في مشاكل بيني وبين خطيبي

[candy-lady]

انا وخطيبي ماخذين بعض عن حب
وفي الفتره الاخيره من علاقتنا زادت المشاكل وزاد بينا الشك لدرجه انه مو مرتاح ولا انا مرتاحه شسوي؟
هل اني انفصل ولا اضل يمكن ربنا يهدي بالنا؟.
مع العلم كل يوم يصير بيني وبينه مشكله واحنا صارلنا شهر مخطوبين بس

 

[دلووعة أهلهاا]

اول شي انا ماأنصح يابنت تكلم خطيبها بفتره الملجه بتصير مشاكل اكثر لاتروحين لاتجين لا ولا ولا ولا ...نظام انا رجال وعندي مره وابي اتحكم !!
ثاني شي اهو ليه يشك؟؟ يعني يشك بشنو؟؟ يشك فيج؟ على أي اساس؟ ما وضحتي
واذا مشاكلكم على أشياء تافهه ماله داعي تفكرين بالانفصال يعني مع الحياة بعدين والعيشه مع بعض أكيد راح يتغير أما إذا الموضوع أنه يشك فيج وانتوا توكم مالجين ماصارلك شهر أتوقع الإنفصال اريح لج أكييد لأن الشك مررض بس أنتي قبل كل شي استخيري ربج وبعدها أخذي راي أمج اهي كبيره وافهم مني ومنج ولها خبرتها بالحياة والله يوفقج ويسهل عليج

 

[MN.collection]

حبوبة استخيري قد ماتقدرين واذا مو مرتاحه انا افضل الانفصال من الان افضل من بعدين والله يوفقك

 

[أم علي الرفاعي]

طولي الملجة >> شوي طوليها مو وايد
وكل شي راح يبين بهالفترة ,,

والله يسهل

 

[عروس سمره 2011]

عادي حبيبتي انا بعد صارلي شهرين من ملجت وكل يوم خناق انا مع ريلي الامور تهدا مع الوقت - اثنين كل واحد شخصية وكل واحد افكار وقناعات ومشاعر وحاجات عشان تندمج لازم تتصادم فترة لين توصل الى مرحلة الاستقرار - طولي بالج وشوفي انتي معاه شنو سبب الاختلافات وحاولي تهدين معاه وتوصلون الى حل وسط لاي مشكلة بينكم يرضي الطرفين- لا تفكرين بالانفصال عشان ما يحصل - بالعكس خلج ايجابية دائما - موفقة يارب

 

[BoxCouture]

اذا انتو ماخذين بعض عن حب شلون بينكم مشاكل يوميه.؟؟؟؟؟ يمكن قبل كنتوا تجاملون بعض او كل واحد يمثل على الثاني ويوم صارت الصجيه خلاص .... راح الحب معقوووله !!!!!! استخيري وفكري مليون مره قبل لا يصيرالارتباط رسمي. الحين انتي عالبر وعطي نفسج وقت

 

[noo7a]

انا اتوقع هالمشاكل بسيب التوتر و الخوف من الحياة اليديده
هدي بالج و صلي عالنبي انشالله ماكو شي و كل شي ينحل بالهدوء
ولا تحطين موضوع الانفصال اول اختيارج خليه اخر شي
ترى شهر واحد خطوبه بهواش و زعل من بعد علاقه حب مو مقياس انج تنفصلين بهالسرعه

 

[زهره الجلنار]

الله يعينج

 

[نوال علي]

اللي فهمته منج انه علشان انتي تكلمينه قبل رجال ماعنده ثقه فيج
والله الله يعينج ما في الا طولين بالج وتحاولين تكسبين ثقته وهل شي ما يجي بيوم ولا يومين يجي بسنين يالله رجال يحط فيج الثقة او انتي وحظج يمكن يتم العمر كله شاك فيج في رياجيل جذي ..
الله يوفقج ويسرلج امرج وصلي صلاه استخاره والله يهدي لج

 

[$حليب ككاو$]

حبيبتي خلي الانفصال أخر حل لج ليش ما تقعدين معاه وتحطين النقط على الحروف يعني قوليله إذا انت شاك فيني عطني أسبابك مو حلوه نبدى حياتنا بمشاكل
وبعدين الرجال بل فتره هذي يحاول يفرض شخصيته وإنتي ما تبينه يتحكم فيج وجذي ما راح تمشي حياتكم إذا شد أنتي أرخي بس بعتدال
حبيبتي أستهدي بالله ترى الرياجيل أعقولهم مثل البيبي لازم تسايسينهم تعوذي من أبليس وحرام الحب إلي بينكم يضيع

 

[ريومه2011]

استخيـــــــــــــــــري مره ومرتين وثلاثه......لييين ترتاااحين
وادعي داااايم بصلاااتج ان يوووفق مابينكم ويبعد عنه تفكير الشك فيج ويسخره لج مووووفقه حبوووبه....

 

[gmar al-kuwait]

ماادري الله يفرج همج ياقلبي

 

[عسل سل]

استخيري وبعدها امشي على احساسج

 

[candy-lady]

مشكوووره على ردودك طمنتوني وانشالله بصلي استخاره اكثر الله يجزيكم الخير

 

[حلمي إنت]

الله يفرج همك ويسر لكِ وان من راي الاخوات اللي قبل صلي الاستخاره واجلسي معه يمكن تعرفين السبب
والرجل يحب يثبت شخصيته بالبدايه دعواتي لكِ..

 

[gala q8]

الله يهديكم يارب ,,

 

[احبك ليش؟]

استخيري احسن و فكري عدل قبل لا تتسرعين و تندمين موفقه