قارئات اغاثا كريستى

[lovemyself]

السلام عليكم
هاى بنات :klhfl: عيدكم مبارك
انا عندى هواية القراءة احب اقرا فى اشياء وايده .. واحب اكثر شى انه تزيد معلوماتى وبعد استمتع بقراءة الروايات وخصوصا اغاثا كريستى غراممممممممى من كنت صغيرة خليتها فترة والحين رديتلها بصراحه احس انها مثيرة بشكل مو طبيعى والله من اقرا الصفحة الاولى ما ودى اتركها ابدا ليمن اخلص عموما فيه رواياتها بنسخ اصليه وفيه دور نشر ثانية يترجمونها بطريقتهم بشكل اكثر اختصارا وفوق هذا يغيرون اسم القصة وللى حصل معاى انى اشترى اسم القصة من دار نشر واقراها وبعد فترة اشتريها من دار نشر ثانية واتفاجا بانها نفس القصة حصل هالشى معاكم؟ يعنى اهم بس يغيرون العنوان لان اسلوبهم فى الترجمة مختلف .... يعنى بغيت اعرف اهى جم رواية كاتبة؟ وشنو اساميهم وشنو احلى وحدة قريتوها وما نسيتوها؟ انا عن نفسى قريت قصة اسمها المصيدة وسووها مسرحية نجحت نجاح باهر وهالقصة فى دور نشر ثانية يسمونها مصيدة الفئران او الفئران العمياء على ما اظن بصراحه رواية رووووووووووووعة شوى عليها ...
معجبات اغاثا كريستى شاركونا

 

[ملح و سكر]

اهلين وسهلين لوف ماى سيلف ..........انا مثلج غرامى روايات اغاثا كريستى ........


وانا تقريبا قريت معظم رواياتها .بس هذا وانا طالبه بالثانوى .والحين انا زوجه وعندى عيال ........وكنت اتمنى ترجع لى هوايه القراءه



لانها وايد مفيده .........بس الحين انا اللى راح اطلب منج اذا عرفتى فى اى مكتبه وشنو احسن رواياتها قولى لى على الخاص


لانى فعلا فاقدتها من زمان عل وعسى ترجع لى ذكريات ايام زمان ............



وبالتوفيق.........

 

[lovemyself]

حتى انا نفسج كنت اقراها وانا اصغر بوايد من الحين وانقطعت عنها من فترة طويلة والحين رديت اقرا الحين قاعده اقرا رواية الجريمة النائمة واى شدتنى حيل البارحه ما نمت قعدت اقراها قريت ثلاثة ارباعها وايد حلوه ومشوقة
شوفى تلقين روايات بيضاء صغيرة يكتبون عليها الترجمة الاصلية للنسخة الاصلية
هذى احسن الانواع لانها ترجمة نصية حرفية عن الرواية

 

[نماين]

وانا بعد مثلك غرامي اغاثا كريستي

يا كثر ما قريتلها انصحك تسوين سيرج عنها وبيطلعلك كل شي بالتفصيل

للاسف انا نساية حييل

ومثلك كنت اقرا اول الترجمات العادية وتكون القصة ضعيفة ليمن اكتشفت انه في ترجمة اصلية وكاملة لها فما قمت اقرا الا من هالترجمة واترك اي شي ثاني

وهالترجمة من دار نشر الاجيال ولونها ابيض وحصلتهم آخر مرة بمعرض الكتاب وشريت انا وخواتي حوالي عشر نسخ

من الي اذكره اللحين :

كلب الموت ( مجموعة قصص )

الجريمة النائمة ( تووونس الى آخر لحظة ما تعرفين القاتل )

البيت المائل

الاصبع المتحرك

صاحب البدلة البنية ( هذي غيييييييييير تهبببل كانها فيلم ويمكن اول مرة تدخل الرومانسية بشكل واضح )

المرآة المكسورة
الـخ ...

وان شاء بردلك واكتبلك اكثر

 

[Q8_QT]

آنا بعد مثلج كنت أقره روايات أجاثا كريستي من زمان وتقريبا قريت أغلب رواياتها
ومثل ماقلتي أغلب دور النشر قاعدة تطبعها بعناوين متغيرة بس أحسن دارقريتلها اهي المكتبة الثقافية ( أعتقد اسمها جذيه صح مومتأكدة )
ودار الأجيال اللي غلافها أبيض
وأفضل الروايات اللي فيها العمة ماربل أحسها أحسن من بوارو تبط جبدي شخصيته

 

[لولو البحرين]

احسن ترجمة هي ترجمة دار الاجيال حتى الغلاف يعجبني وأغلب القصص قرأتهم باقي بس جم وحدة واكمل كل المجموعة واللي اتذكرهم :
ذاكرة الافيال
الفتاة الثالثة
كلب الموت
خداع المرايا
البيت المائل
المرآة المكسورة
محنة البرئ
موت السيدة ماغنتي
الاربعة الكبار

لكن احلى شي ليل لاينتهي ومن ثم لم يبق احد هذيلا تنصدمين من النهاية.

هذي صور الروايات

 

[ذبحني صمتي]

...واااااااااااااااااااااااااااااااااااااااو واجد والله رواياتهاااا ومن زمان مدمنة عليهم...

وصارلي مثل موقفج ..قمت اقري كم صفحة من الرواية عشان اشووف قاريتها من قبل او لا؟؟؟..... مثل ماقلتي الرواية الوحدة لها

20 عنوان.....وتدرين مصيدة الفئران سووها مسرحية ومن الستينات تعرض بلا إنقطاع في بريطانيااااا......!!!!!!!!...

والحين الناشر الرسمي لهاا في الشرق الأوسط...مثل ماقالت الإخت الأجيال للنشر....وقريت انه منزلين مذكراتهااا ومعربينهاا

بس مو لاقيتهاا عندنا.....واحلى رواياتهااا.....قطار الشرق السريع.....والمرآه المكسورة.....والقصة اللي مات فيهاا بوارو...ناسية

إسمهاا...... والكل صراااحة.......مشكورة إختي هالكاتبة عجيبة...

 

[حجيه هيونه]

صح الاجيال افضل طباعه وارتب شي

انا لقيت قصصها ب جيان الى ب 360

اما عدد رواياتها الاصليه اهو 80 روايه


والاخت الى سألت عن القصه الى يموت فيها بوارو اهي رواية الستاره اعتقد


<-- لي الحين ماقرتها

 

[كستنائيـة ع ـسل]

والله ذكرتوني فيها من زمان موقارية لها مشكلتي ما اقرا الا بالسفر

 

[سوسو82]

انا احب فصصها وايد صارلي 15 سنة ما قريتهم .. ودي ارد اقراهم مرة ثانية مشكورين وايد على الموضووووع:*

 

[أسووووووولة]

ذكرتوني بالذي مضى
كنت عاشقة روايات اغثا كرستي وكل ما طلع فيلم عن شخصيتها وقصة حياتها جابلتة
اهي كتبت 85 رواية
مقتل روجر أكرويد
الرجل ذو البدلة البنية
جريمة قتل في قطار الشرق السريع
موت على النيل
جريمة في العراق
مبنى الرجل الميت
إعلان عن جريمة
ابزيم الحذاء
أخناتون
أغنية الموت
الاربعة الكبار
الإصبع المتحرك
البيت المائل
جريمة قتل بالمتر
خطر في البيت الاخير
موت اللورد أدوجير
القتيل المجهول
ليل لا ينتهي
جرائم في المسكن الجامعي
واختفى كل شيء
الستارة
لغز سيتافورد
ذاكرة الأفيال
سر الطاهية المختفية
ذو البدلة البنية
ساعة الصفر
شركاء في الجريمة
تحريات بارك باين
مغامرة المقبرة الفرعونية
غادة طيبة
حانة الموت
الشيطان انا 1963
جريمة في ملعب الغولف
والعديد من الروايات الأخرى والمسرحيات التي تحول أغلبها إلى أفلام سينمائية على الشاشة الفضية.
وزواجها من عالم اثار اتاح لها زيارة العديد من الاماكن التي اثرت فيها لدرجة كتبت روايات تدور احداثها في تلك الاماكن
فمثلاً، قصتها (لؤلؤة الشمس) مثلت تسجيلاً لزيارة قامت بها مع زوجها إلى (البتراء) في حدود عام 1933 ـ 1934. أمَّا رواية (موعد مع الموت) وفي فصلها الخامس بالذات فتصف روعة بناء المسجد الأقصى وعظمة قبته المُشيدة على صخرة مرتفعة وجمال نقوشه... الخ.‏ حديثها مع الدليل العربي الذى رافقهم في أحد التلال الأثرية في الجزيرة السورية ...، وكذلك فعلت في قصتها (نجمة فوق بيت لحم) عام 1965. زارت الكاتبة مصر درست حضارتها وتاريخها وكتبت الرواية المعروفة (موت على النيل) التي حولت إلى مسرحية عام 1946 بعنوان (جريمة قتل على النيل) كما كتبت الرواية الثانية (الموت يأتي في النهاية) وذلك عام 1945، كما كانت قد كتبت مسرحية (أخناتون) الملك المصري الذي فرض ديانة جديدة، وقد أعدت أجاثا كريستي لكتابة هذه المسرحية منذ زيارتها (الأقصر) جنوب مصر عام 1931، واستعانت بخبرة علماء الآثار في رسم شخوص المسرحية التي أصدرتها إحدى دور النشر عام 1973...‏

 

[فينيسيا]

واااااااااااي روعه اجاثا كريستي
اعظم كاتبه في التاريخ
صج مبدعه
ومثل ماقالو البنات النسخه الاصليه اهي دار الاجيال
ولهم موقع تشوفين شنو القصص الي انتهوا من ترجمتها
لانهم ماخذين التوكيل من ورثة اجاثا
فقاعدين يترجمون النسخ الاصليه من الورثه
وهم مكتبة جرير مسوين ترجمه بعد حلوه وكامله


من احلى قصص اجاثا
ثم لم يبقى احد == بعض دور النشر مسميتها جزيرة الموت
عجيييييييييييييييييبه صج ابداع ومستحيل تتوقعين النهايه
وقطار الشرق السريع
هم نهايه غير متوقعه
ذو البدله البنيه
رومانسيه راقيه
الستاره
يموت فيها بوارو بس حتى قصة موته عجيبه


q8_qt
انا عكسج ما احب مس ماربل
لانها بس قاعده مكانها وتحلل حسب خبرتها بالطبائع البشريه
اما بوارو عبقريييييييييييييي
يجمع الادله ويستنتج

واااااااااااااااي عجبني الموضوع شرايكم نتبادل القصص

 

[lovemyself]

وى يا حسرة بوارو مات
تصدقون هالقصة ما قريتها والله انا بصراحه ما شفت اروع من قصصها والمشكلة ما تقدرين تردين الرواية اذا طلعتى قاريتها من قبل تحت عنوان ثانى والله استانست من تجاوبكم انا بصراحه فى قصة لها قريتها من زمان حيل اسمها ساعة الصفر بس اهو مو من دار اجيال البيضاء لا من دار ثانية ورواية ثانية اسمها مصيدة الفئران هذيلا توووووووووووووووب شى عجيب والله
جميل جدا انى لقيت ناس مثل ميولى وبصراحه يتراوالى محد يقرا لاجاثا وما تعجبه قصصها

طيب بنات ما تدرون اذا فيه افلام شنو اساميهم وين الاقيهم احب الاكشن والاثارة والغموض حدىىىىىىىىىىىىىىىىىى

 

[ذبحني صمتي]

..... لهل فيلم مقتبس من رواتهاا والله ناسية اسمهااا..... الي واحد مجنون يعزم ناس في جزيرة مجهولة ويذبحهم واحد واحد هالرواية

عجيبة والمجرم صدمةةةةةةةةةةةةةةةةةةةةةةةةةةةةةة.....وبرمضان الل طاف طلعوا مسلسل لها كل يوم جريمة وناسة نجتمع

انا والوالد ونحلل الجريمة .....ونحاول نجك إسم الرواية....

ولها افلام بس قديمة.......مثل رواية قطار الشرق السريع....بس مثل ماقتلج قدم حيييل.......

ولاتطوفج الستاره عجيبة ..... راح يمووت بوارو وتوقعين منو يحل الجريمة؟؟؟ صاحبة الغبي ههههههه

ماراح احرقهاا عليج إقريهاااا......

من احلى قصص اجاثا

ذو البدله البنيه

..... أهلين إختي سبحان الله هالرواية بالذات ماحبيتها.... أصلا ماافهمتهاااا كلش؟؟؟؟....شكيت انه مو لهاا هالرواية...
وفي رواية اسمهاا قطار الساعة 4.30 أو شي جذي عجيبة إقريهاااا

 

[راحيل العبدلي]

شنوووو بوارو مات ...!!!

لا لاتقولون ..
شحقه تموته ..
شكلي برووح المكتبه وبشتري الروايه .
..

بس صج انا الي اقرالها من الاجيال ..
ودايما اشتريهم من مكتبه الطالب الي موجوده بمعهدي ..
و تجنن رواياتها تحسينها مو هينه بأفكارها ..
..

 

[lovemyself]

اى صح حتى انا بشترى رواية الستارة
يا حلاتكم بنات مسويين جو

 

[كويتيه كيوت]

وااااااااااااو اغاثا كريستي هني
لااا لااا ما اصدق..
لووول انا اغاثااا غرامي غرامي غرامي<<بالثلاث
اعشقها يوم كنت صغيره كنت اقراها بس الفتره اللي طافت
هديتها لكن حبي لها تغيير وبديت اقراها مره ثانيه

ايي والله حاسه في معاناتج مع دور النشر..
بالنسبه لي من افضل رواياتها..
البيت المائل.
غاده طيبه
الحب الذي قتل
الاصبع المتحرك
ساعة الصفر
ليل لا ينتهي
المرآة المكسوره
الحصان الاشهب
الاربعه الكبار
جريمه في قطار الشرق السريع

واااااااااااااااي كل رواياتها دخلت في جو الحدث
واموووت على مس ماربل اكثر من مسيوو بوارو

اوووف هيضتي اشواقي لها
خل اروح اقرالها
لووول

 

[راقية بأخلاقي]

عجيبة اغاثا انا كنت ادمان عليها بس من زمان عنها تدخلج جو ما تقدرين تسكين الكتاب قبل ما تخلصين الرواية

 

[نواره البطه]

هااي تصدقوون ولا مره قريت لها اي روايه وعايلتنا مدمنين عليها وخصوصا خالتي عندها مكتبه بكل كتبها شاريتهم من سوريا ومن لندن ووايد حلوين تقول بس صج شوقتوني عليها بقراها خلاص

 

[QUEEN-LUXURY]

وااااااااى ان اول كاتبه قريته لها اجاثا كرستي

احلى شىء جزيرة الموت فظييييييييييييييييعه وتشدج لى اخر القصه

وكلب الموووووووت حلوه بس مومستوى قصصها

وعندج الجريمه الكامله

والجريمه حدثت ببغداد اعتقد اسمه جذي

وعندي الاصابع متحركه بس ما عجبتنى


واى سؤاااااال انا حاااضره