في وحدة ولدها متعلق فيها ودخلته حظانة ؟

[M&Ms]

ولدي عمره سنتين وايد متعلق فيني ويستغرب من الناس و ابي ادخله حضانة وخايفة ما يرضى يقعد هناك منو مرت بهالشي وشنو تنصحوني ادخله ولا انطر عليه ؟

 

[om deaj]

دخليه وهديه ولا تلتفتين عليه كلش اهو راح يبجي اول جم يوم وتالي يتعود

احسنلج واحسنله

 

[M&Ms]

مشكورة حبيبتي ماقصرتي انت جربتي مع ولدج؟ ودي وحدة تكون مجربة شلون تعاملت وياه

 

[om deaj]

ي جربت بس انا ولدي تم معاي ولازق فيني لي ال٣ سنين ونص ووديته نادي وعانيت اول اسبوعين بس اتركه وانا اقوله ترا بقعد قريب وارد قبل لايخلص عشان لا يشوف اليهال واهلهم ويستاحش

حتى رفيجاتي عيالهم اصغر من ولدي وتعبو اول جم يوم مرة على مرة ومثل ماقلتلج فهميه انج بتردين ويبيله هدية من سوق١٠٠ وعطيه كل ماخذيتيه
وهديه وامشي لا تلتفتين عليه وبس تردين حضنيه وبوسيه ومدحيه وراح يتاقلم انا كان رافض ومايبي يروح بس بعدين قام يقولي خل نروح وديني

 

[M&Ms]

مشكورة طمنتيني

 

[ترف بابا]

انا كان ولدي حييييل متعلق فيني ... ووديته حضانه

واول يوم قالوا لي خلاص خليه واحنا ندخله

احس قلبي يتقطع يوم اسمع صوته يبجي وبصوت عاالي ...

بس اسبوع وصار عادي الوضع - وانتي نصيحه اذا حطيتيه بحضانه حاولي تاخذينه مبجر لان اذا شاف اليهال يروحون واحد واحد تري يخااف

وهذا شي مهم بالنسبة للياهل ( ولدي يسألني لما اقطه الصبح يقول ماما بسرعه بتاخذيني؟؟؟)*

 

[om_3azoz]

انا وديت ولدي حضانه كان عمره سنتين او اقل شويه المهم حيل متعلق فيني

اول يوم راح عادي لان شاف يهال وجذي راح على طول لعب وانا انحشت لان اداوم الصبح
ثاني يوم بجى اول سبوع تقريبا بجى بعدين قام يرروح اساحله


قبل لا اوديه الحضانه اوديه البقاله اشتريله كرواسون وبطاط وعصير واحطهم في جنطته الاكل وعادي يروح

اول شهر راح عادي ثاني شهر نصه راح بعدين قام يبجي مايبي يروح مادري شفيه معنه الحضانه الابلات يحبونه ويانين عليه بس اهو مايبي ,,

خليته بالبيت لان انا عطلت عطله الكبيره يوم سجلته اول كورس اليديد اللي طاف راح سبوع ودفعت فلوس وشريت الملابس لان كمل سنتين ونص سبوع وبس ماقام يروح يبجي بجي مايبي ماقمت اوديه شنو اسوي بعد

بس الحين مع بدايه الكورس بروح اسجله الحضانه بس بغير حضانته عمي يقول مره رحت اخذه ولا حاطينه بالصف واهو مايبي يبي يطلع يلعب ولان الحضانه صارت وايد

لان اول شي سعرها كانت ب 90 مع الاكل اول الكورس يوم سجلته قالت لي نزلنا السعر صار 50 عمي قال غيريها

 

[M&Ms]

ترف بابا و ام عزوز مشكورين وايد على نصايحكم انا ماخذة اجازة اسبوعين ودي اول اسبوع اقعد وياه هناك عشان يتاقلم على المكان ويتعود عليهم وبعدين اخليه بروحه مادري طريقتي صح ولا غلط وام عزوز على حضانة ولدج شكله احد من اليهال طاقه او الابلات غيري حضانته احسن

 

[ترف بابا]

العفو حبيبتي - بس لاتقعدين عنده - انتي بتشوفين الوضع لاتحاتين

 

[ريح قهوه]

دخليه راح تتعبين وراح يبجي بس اصبري وعااادي بالعكس انفع له وعشان يكسر الخوف ويصير يحب الناس واذا وديتيه راح يبجي ويتمسك فيج بس انتي خلي تاخذه الابله وروحي على طول عشان يتعود واسبوعين تلقينه هو بنفسه يروح بس هاه مو اي حضانه حضانه سنعه حضانه تخليه يحبها ويستانس لاراح لها والله يعينج على قعدته الصبح

 

[M&Ms]

ريح القهوة مشكورة حبيبتي انشالله يوم الاحد بوديه بس محتارة بالحضانة سامعين عن بولكا دوت اللي بالجابرية انا محتارة بينها وبين الانجليزية اللي بالرميثية

 

[om_3azoz]

اي انا قلت حق ريلي يمكن واحد من اليهال طاقه ,, واهو اذا احد طقه مايحب يطقه كله يبوس اليهال

خلاص الحين بغيرها


وانتي لاتاخذين اجازه ولاشي قطيه الصبح وراح يبجي اول اسبوع ويتعلم

 

[درة أهل الطولات]

دوري حضانه زينه

 

[M&Ms]

ام عزوز

يحليله ولدج شكله مسالم مشكله جذيه لا يتعقد منهم دوريله حضانة فيها كاميرا . احس قلبي معورني على ولدي بس ابي يختلط مع اليهال مشكلته حتى بالبيت لازم يمسك ايدي طول المدة .

درة اهل الطولات
ما عندج فكرة عن حضانات زينة ابي يكونون بالجابرية او الديرة

 

[Meeesh]

انا وديت ولدي الحضانه كان قريب سنتين وكان كل مره اوديه يصيح صياح هستيييييري ويتعلق فيني وهم يقولون لي روحي وخليه وانا قلبي يتقققققطططططططععععععع لدرجة انه كان يستفرغ من الصياح بس اللي بالحضانه قالولي عادي طبيعي وبيتعود وانا كنت حاسه انه مافي امل يتعود لانه كان كل يوووووم يصيييح بقوووووووه واستمر على هالوضع شهر !! والحمدالله بعدها صار طبيعي جدا وهو اللي يبي يروح وصار عنده اصحاب ويحب اللي هناك الحمدالله وشخصيته تغيرت للاحسن ..
الحين بيكمل سنه بالحضانه واشوفه كل يوم وهو يروح مااصدق انه هو نفسه اللي بأول الايام كان يهستر صياح

يعني حطي في بالك انك بتتعبين معاه اول الايام بس لازم تمسكين نفسك وان شاء الله بيتعود

 

[M&Ms]

مشكورة حبيبتي رفعتي معنوياتي انشالله باجر بوديه وبشوف شيصير

 

[AVE.NJ]

يابختج انه ولدي كلش ماله شغل فيني
متعلق في ابوه

 

[M&Ms]

واي وناسة يريت ولدي جذي