قااااعد ايصيرلي شي غريب بليز يمكن احد نفسي طمنوني

[A7La Shaii]

السلاااام عليكم بنات
عيدكم مبارك
بنااات انا حدي مخترعه وقلبي بيوقف :eh_s(2):

انا بلندن وحامل توني دشيت الرابع
امس مشيت واااااايد ولمن رديت نزل مني شي لونه بني فاتح سكت وانسدحت وماقمت اتحرك كلش نمت قعدت دشيت الحمام ولا ينزل علي شي لونه بني بس موووو شويه وايد رحت المستشفى وانا ميته بجي جان يقولي الدكتور ان النبض زين ونمو البيبي الحمدالله زين المشيمه اوكي الرحم مسكر بس شنو سبب كل الي نزل ماااااايدري يقول ماني شايف السبب قلت ابي مثبتات قالي ببريطانيا ماكو شي اسمه مثبتات ماكو شي يثبت فايدتها عمه مادري شسوي :eh_s(2)::eh_s(2)::eh_s(2): منو صار معاه جذي او سمع احد صار معاه جذي خااايفه وانا حيل تعبت علشان هلحمل عسى الله يثبته :eh_s(2):

 

[A7La Shaii]

نسيت اقول لمن دشيت الحمام لمن قعدت كاان بني غاااااامج

 

[anooma_86]

والله حبيبتي ماعندي فكره بس مادام نبض البيبي و نموه زين معناته الي نزل من الإرهاق و لازم ترتاحين

 

[A7La Shaii]

والله حبيبتي ماعندي فكره بس مادام نبض البيبي و نموه زين معناته الي نزل من الإرهاق و لازم ترتاحين

ماااددري والله بس خرعني .. يسلملي ردج عبرتيني مو الي دشوا وطلعوا بدون تعليق ولا حتى دعوه حلوه تسعدني

 

[مألوفة]

عادى حبيبتي لا تخافين انا صار معاى جذي

باول حمل لي ودام الدكتور طمنج فماكو خوف واصلا الرابع خلااص ثبت الحمل بس انتي حاولي ها الفترة تخفين من الجماع

 

[جمالي خيالي]

عااااااادي لاتحاتين كلش

هذا يسمونه دم فاسد او قديم يكون موجود بالرحم من زمان ومع المشي والحركه ينزل

يمكن يكون دم انغراس البيبي اول ماحملتي تكود هالدم بالرحم وتوه نزل

صارت معاي وايد وكنت اموت من الخرعه واروح الطبيب تقولي الدكتوره كل شي طبيعي الحمدلله بس هالدم قديم عشان جذي لونه غامج

 

[*ماي الورد*]

اللي اعرفه ان منشطات الحمل ما تنعطى ببريطانيا يعني صعبة حيييييل
توني ادري ان المثبتات بعد ما تنصرف عندهم
احنا اهني ناخذهم من الصيدلية بدون وصفة

 

[بيتي بوب بس كويتيه]

حبيبتي الدكتور اخبر
وعلى سالفه الادويه صج عندهم مو كل شي ينوخذ لانه هالاشياء تسبب امراض خطيره ومن اهمها السرطان
ظ

 

[miss_whitemocha]

حبيبتي عادي دام النبض أوكي والبيبي بخير ماكو مشكلة إنشالله.. هذا يكون بقايا دم فاسد عقب ما تكون البيبي بالرحم.. مافيج إلا العافية و ألزم ما عليج راحتج يا حبيبتي..
عسى ربي يتمم عليج حملج و يبلغج بشوفة ضناج سليم و معافى إنشالله..​

 

[دآنة آلرشآيده]

الله يتمم عليج
ويثيت حملج يآرب​

 

[ضي القـمـر]

الله يثبت حملج يااارب

 

[الـــذربـــة]

الله المثبت سبحانه والله يثبته لج

والله انا ماعندي خبره بس اسمع في ناس باول حمالهم ينزل معاهم
دم عادي اهم شي ريحي نفسسسج وغذي نفسسسج وخليها ع الله

الله يقر عينج بشوفته كامل بصحة وعافيه

 

[&هند&]

عسى الله يتمم لج وقومج بالسلامه عادي اهم شي الدم الاحمر هو الي خرع ،،،،،

 

[April 29]

الله يثبته ويقر عينج بشوفته
دام قال الدكتور ان كل شي تمام معناته مثل ماقالوا البنات ان تعب من كثر المشي
حاولي ماتمشين وايد وترى المشي وايد مو زين قبل التاسع .. علشان لا يصير ضغط على الرحم
كله انسدحي ورفعي ريلج فوق وتحركي بس مو وايد

 

[يا عيون سمي]

حبيبتي البنات ماقصرو
لاتخافين دام قالو كل شي طبيعي معناته الدم من خارج الرحم يعني ما يخوف عادي
انا اختي جذي صار معاها بس قالتلها الدكتوره انسدحي ولاتتحركين وايد

 

[طبعي مزاجيه]

الحمد لله ياقلبي مافيج الا العافيه لا توسوسين

تعوذي من الشيطان واحمدي ربج النونو بخير

هذا ياقلبي دم خارج الرحم كان موجود برحمج من زمان ونزل مع الحركه

انا عندي 3 بنات عسى ربي يستر عليهم وكل ماحملت ينزل معاي الدم البني

عادي ياقلبي لا تخافين تعوذي من ابليس و ارتاحي ولا تتعبين نفسج

ويالله ياااارب عساج تشوفينه بحضنج وتفرح عيونج بشوفته

الله يهون عليج يابعد قلبي

<<< حاسه فيج والله

 

[نور الدنيا 88]

عادي انا كان ينزل علي دم بالثالث و الرابع شوي
و طول الخامس دم بني ريحته دم فاسد تلوع جبدي
و كنت اروح الطبيب و كل شي طبيعي نفس مايقلون لج
سبحان الله
الله يتمم علينا و عليج و نولد بصحة و سلامة

 

[A7La Shaii]

فدييييييييتكم والله فردا فردا نفرا نفرا
عسى الله يتمم عليكم يارب ويحفظكم وينولكم مرادكم جانكم جبرتوا بخاطري وكلمتوني ودعيتولي

 

[فاقده ابوهاااا]

الله يثبت حملج دام كل شي تمام لا تحاتين ترى الحاله النفسيه تلعب دور واتعبج واتعب البيبي خلج ريلاكس وارتاحي

 

[A7La Shaii]

اي انشالله بحاول ما افكر ولا احاتي وعسى الله يتمم عليج ويسهل عليج يارب العالمين