قانوون تجاري ساعدوني

[لقمة رهش]

السلام عليكم انا عضوة يدية في المنتدى انا الكورس الي طاف متخرجة من التجاري وتخصصي قانون ولي لحين ما نزل اسمي بالخدمة المدنية انا توهقت بالتخصص هذا وحدي متظايقة منو فيكم متوظفة وتخصصها قانون وجم المدة عشان توظفت وشلون المعاش لا تحرموني من ردودكم

 

[محبوبه25]

رد : قانوون تجاري ساعدوني

حبيبتي اول شي بسم الله توج متخرجه

انا اللي اعرفه البنات ينطرون تقريبا سنه يالله يتوظفون
و لا يضيق خلقج ولا شي ان شاء الله يطلع اسمج

ان شاء الله البنات يفيدونج لاني ماعرف بهالسوالف

 

[لقمة رهش]

رد : قانوون تجاري ساعدوني

مشكورة على ردج بس كل ما اقول حق احد تخصصي قانون يقوولون ابشري بالقعدة عشان جذي قاعدة اقوول

 

[kuwaitya-frawla]

حبيبتي أنا مثلج تخصصي قانون و عفنت بالبيت 6 شهور ورقمي بالديوان يتحرك بالقطاره وصج يبيلنا فوق السنه عشان تنزل اسامينا فئبا سوي مثلي حركي واسطتج ولا قدمي بالخاص لأنه من ورئ الديوان ماراح نتوظف إلا عقب سنين ومالت على تخصصنا الفاشل اللي وصلوه للسما حقنا :/

 

[لجل عيۆنڪ]

رد : قانوون تجاري ساعدوني

^
^

نفس الكلآم ,, صآرلي سنه من تخرجت لأ ترشيح ولآ شئ ..

رفيجتي آليوم كآنت بـ ديوان الفقر ,, وأبوهآ سآل الموظف ..

قال صارلهم أكثثر من سنه ولآ وظفتوهم ولآ شئ جىن يضحك ويقوله ,,
محد يبيهم تخصصهم مو مرغوب بالمره ,,
كل الوزارات ترفضهم !!

إنزين الحين شنو ذنبنـآ ,, تخصص مو مرغوب ..
وإنتو للحين شغآليـن فيه ومبطليـن هالتخصص المرضو وقاعدين أدرسووونه !!

طيب بـ الاول خلو الي تخرجو يتوظفون وتآلي ردو بطلوو المجآل للتخصص ودفعآت جديده !!

وربي هـ الديره ضآيعه كل شئ فيهآ بـ المقلوب

الله كريم يآبنآت مالنآ إلا الصبـر ,, وربكم يفرجهآ إن شاء الله ,,

 

[blackcat2010]

منو يقول تخصصكم مو مقبول بالعكس مقبول بكل وزارة فيها شئون قانونية وكل وزارة تطلب من تخصصكم حتي لو مو بالشئون القانونية عادي يقطونكم بادارات ثانية الحين المشكلة الوزارات اغلبها صار فيها اكتفاء وصار عدد الخريجين وايد والاماكن محدودة

 

[الزين_1]

لازم تاخذين فترة نقاها بعد التخرج سنه ونص او سنتين

انا توظفت عقب قعده سنه ونص .. والصبر مفتاح الفرج

نصيحه سلي عمرج بدورة كمبيوتر او اي شي ثاني ..

المشكله مو بتخصصنا الا في هاللي ما يفهمون شنو اختصاصاتنا فعشان جذي يقولون مو مرغوب ..

الله يعينكم .. والله يرزقكم بالوظيفه ان شاء الله

 

[zizio0o]

وااي حبيبتي اول شي مبرووك ع التخرج وثاني شي انا نفس تخصصج
الي انصحج فيه من الحين دشي دورات ومعاهد تتكسبين خبرة فيها لانج مطوله انا بالعاافيه يالله طلع اسمي بعد سنه وبعض البنات فوق السنه نطروا
وصارلي شهر اعاابل باأوراق الوظيفه مو راضيه تخلص ,اذا تقدرين تروحين مصر ولا ابوظبي تكملين دراستج روحي ولاتنطرين الديوان
ومعاشهم حروة 500 وشي
وبالتوفيق حبوبه

 

[nora al]

رد : قانوون تجاري ساعدوني

بالعكس حبيبتي انا قانون بس من الجاامعه تخرجت اسبوعين او ثلاث ماذكر بس فتره جذي ونزل اسمي على طوول ورفيجااتي كلهم معااي

بس اللي سمعته انه تخصصكم مو مقبول ومو معترفين فيه لان كل شي مااسكينه الجاامعيين >>> الحين بهاجموني البناات لاتزعلون مني هذاا مو كلاامي هذاا الكلام اللي كنت اسمعه من دكاتركم وللاماانه جم دكتوور سعووو لكم انه تكملوون عندناا عقب بس مااوافقوو على مااعتقد ماادري شلوون ينزلوون تخصص واهو مو مرغووب جذي !!! تخبط بصرااحه الله يعينكم

حبيبتي القاانون تخصص واايد حلوو ومعااشااته واايد قوويه الفرص كلهاا بتكوون جداامج اذا كملتي حاولي تكملين برااا اذاا قدرتي وخلي اسمج بالديوااان ومتى ماانزل ينزل كيفهم ..

تراا كووناا يبوونكم بس اعلاانهم كل سنه بالصيف هذاا اللي اعرفه فشووفوو الاماكن اللي براا الديوان وقدموو عليهم

وعلي المعاش بالديوان معاش الجامعي قانون 780 فاانتي دبلووم اقل بشي بسيط مو واايد وبرااا تكون المعاشات قوويه

شووفي اداره التنفيذ / الخبراا وهالامااكن واايد زينه بس كل شي بوااسطه يمشي تراا والله يووفقكم

 

[nora al]

رد : قانوون تجاري ساعدوني

سووري المعااش 870 حق الجامعيين غلطت **