت لزوجي:ـ
انني أنا السبب وانني كلمتهم وقلت لهم حاجات عنه وبطلوا..وأنهم قالوا لها هالشي...
يعني اتهمتني ظلما انني السبب !!!
وقالت لولدها لايقول لي بس اذا خطبوا مرة ثانية طلبته يخليني بعيدة وما يعلموني بشي!!!
طبعا ما صبر وجاء يحاسبني ؟؟؟
قلت له يالله نروح لهم أنا وأنت (لأنسابهم) ونسألهم قدامك ؟
قال:ــ لا أنا أتصل عليهم وأسألهم ؟
وسأل؟
فقالت أم البنت :ـــ
أمك هي اللي فسخت الخطبة وكلمتني اليوم وقالت لي !!!!!!!!!!!!!
وتأكد من الاتصال وعرف الحقيقة كاملة...
وسأل أخوه وطلع أنه هو أرسل أمه تخبرهم بفسخ الخطبة..
وقايلة للعريس تراني بقول لأخوك (اللي هو زوجي ) أنهم هم اللي فسخوا!!!
حتى يسعى لك مرة ثانية...
لأنه سبق زوجي سعى له بخطبة
وبعدين تخانقوا وانسحب العريس
والفشلة صارت بوجه زوجي
وقاله ما أمشي معك الا اذا كنت جاد وعاقل...

فقمت حبيت راس زوجي وطلبته ما يناقش هالموضوع مع أمه أبد !!!!!!!
لأن الموضوع واضح أنه فتنة....
واشترطت عليه اني أطلع ببيت مستقل (وكان لي فوق 10 سنين معهم )
وأني استمر بالعلاقة الرسمية معها ولا كأن شي صار....
لوجه الله أولا....ومساعدة له للبر بها...
ثم من أجل معزتي لزوجي ثانيا...

نرجع لموضوعنا.....

مين فيكم صار لها ظلم أو بهتان وبلعته بسلام ؟؟ ومن منو وليش؟؟؟

قصة تسامحك قوليها لنا ؟؟؟

بانتظار مشاركاتكم؟؟؟؟
ومشكورات مقدما....
منقــــــــــــــــــــــــــــــــــــــــــــول
:blueSmCLR::blueSmCLR::blueSmCLR:

 

[ااسامي]

رد : في مرة سامحتي وبلعتي موس وسكتي؟؟؟؟تعالي بنشوف

اب اب

 

[زهراء الركابي]

رد : في مرة سامحتي وبلعتي موس وسكتي؟؟؟؟تعالي بنشوف

الانسان مو معصوم من الخطأ

ودايما اللي اردده على لسااااااني اللهم اجعلني مظلوووووووم ولا تجعلني ظالم


والله يسامح الكل ويغفر زلاتهم ان شالله


يعطيج العاااااااافيه

 

[مشتاقه لك يبا]

رد : في مرة سامحتي وبلعتي موس وسكتي؟؟؟؟تعالي بنشوف

المسامح كريم

 

[شيخة الزين كله]

يقولون نام مظلوم ولا تنام ظالـم

ناطرين تـجارب البـنات

يعطيج العافيه :eh_s(7):​

 

[حبيبة الغاليين]

رد : في مرة سامحتي وبلعتي موس وسكتي؟؟؟؟تعالي بنشوف

موضوع حلو تشكري على نقله

----------------------------

بالنسبة لي صارت لي سالفه و هي ,,,

متعودين ان نروح نزور جدة زوجي ( عودو )

بين فترة و فترة يعني , المهم

و صارت ان طافت فترة طويلة ما زرناها , داك اليوم رحنه نزورها و طبعا هي مره كبيرة

و ظلت تعاتب ليش وينكم من زمان عني و من هالسوالف

فانا قلت لها ان زوجي دائما مشغول ( يدرس و يشتغل )

و قلت لها ان حتى بيت ابوي ما اروح الا بين فترة و فترة

و انا بنتي في داك الوقت صغيرة و كله مريضة لان ولدتها و هي بنت سبعة اشهر

ردت علي عودو بكلام خلاني انصعق و اتيبس مكاني و ابطل عيوناتي

قالت لي : عجل ليش عمتج تقول ان كل يوم تخليني زوجج يوديج بيت ابوج و مغربلتنه

و انا الله يشهد علي صار لي فترة ما اروح

و حتى لما اروح يكون بطلب من زوجي يقول لا يحوشني اكتئاب لان كله قاعده في البيت و هو صبح شغل و بالليل دراسة

و ما يرجع البيت الا 9 باليل

انا لما سمعت كلامها سكت و ما قدرت اقول ولا كلمه و زوجي ترى حاله من حالني منصدم

لما رجعنه البيت ظليت اصيح صياح مو طبيعي ما توقعت ان عمتي تتكلم علي في شي مو صدق خصوصا انها ما جافت مني الا كل خير و الكل يشهد

من صوبي ما كلامتها و قلت الى زوجي خلاص انا نسيت السالفه و ابغي اتدرب سياقة و اروح و اجي بكيفي محد ايجي يقول ان مغربلتنك

و خلاص انا كان عندي الكجة من زمان تدربت و طلعت ليسن و اروح و اجي بكيفي

بس زوجي حز في خاطره و راح كلم ابوه بدون لا ادري و قال له و حتى عمي استغرب و يقولون حمواتي ان قالوا ليها ليش تسوي جدي تقول هي ما قالت شي و تنكر و تغاور

و انا بصراحة ما فتحت وياها الموضوع لان واضح

بس للحين عليها دقات بس شسوي ام زوجي لازم اتحمل و خصوصا اني احبها و ما ارضى عليها

و سلامتكم

 

[[[ عيون جابر ]]]

وايد نسامح ونطوف عادي والله تعودنا

 

[جروح خالده]

رد : في مرة سامحتي وبلعتي موس وسكتي؟؟؟؟تعالي بنشوف

موضووع حلوو

ناطرين تجارب البنات

 

[ااسامي]

رد : في مرة سامحتي وبلعتي موس وسكتي؟؟؟؟تعالي بنشوف

يسعدني ويشرفني مروركم حبيباتي

ناطرين تجارب البنات خنستفيد شلون نمتص غضبنا من تجارب اللي طاحو بمثل هالمواقف

وااااااااااي الله لا يقطني بجذي موقف انا بسرعا اهب واتهاوش الله يصبرني

 

[@دلوعة حبيبها@]

:krkrkr:والله انا بصراحه انظلمت وايد يمكن الي تقرا ردي بتقول هذي تبالغ
والله ياما انظلمت ونمت وانا دمعتي على خدي واسامح وقول نامي مظلومه ولاتنامين ظالمه
بس لي الحين اعدائي يسوولي مشاكل ويدبرولي ويكيدولي ثاني يوم يشوفوني ولا كانه فيني شي وحتار عدوي فيني والله كريم والله ينجيني منهم ويبعدهم عني
ولو اكتبلج وما خلص واقول حسبيا الله ونعم الوكيل نعم المولى ونعم النصير

 

[حبيبة الغاليين]

رد : في مرة سامحتي وبلعتي موس وسكتي؟؟؟؟تعالي بنشوف

وين البنات ؟!؟!؟

 

[غير كل الناس]

تجرحت حنجرتي من كثر الامواس