قالب الميني جيز كيك ...!!!!؟؟؟

[Zaina1982]

السلام عليكم شلونكم بنات شخباركم

طالبتكم طلب ... يريت القى رد بأسرع وقت تكفون ...

ابي قوالب الميني جيز كييييك ... اللي يصير ماعون يدخل الفرن ومقسم الى دوائر او مربعات صغاااار كبر 100 الفلس ... بليز من وين اشتريهم ضروري ابيهم ...

رحت كل مكان مالقييت ...

رحت:
1- المبروك
2- الميرة
3- المهند (( متخصص ببيع ادوات الحلويات والمخابز))
4- الشركة الكويتية للزراعة (( متخصص ببيع ادوات الحلويات والمخابز))
5- سوق رامز
6- سوق لندن
7- مركز سلطان

ومالقيتهم بنات اللي عندها معرفة بمكانهم تقولي بليز ناطرتكم ضروري ضرووري لا تنسوني ترا ناطر...

بحط لكم صورة يريت تطلع ... بنات ردوا علي اللي فاهمتني ... بلييييز

 

[srabeel]

حبيبتي للأسف هذا مو موجود عندنا لأني هم دورته ما حصلته تلاقينا بره الكويت بأمريكا ولندن وغيره إنزين ليش ما تطلبينه ؟؟

 

[Zaina1982]

لان راح يصير غالي على الفاضي ...

 

[srabeel]

إي والله صاجه تدرين أنا شريت من المهند كذا قالب إصغار صج صج روعه وما أستغني عنهم إلي لونهم اسود مثل السلكون أو بلاستيك أخذت تقريباً 4 إزينهم أحسن من القالب العادي جربيه إن شاء الله إيوزلج

 

[Q8 Essence]

وين مكانه المهند ؟؟؟

 

[دمثة]

وين صاير المهند ................................؟

 

[جارة القمر]

أنا أشكثر دورتهم بالكويت


مو موجودين

 

[OM 3ABOD AL 7LOO]

حبيبتي هذا القالب مو موجود بالكويت انا دورته بكل مكن واستسلمت وبغيت اطلبه

طلع على ب25 دينار قلت حده ما يسوى

قاعده اشتري قوالب ب 800 فلس واشتري هذا ب25
والحين فقدت الامل اني اشتري اذا لقيتيه لا تنسيني وقوليلي عنه

وقاعده افكر اقول حق خالتي تيبلي اياه من بره
بس بشوف جم يطلع علي اول

 

[srabeel]

بنات المهند بشويخ وانا ما اعرف أدلي أحد كلشششششششششش بس إلي أعرفه إنه محل صغير مو مبين عدل وقباله كله باصات ومكتوب عليه المهند هههههه أدري يعني الحين شارحه قلت لكم ما اعرف أدلي عاد عندي رقمه بس للأسف تلفوني خربان جان عطيتكم الرقم بس يتراوالي جارونه تعرفه

صج إذا ما تدلون المهند روحوا حق المبروك هم عنده تشكيله اكثر ونفس المهند بس على أنواع اكثر

 

[zlm]

حبايبي مهند صاير ورى الميره تقريبا يعني عرفتى وين اشاره الي عند الميره اخذى فرعي راح يصير الميره على ايدج اليسار و دوار اقبالج حلو قبل الدوار بشوي شوفى على اليسار راح تلقين مهند

 

[zlm]

اما بالنسبه على القوالب انا بعد محتاجتهم وشكلي بطلبهم من بره

 

[عالي مستواها]

كنت بقولج إطلبيه من النت بس دام غالي ما يسوا

 

[شندوخه]

دورته بامريكا مالقيته وبالكويت مو موجود

 

[Zaina1982]

انا لقيت بالمضيان بس كل واحد بروح ومو صغار واااااااااااايد بس زينين احس من ولا شي .. المضيان تلاقونة بآآآخر شارع التمور محل كشخة وقبال محلات البلاستيك وجذي...

بس انا ياتني فكرة ... بقول حق ابوي يروح حق مصانع الالمنيوم ويعطيهم الصورة .. وانا اقولة القياس اللي ابي مثلا 4×4 او دوائر صغار واعطية مقاس القطر واهما يسووونه ... شرايكم تتوقعون ينفع ؟؟؟؟؟

 

[ام دانه 2009]

أختي العزيرة هذا القالب يباع في موقع امازون دشي وشوفي أنا طالبة منهم وايد قوالب

 

[شندوخه]

بنات عفيه ابي الرابط
زيووووون الله يعافيج اذا ظبطت علمينا عالمصنع

 

[النبيطة]

هذي شفتها في منتدى قبل شوي تبيعهوحدة ب 180 ريال

 

[شوشو الكويتيه]

ام دانه لو مافيه احراج دزيلى موقع امازون وتسلمين

 

[عاشقة الرشاقة]

شريته من الأمازون عن طريق مركز سلطان الكوت ويطلع سعره مع الشحن عشرين دينار

 

[حناين*%*]

السلام عليكم
اللي فهمته منكم ان التشيز كيك ما يلصق بالقوالب والله حلو هذي عقدتي مع التشيز كيك بروح اشتري منهم بسرررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررعـــه