قدر الله وماشاء فعل..فقدت جنيني..

[حبيبة حمادي]

مساء الخير على الجميع

حبيت أخبركم شاللي صار لي اليوم

اليوم صحيت الساعه 11 الصبح من ألم بطني كان الالم قووووي

انا لي يومن وينزل مني دم غزير بس لما صحيت نزل مني قطع دم جامد

خفت واتصلت على الدكتوره قالت هذا اكيد الحمل نزل واصلاً حملك كان ضعيف

تقول نسبة حملك بالهرمون كانت 32 وبالاسبوع الرابع وكنت متوقعه انه ينزل بسبب الدم اللي صار

وقالت بس ارجعي سوي تحليل دم ثاني علشان تتأكدين اكثر ويرتاح بالك :bbbiu:

الحمدلله على كل حال وانا راضيه باللي ربي كاتبه لي ..

صحيح اني فرحت لما سمعت كلمة انتي حامل بجد حسيت بشعور الحامل وبفرحتها

وتمنيت انه يثبت ويتم لكن قدر الله و ماشاء فعل ..

بإذن الله هالشهر راح اداوم على قراءة سورة البقره وعلى الاذكار وعلى المشي ..

ماراح اخذ علاجات بوكل امري لربي .. وزي ما اكرمني ربي بالحمل هالشهر ..

بإذن الله راح يكرمني بالحمل وبيرزقني الشهر الجاي .. أملي بربي كبيررر ..

بس يابنات كيف احسب ايام التبويض ؟؟ الدكتوره تقول هالدم اللي ينزل منك يعتبر دوره .!!

يعني احسب على تاريخ اول يوم نزل مني الدم ولا شلون ؟

يارب تفيدوني بهالموضوع ..

ولاتحرموني من دعواتكم ..

 

[نسمات 26]

الله يعوضج خير حبيبتي

والله يرززقج يا رب

 

[شندوخه]

ياحبيبتي الله يعوضج خير
والله يجعله شفيع لج ولوالده يوم القيامه ان شاءالله

 

[nightmoon1970]

الحمد الله قدر الله وماشاء فعل يمكن خيره يارب لك الحمد لاتياسين من رحمة الله وكله باجره اشربي علاجات نفس النفاس علشان
ينظف رحمج والله يرزقج

 

[(لندنيه)]

الله يرررزقج ويعوضج بخيرررر ويرزق كل محرووووومه ياارب

 

[ورد فاخر]

الله يخلف عليج خير
ويعوضج عاجل غير اجل يارب

 

[أأأميرة الورد]

الله يعوضج بالحمل السليم

 

[qoot]

الله يعوضج جبيبتي

 

[نعومي 00]

حبيبة قلبي الله يعوضك خير يارب ويبشرك بالحمل السليم
بس لازم تاخدى منشط طبيعى وتغذيه للزوج الجنين يوت من الضعف لا تتعبى نفسك وتضيعى وقتك انا اجهضت خمس مرات ولمن اخدتها الله راضانى وماكملت الشهر بامانه
الله يعوض عليج ويعطيج ويرضيج

 

[مآيكبرني نك]

الله يعوضج خير حبيبتي وشفيع بآذن الله

وخير مآقررتي استمري ع المشي وقراءة سؤرة البقرة واﻻستغفآر

والله ماينسى عبآده ، ،

ولآتحآتين دآم حملتي مرة بتحملين مرتين و3 و 10

 

[حمامة صالح]

ياحبيبتي الله يعوضج خير

 

[حوريه ...]

الله يعوضج حبيبتي
وكل شي مكتوب عند رب العالمين
وخيره لج نزل الحين احسن ماتوصلين الرابع والخامس
ويرفس ببطنج عقب تفقدينه هذا هو الموت بعينه

انتي توج صح
تحسبين من اول يوم نزل معاج الدم

والافضل تسوين سونار الحين يتاكد ان الجنين نزل
واطلبي من الدكتور يتابع تبويضج افضل
وصدقيني فرصة الحمل بعد الاجهاض كبيرررررررررره
اهتمي عدل بعمرج الحين مثل النفاس
وان شاءالله ينظف رحمج
ويارب ياكريم مايتم الشهر الا تبشرينا بحملج

ونصيحه الاستغفااااااااااار والدعاااااااااااااااااا والقرررررران لاتخلينهم
دواء لكل داء
والله يرزقج ويرزق كل محرومه

 

[حبيبة حمادي]

الله يجزاكم خير حبايبي ..

بس بغيت اسأل شنو المنشطات الطبيعيه اللي تنشط بويضاتي؟

سمعت عن الاناناس .. بسألكم فيه شي ثاني آكله أو اشربه وينشط لي بويضاتي ؟؟

ومتابعة التبويض بالسونار متى اسويها بأي يوم ؟

 

[t.o.o.ot]

الله يكتب لك الأجر ويعوضك يارب عاجلاً غير اجلاً يارب

 

[t.o.o.ot]

سمعت انا بعد عن الأناناس وسونار التبويض أتوقع يوم ١٣او ١٤للدورة

 

[Canon~]

الله يعوضك عاجلا غير اجل

 

[حبي مودي..]

الله يعوضك يااارب ويرزقك الذريه الصالحه..

 

[فيلسوفة قلبي]

الله يعوضج عزيزتي.

عسى أن تكرهوآ شيئآً وهو خيراً لكم ..

 

[حشمه]

الله يعوضج ياربي ان شاءالله بحمل تفرحين فيه

وتقر عينج بشوفه البيبي قريب ان شاء الله

داومي على القران وتصدقي وراجعي سوي سونار

شوفي متى تبويضج ولا حللي بالبيت مال التبويض

 

[نكهةالبرتقال]

الله يجبر بخاطرج و يعوضج بالذرية الصالحة اللي تفرحج