قالي هذي أحلا هديه جتلي بحياتي (:

[الحسن كله]

السلام عليكم حبيباتي كويتيات

حبيت أفيدكم بهالموضوع اللي إنشالله ينول على إعجابكم
وخصوصا العيد قرب وكل وحده تفكر شنو تهدي لزوجها

قبل فتره كان ذكرى يوم زواجي 12 والحمد لله مازلنا انا وزوجي نحتفل بيوم زواجنا وأيام ميلادنا الله لا يغير علينا
بس في يوم زواجي هذا حييييل أحترت شنو أهديه
يعني الحمد لله المناسبات واجد من بداية زواجنا وماكو هديه تطري في بالي الإ واحد منا جايبها للثاني
عطور- تلفونات - لاب توب – بوك – قلم - جنطه - ساعه – ماجلان سياره – جواتي رجاليه – سي دي شعر تسجيل خاص بصوت شاعر– شماغ – حجز فندق ..الخ
قلت في نفسي ياربي ماكو شي إحترت حيل أبي شي جديد وله تأثير حلو على نفسه لأن بعض الهدايا صج يستانس فيها بس فتره وتنقط بالكبت :denya:

فكرت وفكرت وفكرت :gr4uu: :gr4uu:
أخر شي قررت
رحت وسويتله درع شكر أدري فكره قديمه وتحته كان أكو ظرف
تدرون شنو في هالظرف

7
7
7
7
كان فيه صور لحفر بئر خيري بإسمه وكتبت على الظرف إحترت شهديلك مالقيت أجمل من عمل الخير

بنات أدري المفروض اللي يسوي عمل خير ما يتكلم عنه عشان الأجر بس محد يعرفني بالمنتدى وحبيت أنشر عمل هالخير يمكن الله ياجرني إذا وحده منكم حبت تسوي هالعمل الخيري لشخص تحبه
وماتصدقون شكثر فرح بهالهديه :eh_s(6): وقالي إنها أحلا هديه جتله في حياته كلها
وأنا بعد فرحت من فرحه :ggdw:
اللي يعجبها موضوعي تدعيلي بأن الله يرزقني بالولد الصالح السليم

وهمن بغيت منكم كل وحده تكتب شنو ناويه تهدي لزوجها بالعيد يمكن أخذ من أفكاركم لأني اللحين محتاره مره ثانيه شنو أهديه بالعيد.. :gr4uu:
ومشكورررات حبيباتي ​

 

[ام سلوم DoDo]

يعطيج العافيه وانشالله تصير بميزان اعمالج والله يتمم عليكم ويرزقج بالذريه الصالحه انشالله

 

[شوكليت ديزاين]

حبيبتي الله يتمم لكم ويجعل ايامكم كلها سعاده واحتفال ،،على الرغم ان هديتج حلوه وايد وان شاء الله اجرها كبير بس الاحتفال بعيد الزواج بدعه ادري تبين تقولين انا مابي فتوى بس حبيت اذكر وما اطلع من الموضوع بدون لا أبين لج الحكم ،، والله يوفقج انتي وريلج دووم ولا يفرقكم،،،

 

[أماسي22]

الله يهنيكم يااارب مع بعض طوووول العمر ان شاء الله
ويتمم عليكم صررررااااحه هديه غريبه من نوعها بس بنفس الوقت فيها خير لك ولزوجك
وفكرره جديده ما تخطر على بال احد
الله يوفقك ياقلبووو دنيا واخره ويرزقك بالولد الصالح السليم وان شاء الله توأم يااارب الله يفرحك بالخلفه الصالحه يارب
وبالنسبه للهديه الثانيه مو شرط تهدي هديه ماديه بهالعيد غيري واهديله هديه رمزيه رومنسيه يعني شغلات بسيطه
وانتي وافكارك يالغاليه
وبالتوووفيق لكم جميع

 

[SALYY]

الله يخليكم لبعض ويسخر زوجج لج,,,,

الفكره حيييييل روعه وخصوصا اذا انتي مسويتها برمضان احس لها اثر حلو على الشخص,,,

يااااارب يرزقج بالولد الصالح المتعافي ياااارب,,,,,​

 

[جوري 2007]

مبدعة ماشاءالله

انا حدي محتارة لان الميزانية مأزمتني

بس يمكن غترة للعيد ماركة وعطر

صج العطر قديمة الفكرة بس هم من زمان ماعطيته عطر

او يمكن بجامة من calvin klien

 

[بلسم جروح]

بس اعتقد ما دام انه انسان موجود على قيد الحياة

لازم صحة العمل الخيري تكون (( بالنيه يعني مو عدل اذا هو مايدري ولا سعى برغبه منه

عكس الميت !

ما ادري اظن جذيه

بس الله يهنيكم و يوفقكم

 

[سارووونه22]

الله يوفقكم حبيبتي ولا يغير عليكم وانا عن نفسي محتارة بس الله كريم

 

[بلسم جروح]

بنات اكو فكره حلوة حيل

برواز فيه صورة الزوج وعليه دعاء من قلبج يكتبه لج صاحب المحل رووووووعه بالفوتوشوب

ويكون على خشب برواز تنحط بالمكتب او بالعمل

 

[Tejan]

يا حياتي الله يتمم عليكم و يسعدكم

انا سويت هالهديه بس حق امي و ابوي

كان سهم وقفي قيمته 100 دينار

بس تصدقين ما فكرت اسويها حق زوجي ما ادري ليش !! :eh_s(20):

حدج شوقتيني بخشها لاقرب مناسبه

انا بالمناسبات اهديه شيء يونسنا اثنينا مره فندق مره يخت مره سفره قريبه مره هيلوكبتر

ما احب الهدايا << ابي شيئ انا بعد استانس فيه خخخخخ :eh_s(15):

بالعيد شكلي بحجز مسرحيه :eh_s(9): لاني موصله مو مالت سفر

رفيجتي احجزت شرم الشيخ 5 ايام لشخصين اطلعت عليها 480 دينار ​

 

[*صَبا*]

هديه رائعه

مره سويتها وكان لها تأثير عجيب

 

[غلا رشرشها]

ماشاء الله عسى الله يخليكم لبعض و يزرقج الولد الصالح السليم

و الفكرة حدها حلوة ماشاء الله عليج مبدعـــة

 

[انا مو هني]

رد : قالي هذي أحلا هديه جتلي بحياتي

خوش فكرا وايد حلوا عليكم بالعافيه

 

[مشتطـه]

خوش فكرة
عسى الله يرزقج بالولد الصالح

 

[تدلل حبيبي]

ما شاء الله

الله يهنيكم ويسخركم لبعض

وين سويتي البير اقصد يعني شلون الطريقه !!!

ترى انا عليمية بهالسوالف

 

[وهوجه الحلوه]

خووش طريقه جزاك الله خير

 

[روح مغليهآ]

الله يهنيكم

 

[ذربـه]

رد : قالي هذي أحلا هديه جتلي بحياتي

مشالله خوش فكره

 

[مشمش أحمر]

ماشاء الله الهديه قمه في الروووعه

الله يهنيكم يارب ولايغير عليكم يارب ويرزقج الذريه الصالحه

 

[ام كوشه منكووشه]

رد : قالي هذي أحلا هديه جتلي بحياتي

ماشالله عليج خووش فكره الصراحه ماتخطر عالبال ان وحده تسويها حق زوجها
عسى الله يهنيكم ويسعدكم ويرزقكم بالولد الصالح انشالله