قاعده على اعصابي..حلمت حلم يقول بعد اسبوعين راح يصير شي.....وانا انتظر

[طموحه بزياده]

السلان عليكم

انا صراحه ماعندي مشكله معينه ولا ابي احد يفسر الحلم

بس انا قاعده احاتي وانطر....وابي اعرف رايكم؟؟؟؟

قبل اسبوع حلمت حلم حلمت (ان جدتي تقولي بالحلم انها حلمت فيني حلم وقالتلي تفاصيل الحلم *صراحه اتذكر ان تفاصيله حلمها مو زينه* وتقول انها ماقدرت تنام ولا ترتاح لين راحت عند شيخ يعني مطوع يفسر الحلم وقالت ان المطوع قال هذي بشاره بشاره خير ابيجي مدري بيصير بعد اسبوعين... وانا بالحلم ماني مقتنعه ولا مصدقه ان تفسيره خير لانه تفاصيله ما ارتحت له)

بنات اللي بين القوسين كله حلم...وجدتي حيه يعني مو متوفيه وكان شكلها بالحلم جنها اصغر من عمرها تقريبا ب10 سنوات

المهم الحين مر اسبوع

وباقي اسبوع

اللي هو راح يكون الخميس 17/9 ولما حسبت طلع بليلة القدر 27/رمضان

وانا صراحه خايفه حيل واحاتي شسالفه الحلم؟؟ وهل راح يصير شي بعد اسبوعين من تاريخ الحلم...؟؟
وهل هذا الشي اللي بيصير زين ولا مو زين؟؟

خاااااااااااااايفه حيل واحاتي وقاعده اعد الايام وانطر الخميس الجاي يجي بعرف راح يصير شي ولالا...!!

بنات انتم شرايكم؟
مر فيكم جذي؟

وخصوصا بالفترة وبالشهور الاخيره أحلم بأشياء قبل لا تصير..

حتى مرات لما يسولف احد ويقولي سالفه اقوله ادري... فيقولولي شدراج؟؟؟؟ اقول حلمت بالشي قبل لا
يصير..؟؟


بليز ردو علي ولا طنشون

بأي رد يطمني

 

[om_3kash]

والله مايندرى العلم عند الله

و ان شاالله يكون خير

 

[ورد ابيض]

اللهم اجعله خير عليج
والله انا مامر علي
بس وناسه اقعد انطر شي:ggdw:

ان شاء الله خير
كثري من الدعاء

 

[طموحه بزياده]

مشكورين على الردود


وعلى قولتج يا ورده بيضه مرات اقول وناسه انطر شي ههههههههه


بس اهم اظل خايفه واحاتي

 

[pretty sarona]

خير انشالله

 

[ورد ابيض]

لاتحاتين
ان شاء الله خير
مرات الحلم يكون في الحلم نفسه موحلو بس تفسيره حلو


يارب تستجيب دعائي وتحقق الي ابالي
يمكن هذا الحلم بيستجيب اللي فبالج
ان شاء الله

 

[اسوووره]

اللهم اجعله خير يارب العالمين ...

حبيبتي هالشي ساعات امر فيه بس على طول يعني اتييني فترات احلم احلام و سبحانه الله اشوفها جدامي تصيرلي او تصير حق اللي حلمت فيهم و استغرب من هالشي وااااايد و وايد مرات اخاف من احلامي بس اللي اسويه بحالة الخوف اني اكثر من الصدقه و الله يا الغاليه انه هالشي يريحني راحه مو طبيعيه ...

و هالشي مو متواصل معاي يعني ينقطع عني فترات طويله احلم احلام وما يصير شي و عقبها يردلي ...

ما ادري شنو السبب بهالشي ...ساعات يكون حلو و ساعات يخوف بس مثل ما قتلج الصدقه راح تريحج ان شاء الله ...

 

[جلاديلياس]

انشالله خير حبيبتي دفعي صدقه

 

[Un-6be3iya]

حبيبتي ذكري الله و انشالله ماكو الا كل خير
ولا تحطين ببالج الشر هذا يتسمى " تطير" و هالشي ما يجوز
انشالله ماكو الا كل خير و الله يوفقج

 

[رفاعية19]

اول شي العلم عند الله...!!!ثاني شي حبيبتي كثري من الاستغفار واقري قرآن وحاولي تختمينه هالجم يوم وماكو الا الخير انشالله..

 

[$الـــحـــلاوه$]

ان شاء الله خير

 

[دندنه23]

ان شاءالله خير ولاتفكرين فيه وايد احسن لج

 

[طموحه بزياده]

مشكورين بنات على الردرد


ان شاء الله خير


بس صج غريبه شمعنى بعد اسبوعين؟؟

يالله انا بنطر....اخاف اخر شي ما يصير شي لوووووووووول صج يا خسار المحاتاه


وبأنتظار باقي البنات .......

 

[فجر الغلا]

ماله شغل الوقت حبيبتي يعني اذا بعد سبوع او ثنين كل شي بيد الله انا اول مره اسمع انه في وقت لتفيسر الحلم ماصار حلم صار فال الله يهداج سلمي امرج لله وبس

 

[Stylist]

الله يجعله خير
يمكن تبشير بليلة القدرلاتحاتين وتصدقي اذا خايفه انا في حل حيل كدرني وخفت منه ونصحوني اتصدق والحمدلله ماصار شئ

 

[سعودية واضحه]

ياحبيبتي تصدقي واقري قران وترى صديقتي مره حلمت انو في يوم 26-6 _2006 بيسر شي يغير حياتك
وسبحان الله مرت الشهور وجاء هالتاريخ صدف يوم زواجها سبحان الله والى الحين اذكر من كثر مو مستغربين سبحان الله يعني انتي ليش مفكره شي مو زين؟
يمكن شي زين ولك خير
وخليك متواصله معانا ان شاء الله خير ياقلبي وادعي على طول

 

[شموخ^بدويه]

اللهم اجعله خير ولا تحاتين

 

[طموحه بزياده]

مشكورين



ولي عودة

 

[كويتية و لكن]

لا حبيبتي لا تحاتين ماكو الا العافيه وانتي اكيد انسانه مؤمنه بالله وهذي احلام لا تودي ولا تجيب ولا تخلين نفسك للشيطان يلعب بعصابك مثل ما انتي حاسه لان الحلم السيئ من الشيطان وعموما الانسان كل يوم يصيرله شي بس تخيليه انه شي طيب شي مفرح --ليش تفكرين بالشي العكس تفائلي حبيبتي وخليك دايما متفائله صدقيني ما يقدر عليك الشيطان ولا يده --وذكري الله وقولي شنو الله بيرزقني بهاليوم حياه الله وكل شي من الله سبحانه وتعالي بحمد ربي عليه
والله يوفقك

 

[M a S]

خير ان شاء الله