قالي؛ اضعفي@_@ وانا وزني 55

[عاشت بلادي]

مرحبا بنات
مابي اطول عليكم .. بس احس اني بمووت من البجي
انا وزني55 وطولي 156
وجسمي مرتب -قوولوولووا ماشاء الله-
بس ريلي عقدته المتن لاني وقفت عالميزان جدامه وطلعت زايده 6 كيلوات عن وزني الاصلي(49كيلو) سوالي فلم انتي انبطيتي .. متنتي .. ومن هالحجي..
في المقابل كل ماشافني احد من هلي يسالوني ليش جذي ضعفانه لانهم موراضين يستوعبون اني ثبت عال49 من خمس سنين
موضوعي ... ليش كله الراييل يشوفون النقص فينا وانهم صنف الله المختار ---

بصراحه عندي لسته طويله حق زوجي بس اذا بتكلم عنه بقضبني الباب :
eh_s(16):

يلا حبيباتي الي نفس حالتي تعالوا نبجي بجي جماعي لانه اسمعت لو ناديت حيا لكن لاحياة لمن تنادي

 

[MiSS B.K]

امرج لله حبيبتي صعفي و لا تخلينه يتضايق من وزنج قوليله انشالله حبيبي حتى لو تبيني اختفي راح اختفي
ومالج شغل بكلام الناس خليهم يقولون ضعيفه المهم زوزج راضي عنج ..

 

[انا لحبيبي .]

يعني هو بدو ياكي تختفي مثلا؟ اذا 55 ناصحه ؟؟

الله يعينك حبيبتي​

 

[ماركة انثى]

الحين انتي تعتبرين عصله شنو يبيج تختفين بالله ...

انا اقول اكلي اللي تشتهينه وما عليج منه اذا قالج شي قولي ناقصه ونقصي من الميزان


الله يستر جان ماقام عليج زوجج بسبي بس شي يقهر حتى بالوزن يدخلون نفسهم


بس المراه اللي تشاور زوجها بكل شي يقعد ينفش ريشه ويتحكم بكل شي

لو كنت حييييل متينه له حق انه يقولج اضعفي بس كليو او كيلوين لا​

 

[جولينار]

وزنك مناسب لطولك

ماعليك منه بكرة اذا اختفيتي قال امتني واذا منتني قال انحفي وهكزا


الحل قولي طيب طيب و طنشيه

 

[نفهمها صح]

نفس
شي
انا عندي انتي ضعيفه
مو صاحي زوجج
متعغد كيفه لكا ن لا يعغد غيره
قوليله 2 نسوي رجيم

 

[ماني من الناس]

يمكن اهو مزاجه ستايل model

يعني وزنج المثالي مفروض ما يزيد عن 52

عادي ضعفي 3 كيلو مو مشكله ذاك الزود

 

[توام قلبه]

انا اول ماتزوجت كان وزني49 وكان عاجب زوجي حييل
وبعد اول ولاده زاد وزني وصرت من55وفوق
وكله يقولي ياحلات جسمج اول ماتزوجنا يهبل مع انه
يوم طلعت من الاربعين وكنت متنانه هم عجبه قلت انتو
يالرياجيل ماينعرف لكم جذيه عاجبكم وجذيه عاجبكم وماتعرفون
شتبون؟؟
قوليله زين وطنشيه على جم كيلو بيناشبج
وعلى فكره انتي حيل ضعيفه بعد شيبي يبي هيكل
عضمي​

 

[تبطي عظم!]

امره غريب !

 

[الزعفرانة]

تذكريني ابنات عندنا بدوام لامكياج لا عطر لا لبس واذا قلنا ليش الله جميل يحب الجمال قالت زوجي يرفض اتزين المشكلة احنا بمدرسة ونساء يعني احسن شي اعبدوا الرجال

 

[سروري]

أنا أقول ضعفي وماعليج من كلام الناس
((((لكن)))) قظبي شي على ريلج
كرش مثلا حتى لوكان ضعيف قوليله انتا حلو بعيني ولو ان كرشتك مأزمتني
خو تدري الكل عنده ان آنه سمبتيك وجسمي مثالي وماييصير آنه باربي وزوجي مايكون باتمان:eh_s(15):
كلمن يشوف نفسه انه اهو أساس هالوجود وان الناس لازم يمشون على هواه لاتخلينه يكسر فيج
خليج قويه واثقه بس بأدب و رقي
خليج راقيه أميره بسلوكج وتعاملك
صدقيني ادا انعدمت شخصيتج راح تطيحين من عين نفسج وعينه
وبعدين بتعيشين حياتج مكسوره مدقوره
امبين من كلامج انج توج متزوجه أتمنى تسمعين نصيحتي وتحافظين على نفسج قبل ريلج
وياريت تسوين سيرج على مواضيع ناعمه الهاشمي اللي تتكلم عن دورة العمر الجديد
وادا بغيتي أي شي سروري موجوده خو جم كويتيات عندي آنه
فديت الكويت وأهلها:eh_s(7):

 

[NODA 2]

والله انتي الي مسكينه وقاعده تتبجبجين بيااااااا حقريه و طاااااااااااااااااااااااااااف خلج اشوي واقعيه و قولي في اشياء اهم من الضعف والمتن اهم شي انج بصحه وعافيه اللهم لك الحمدوالشكر صج رياييل ما ينعطون ويه وبعدين مسألت الوزن قوليه خاصه فيج انما هذايدل علي ان عيونه وااايد اتلاقط و قوليله غض النظر

 

[G!RLooNa]

همممم على طولج وزنج يعتبر انج متروسه انا ماشفتج جسم عن جسم يفرق لكن اذا الوزن
نفس الطول غالبا الجسم يكون متروس و ريلج عاجبه جسمج يكون اضعف نفس وزنج اللي قبل ضعفي عادي على طولج اخر الاربعينات
زين

 

[_Pure_]

عادي عيل انا شقول

طولي ١٧٠ و وزني ٦٣ و هم مو عاجبه لان فيني ٣ كيلو من بعد الولاده و يحن عليي انزلهم يبيني مانكان و انا الحين قاعدة اسوي رجيم و رياضة

عادي لازم تضعفين و خليها حق نفسج مو حق زوجج عشان صحتج الدهون الزايدة مو زينه حتى لو شوي تضر ما تفيد

و لازم تملين عين زوجج اذا يحب الضعف ضعفي و احتسبي الاجر من الله

انا والله الحمدلله معن الكل يقوللي عصلة بس مرتاحة و عاجبني جسمي و زوجي يحبني اكون ضعيفة من غير زوائد و هذي نعمة و صحة

 

[بدورة القمورة]

ضعفي عادي على طولج
مووووفقه

 

[ورد]

ههههههه الله يعينج
عاد انا عندي عقدة الوزن وزوجي الي يبيني امتن ،، مع ان الحمدلله جسمي متناسق وفيني مقومات الانوثة بس يعني مني ومناك اعتبر ضعيفة

http://www.reem4u.com/weight.html

شيكي على وزنك وشوفي ،، انتي للحين في المعدل الطبيعي ،، بس كان وزنك قبل هو المثالي .

 

[• JoJo •]

لا يمه شنو يدخل وزن للاربعين راح تختفين قلبي حرااااام كذا اوكي الرشاقه حلوة بس الضعف بزياده شين اذا تبين تنحفين اوكي بس ديري بالك على مواضع الانوثه لا تختفي

 

[الكادي 2011]

حبيبتي طوفي جسمج وطولج متناسق

 

[zaina alotibi]

مو بكلشي تطاوعينه حبيبتي 49 احس بتكونين وايد ضعيفة موووزين جذي

 

[سوسن1980]

انا نفسك بس وزني 60ومطنشه ماحب اكون ضعيفه حيل