قد مر نجوتي من موت محقق؟؟!>>>>شاركينا

[برونزية رشيقة]

موقف ثاني ما أحب أتذكره كلللللللللللللللللللللللللللللش لأني شفت الموت بعيوني وقعدت أتشهد والله العظيم ..

أول سنة سقت فيها السيارة .. افترت فيني السيارة وانا ( دايسة سررررعة على الطريج السريع ) 5 فرات وطقت بالجسر مال ....... !!!

بسبة بنت عمرها 18 سنة منجحينها بالواسطة .. أهي تسوق على سرعة 60 كلم بالطريج السريع وأنا السيارات وراي طايرين .. فكرت أتجاوزها لأن السيارات مسرعين وقاعدين (( يتركون = يأشرون بالليت الأمامي وخري عن الطريج)) لي من وراي .. أول ما لفيت بتجاوزها وإلا الثولة تلف معاي وتلزم بريك فجأة وأنا دايسة والسيارات دايسين .. تخيللوا لو أنا مو موخرة عنها جان دشيت فيها ودشوا فيني 3 سيارات ورا بعض !!!! الحمدلله على كل حال !!!

المهم جان ألف السكان فجأة يسار وأنا دايسة 120 كلم علشان ما أدش فيها الثولة إللي لازمة بريك في الطريج السريع شارع ال ......... !!!

وتنحااااااااااااااااااااااااااش لمن شافت بعيونها السيارة تفتر فيني .. وأنا في هاللحظة والسيارة تفتر شفت فيلم حياتي كللللللللللللللللللللللللللله جدامي والله العظيم .. شفت نفسي وأنا بالروضة وطفولتي وشفت ويه أمي وهي شايلتني وشفت أبوي وهو مسفرنا واحنا صغار وشفت حفلة تخرجي بالجامعة وشفت حفلة عرسي والناس يرقصون لي .. وشفت وجوه صديقاتي وجمعتنا وقت الريوق .. يمعات عماتي وخالاتي .. كل دفتر حياتي والله ثم والله مشى جدامي في جزء من الثانية !!!

( ملاحظة : سألت شيخ عن هاللقطة السريعة إللي مرت علي .. تدرون إن قاللي : هذي من علامات ملك الموت يراويج حياتج كلها في اللحظة هذي ومن ثم يقبض روحج .. بس الله سلمج .. فيه ملائكة مهمتهم يمنعون الموت إذا مو أجلج ولا يومج .. والله سمى الملك اسمه نسيت اسمه ) ..

نكمل قصتي .. ويلحقونها سيارة شباب لحد شارع الحب ( طاعوا رايحة الحب تغازل ) وأنا بموووووووووووووووت وحالتي حالة .. وهددوها قالولها :

أحنا شفنا الحادث وكلشي .. البنت تحاول تتجاوزج وإنتي مسألة عناد ما تبين تخللينها تتجاوز .. ولمن داست تبي توخر عنج دستي بريك !!!! شنو سالفة عناد ؟؟؟

ووخرت عنج لفت حييييييييييييييل علشان ما إدش فيج !!! ولا يصير حادث كبير والسيارات كلها تدش فيكم !!!

يا تردين يارقم سيارتج نوديه المخفر !!!!

وردت خوفا من القضية ..

استغفرالله ودشينا المخفر أنا وريلي ..طلعت البنت بنت ( هامور ) عود .. وأبوها ماسك منصب كبير في وحدة من الشركات المعروفة .. والمحقق غيروه حطوا واحد من ربعهم .. ونظام اتصلات أشكررررررررررره توصيات : هلا بوفلان .. هلا بو علان إيه هذي بنتنا (( عنها مو عني )) أفا عليك ألحين الموضوع يخللص 10 دقايق بس وخالصين !!!

والله هالحجي احنا نسمعه أنا وريلي واحنا في الاستراحة ناطرين ندخل التحقيق ..

وهددوني يرفعون علي قضية ( إتلاف الحق العام ) وأنا كنت صغيرة وتنازلت عن حقي !!! وريلي ما يعرف في هالسوالف ولا عنده واسطات نفس هذولا

وعقب لمن كبرت ومر عالسالفة سنين ... سألت صديقتي تشتغل قانونية في الداخلية : تقوللي يا سلام على هالمحقق !!!! والله إن شاطر .. هددج بقضة ( إتلاف الحق العام ) علشاااااااااااااااان تتنازلين عن حقج وما تصلح سيارتج هذا أولا .. وثانيا لأن فيها سجن لأنها دعمتج وانحاشت !!! وعلى فكرة قضية الحق العام لو أنتي موافقة وقلتي للمحقق ارفع علي حق عام أنا راضية عادي .. والقضية تمشي وهالبنت تنسجن والله الحق العام بس راح يدفعونج 10 دنانير مادري 15 دينار أكثر شي !!!!!!!!!!!!!!!!!!!

ألحين لمن أتذكر سالفتي .. أقول أهم شي سلامتي .. قلعة الفلوس وسيارتي صارت قطعة سكراب !!!

وهذي خلوووها نجحت بواسطة .. ودعمتني و أبوها طلعها من السالفة .. بس مثل ما دعمت الناس مع سياقتها الفاشلة على يوم رااااااااااااااح تندعم .. ذيك الساع خل أبوها ينفعها إذا انسكر ظهرها .. وإلا رقبتها .. وإلا حوضها !!!

لاه نسيت والأم شنو تقوللي بالنخفر قبل لا المحقق يسويللي فيلم قضية .. الحق العام ؟؟؟

تقوللي (( ليش ما تتنازلين والله قبل أسبوعين بنتي داعمة سيارة واحد كان منزل ولده في ( روضة ..... ) الصبح ورد ولقى سيارته مدعومة في مواقف الروضة بنتي دعمته لأن كان زحمة .. والله أن قاللي هالريال :خالتي أهم شي الله سلم وليدي والله مابي تعويض ولا تصليح ولا شي .. كافي إني أنا وولدي كنا نازلين الروضة والله سلمنا يسلم راسج خالتي ما نبي منكم شي ... تقوللي : لييييييييييييييش ما تصيرين نفس الريال أللي بنتي دعمت سيارته من أسبوعين شوفي شلون سنع !!!!!!!! ))

شرايكم في كلام الأم ؟؟؟؟؟؟؟؟؟؟؟

 

[a7la_frawla]

اي انا مره بقيت اموت كله من قطوه اهو الموقف يضحك بس والله الحمدالله نجيت منه انا وحده ويع اكره شي اسمه حيوانات اخاف منهم اذكر يوم كان عمري 10سنين كنت طالعه انا وابوي بنروح الجمعيه ولا يم سيارته قطوه وانا خايفه موراضيه اركب السياره , ابوي يقولي شفيك قلت له في قطوه مراح اركب لمن تروح يه ابوي يبي وخرها ولا تيي تقرب يمي لاتشوفوني رحت وقفت بنص الشارع ولا سياره مسرعه بفريجنا ياياه وابوي تشوفينه يبي يوخرعي واي فديت ابوي يايلي وانا منصدمه واقفه ولا اشوف السياره مره وحده تطق بريك فحاشت ريلي ريلي انكسرت والثانيه رضه الحمدالله يت على جذي
بس والله قمت اضحك على عمري كل هذا علشان قطوه

يعطيج العافيه عالطرح الرووووووعه

 

[*(أبرار)*]

امى تقولى لما كنت صغيرة يعنى عمرى 7 اشهرر كليت تفاحة
كانت طايحة بالارض ولا توقف بلعومى خلاص اختنقت وويهى صار ازرق
وعيونى صارت بيضاء بؤبؤ العين صعد فوق واهية تبجى وخالى اهوة طقنى على ظهرى وطلعت
ومن هذاك الوقت صرت ما احب التفاح

 

[* Na3oMa *]

انا مريت بكذااااااااا موقف ..

وانا ياهل كنا رايحين شاليه عمي ووقاعدين في مثل دائره من الفلين جم شخص وانا معاهم ولا ايي ولد عمتي يقعد وينقلب هالفلين وادش بقاع البحر ومادري شسالفه بس اشرب ماي ولا ايي عمي بعدييييييين ويطلعني ومخترعين وانا مادري شسالفه هههه

ثاني موقف مره كنت مع مرت ابوي قام احن عليها اشتري سياره يديده اشتري سياره يديده ماوعيت الا سياره تطق سيارتنا من ورا وتلف فينا السياره جم مره ومرت ابوي تتشهد واختي الصغيره تبجي وانا مصدومه بس الحمد لله وقفت وعدت على خير بس الحنه مو زينه لوووووووووول

ثالث موقف واهو الااااااااااااااهم واللي مادري شلون نجينا منه !!
انا واختي الصغيره راكبين بقي اول مره واهي تقولي لاتروحين عالتراب اخاف امشي عالقار وادووووووووووووووووووووووووووس مستانسه بخرعها لوول وعمتي قام تاشرلي من بعيد شوي شوي ماوعينا الا ينقلب فينا البقي 3 مرات على وصف عمتي وطحت انا ( عاد قبل كنت بطه ) طحت كل جسمي على اختي الضعيفه الصغيره وانا طايحه عليها والقار تحتها قلت بس راحت اختي !! وعمتي يات ركض توقعت رحنا فيها المهم ماقدرت تشوف ويهي لان كان كله دم الخد و الشفايف وايدي وتلفوني بعد مات لوول وبسرعه ودونا مبارك وقزونا ابره ونظفو ويه واختي صار فيها شلخ بالظهر الحمدلله مو اكثر ..!! الله يحبنا بس كل هذا صار لان ابوي ماكان راضي نركب بقي ( ابوي مو زين نسوي شي موراضي عنه طالع على يدتي لوول )

والمشكله للحين ادوس امبي هوايتي لووول بس ادوس بالسياره خخخ والله يستر ..!!

 

[وهج الحب]

السلام:
انا صارلي عدة مواقف ونجاني الله منها وذكرتها في المنتدى ..منها قصة غرقي باليونان وذكرتها في مندى السياحة مواقف طريفة حصلت لك وانا صحيح صرتها كموقف طريف بس وقتها ابد غير ذلك لاني شفت الموت بعيني ..ونجاني الله منها
وكذلك كنت مرة بالكويت وكنت اريد اقطع الطريق لان الاشارة لي الا جاءت سيارة وانيت يسوقها هندي وتضرب سيارتنا من الامام بقوة خلة السيارة تدور عده مرات وما قدرت اتحكم بها الا لما شفت يا ادعم الاشارة يا ادعم عمود الليت لكن الله لطف وهذا ذكرت في منتدى السياحة ايضا عن زوار الكويت ..
وهناك قصة سقوطي من فوق جبل ذكرته في منتدى العام عند سوالف سولفي ..والله لطف ..
اما الموقفين اللي لا انساهم هو حدث عندما كنت ذاهبه الى الشالية وكنا العائلة مجتمعين في صالة كبيرة اللي فيها الالعاب والجلسة ..اما انا خرجت ووجدت الفراش الخاص بالبحر وكنا نربطة بعمود الطراد وانا طبيعتي اخاف من البحر وهذا لما كنت بالثانوية وكان الشاطئ محد عليه والماي مرتفع جدا ..وركبت هذا الفراش وغمضت عيني .واظن اني نمت من هزهزة الموج وعندما فتحت عيني الا انا بعيد جدا عن الشاليه والجميع يصرخ ويأشر بيده ..كيف انفتح الخيط لا اعرف الى الان بس اللي اعرفة اني فتحت عيني واشوف الناس بعيد عني جدا ورميت نفسي بالبحر وقمت اخبط اخبط وتركت نفسي وسبحان الله فنزلت تحت وعندما لامست رجلي القاع لا اعرف كيف اني جاتني القوة ومن حلاوة الروح قفزت بقوة ..وارتفعت بس للامام .. وصرت اكرر الامر اترك نفسي وعندما اصل القاع اقفز بقوة بس اخذت عبرة اني امد يدي واقفز للامام وكررت هذا الامر الى اني صرت استطيع المشي على القاع ..وصرت اعاني من مشكلة برجلة وركبتي لفترة بس الحمدلله .لكن المشكلة في الاغبياء الموجودين لم يساعدني احد حتى وصلت لهم والامر عادي كأني رايحة غطس سياحي مش بامووت ..كل اللي عملوه انهم واقفين يصرخون ويأشرون وخلوني اصارع كل شئ بروحي حتى يوم وصلت محد ساعدني طحت على الرمل فترة وقمت ولا كأن شئ صار ...هذا كوم والشئ الثاني الطراد اللي عندهم ايش فايدته ؟؟؟؟؟ما ادري!!:eh_s(14):

 

[الـــدفـــشـــة]

خوش موضوع

مرا كنت بأستراحه بسعوديه وكنت العب بالحوض السباحه صوب مكان الجهال لاني مااعرف اسبح خخخخ
فابدون لاادري رحت صوب الغمييييييييق وبغيت اموت لدرجه اني شفت شريط حياتي ههههههههههه
والصدمه كل الي شفته بشريط حياتي اني اظحك والله مادري ليش ههههههههههههههههههه

ومرا يوم كنت بالمهد يعني صغنوووونه امي الحبيبه نستني بالسياره ودشت البيت فجأه تذكرت انه عندها بنت
ويوم ردت تبي تطلعني من السياره والاابوي الحبيب بعد رايح بيت واحد وماكانت امي تدري وين اهوه بالضبط وجو عيال جيرانه وكسرو
الدريشه وطلعوني خخخ امي تقول كنت مزورقه من الخنقه ههههههههههه

وهم مرا كنت صغنوونه بالمهد < انتي شلون عايشه الحين ههههههههههه
المهم كانت امي منومتني بغرفه فيها دفايه جا اخوي وقط بلوزه صوف على الدفايه يعني يبي يخليها تصير دافيه ويرد يلبسها
جان تحترق وانا المسكيييييييييينه بغيت اموت بس الحمدالله امي انقذتني خخ

 

[ملاك القلوب]

تسلمين أختي و لو أن موضوعج يفتح صفحات قديمة بس مافي مشكلة نتذكر بعض الآلام
لما كنت في الجامعة و في طريقي ذهابي إلى الكلية تعرضت لحادث سيارة 00 عندما فوجئت بتوقف السيارة التي أمامي فجأة و هي سيارة من العصر الجوراسي على ما أعتقد 00 توقف 00 و اصدمت بها 00 و صدموا بي من الخلف 3 سيارات بالتتابع و نتيجة لقوة الصدمات 00 دارت سيارتي بعنف و بقوة 00 و صعدت السيارة إلى الرصيف و أنا كنت فاقدة للوعي 00 و لم أدرك ما حدث و شاء القدر أن أستعيد وعيي و كدت أصطدم بعامود الإنارة 00 فرفعت الكابح دون إدراك00 و حال دون اصطدامي و الحمدلله 00 وبعدها أجهشت بالبكاء و اجتمع الناس من حول 00 و فتحوا الباب و بعد ذلك فقدوا وعيي من الصدمة 00 و أتى اخي و اصطحبني إلى المستشفى للمعاينة

 

[Mazyoona]

؛

.

امم انا مره كنت رايحه حديقة الشعب مع بنات خوالي
ركبنا المنخل ,, المهم انا جسمي صغيرون اي شي يأذيه
بس بدا الهز القوي مسكت الحدايد اللي ورا بايديني الثنتين
بس كل وحده بصوب شوي تييلنا ذيج الهزه و يطق ظهري
و اطيح عالأرض خلاص و قف التنفس تناديني فنو بنت خالي
مو قادره ارد .. قمت أتشهد ووقفت اللعبه و يقوم ولد خالي
يشيلني و يطقطق ظهري لما صحيت بس اول ما صحيت
طيران عالزباله رجعت ترجيع ... بس صج صج خفت
و تفشللت ولد خالي شهرين ما شفته

 

[reem.q8]

انا عطووني حبووب بالغلط ووفيني حساسيه منهم :×
وصار فيني تشنج وبغيت اموت

 

[Mazyoona]

موقف ثاني ما أحب أتذكره كلللللللللللللللللللللللللللللش لأني شفت الموت بعيوني وقعدت أتشهد والله العظيم ..

أول سنة سقت فيها السيارة .. افترت فيني السيارة وانا ( دايسة سررررعة على الطريج السريع ) 5 فرات وطقت بالجسر مال ....... !!!

بسبة بنت عمرها 18 سنة منجحينها بالواسطة .. أهي تسوق على سرعة 60 كلم بالطريج السريع وأنا السيارات وراي طايرين .. فكرت أتجاوزها لأن السيارات مسرعين وقاعدين (( يتركون = يأشرون بالليت الأمامي وخري عن الطريج)) لي من وراي .. أول ما لفيت بتجاوزها وإلا الثولة تلف معاي وتلزم بريك فجأة وأنا دايسة والسيارات دايسين .. تخيللوا لو أنا مو موخرة عنها جان دشيت فيها ودشوا فيني 3 سيارات ورا بعض !!!! الحمدلله على كل حال !!!

المهم جان ألف السكان فجأة يسار وأنا دايسة 120 كلم علشان ما أدش فيها الثولة إللي لازمة بريك في الطريج السريع شارع ال ......... !!!

وتنحااااااااااااااااااااااااااش لمن شافت بعيونها السيارة تفتر فيني .. وأنا في هاللحظة والسيارة تفتر شفت فيلم حياتي كللللللللللللللللللللللللللله جدامي والله العظيم .. شفت نفسي وأنا بالروضة وطفولتي وشفت ويه أمي وهي شايلتني وشفت أبوي وهو مسفرنا واحنا صغار وشفت حفلة تخرجي بالجامعة وشفت حفلة عرسي والناس يرقصون لي .. وشفت وجوه صديقاتي وجمعتنا وقت الريوق .. يمعات عماتي وخالاتي .. كل دفتر حياتي والله ثم والله مشى جدامي في جزء من الثانية !!!

( ملاحظة : سألت شيخ عن هاللقطة السريعة إللي مرت علي .. تدرون إن قاللي : هذي من علامات ملك الموت يراويج حياتج كلها في اللحظة هذي ومن ثم يقبض روحج .. بس الله سلمج .. فيه ملائكة مهمتهم يمنعون الموت إذا مو أجلج ولا يومج .. والله سمى الملك اسمه نسيت اسمه ) ..

نكمل قصتي .. ويلحقونها سيارة شباب لحد شارع الحب ( طاعوا رايحة الحب تغازل ) وأنا بموووووووووووووووت وحالتي حالة .. وهددوها قالولها :

أحنا شفنا الحادث وكلشي .. البنت تحاول تتجاوزج وإنتي مسألة عناد ما تبين تخللينها تتجاوز .. ولمن داست تبي توخر عنج دستي بريك !!!! شنو سالفة عناد ؟؟؟

ووخرت عنج لفت حييييييييييييييل علشان ما إدش فيج !!! ولا يصير حادث كبير والسيارات كلها تدش فيكم !!!

يا تردين يارقم سيارتج نوديه المخفر !!!!

وردت خوفا من القضية ..

استغفرالله ودشينا المخفر أنا وريلي ..طلعت البنت بنت ( هامور ) عود .. وأبوها ماسك منصب كبير في وحدة من الشركات المعروفة .. والمحقق غيروه حطوا واحد من ربعهم .. ونظام اتصلات أشكررررررررررره توصيات : هلا بوفلان .. هلا بو علان إيه هذي بنتنا (( عنها مو عني )) أفا عليك ألحين الموضوع يخللص 10 دقايق بس وخالصين !!!

والله هالحجي احنا نسمعه أنا وريلي واحنا في الاستراحة ناطرين ندخل التحقيق ..

وهددوني يرفعون علي قضية ( إتلاف الحق العام ) وأنا كنت صغيرة وتنازلت عن حقي !!! وريلي ما يعرف في هالسوالف ولا عنده واسطات نفس هذولا

وعقب لمن كبرت ومر عالسالفة سنين ... سألت صديقتي تشتغل قانونية في الداخلية : تقوللي يا سلام على هالمحقق !!!! والله إن شاطر .. هددج بقضة ( إتلاف الحق العام ) علشاااااااااااااااان تتنازلين عن حقج وما تصلح سيارتج هذا أولا .. وثانيا لأن فيها سجن لأنها دعمتج وانحاشت !!! وعلى فكرة قضية الحق العام لو أنتي موافقة وقلتي للمحقق ارفع علي حق عام أنا راضية عادي .. والقضية تمشي وهالبنت تنسجن والله الحق العام بس راح يدفعونج 10 دنانير مادري 15 دينار أكثر شي !!!!!!!!!!!!!!!!!!!

ألحين لمن أتذكر سالفتي .. أقول أهم شي سلامتي .. قلعة الفلوس وسيارتي صارت قطعة سكراب !!!

وهذي خلوووها نجحت بواسطة .. ودعمتني و أبوها طلعها من السالفة .. بس مثل ما دعمت الناس مع سياقتها الفاشلة على يوم رااااااااااااااح تندعم .. ذيك الساع خل أبوها ينفعها إذا انسكر ظهرها .. وإلا رقبتها .. وإلا حوضها !!!

لاه نسيت والأم شنو تقوللي بالنخفر قبل لا المحقق يسويللي فيلم قضية .. الحق العام ؟؟؟

تقوللي (( ليش ما تتنازلين والله قبل أسبوعين بنتي داعمة سيارة واحد كان منزل ولده في ( روضة ..... ) الصبح ورد ولقى سيارته مدعومة في مواقف الروضة بنتي دعمته لأن كان زحمة .. والله أن قاللي هالريال :خالتي أهم شي الله سلم وليدي والله مابي تعويض ولا تصليح ولا شي .. كافي إني أنا وولدي كنا نازلين الروضة والله سلمنا يسلم راسج خالتي ما نبي منكم شي ... تقوللي : لييييييييييييييش ما تصيرين نفس الريال أللي بنتي دعمت سيارته من أسبوعين شوفي شلون سنع !!!!!!!! ))

شرايكم في كلام الأم ؟؟؟؟؟؟؟؟؟؟؟

واااي لو انا منج هفيتها كف هالأم عاد شكلج طيبه لو أنا منج تليعنت
خو أنا كله برفع قضايا عالناس

أنا ابووي يضحكني اخوي بيكمل 18 شهر 12 و اخوي يقوله
واسطاتك تقدر تطلعلي ليسن بعد مو استماره !!
و ابوي يقوللـه لا القانون قانون << مسكين ابوي بريء

 

[العين الكحيله]

حمدلله علي سلاااااامتكم

تنذكر ما تنعاااد ان شالله

 

[شندوخه]

اي الحمدالله الله كتبلي عمر يديد
محد توقع اني اعيش حتى الدكاتره قالوا حالتها حيل خطره
لاني سويت عمليه وصار فيها فشل طبي خلاني افقد الوعي اسبوع كامل
وبعدها دشيت في غيارات تذذذبح من الالم
الحمدالله رب العالمين الله كتبلي عمر ثاني ويارب ان شاءالله اللي صارلي تخفيف ذنوب

 

[noorq8]

ثلاث مرات ...........المره الأولى وكنت بأول حيااتي توني سايقه وطالعه عندي موعد أسنان وسايقه 160 وجدامي الاشاره خضرا من بعييييييييييييييييد ولما قربت شوي صارت حمرا ومايمديني أطق بريك لو طقيت بريك راح أنقلب فدست زياده 180 وطفت باعجوووووووبه ولا اراديا من طفت الاشاره صارت دموعي تنزل بدون ماأحس وكأني مخدّره والله العظيم اني وصلت المستشفى وصفطت بالمواقف ويالله استوعبت ان ربي كتب لي عمر جديد ومن التوتر مانزلت ظليت بالسياره ساعه على ماتمالكت أعصابي والحمد لله من يومها ماأسوق سرعه وسبحان الله عند نفس الاشاره كان صاير لابوي حادث نفس حالتي لكن الفرق ان ابوي كان طالع خضراء واللي طايف الحمراء دعم ابوي وربي كتب لابوي عمر جديد لأن السياره انعدمت ,والمره الثانيه من أسابيع كان في نساف جدامي شايل مخلفات بناء وطابوق ومغطيها بطربال وحاط حدايد أسياخ فوق الطربال (قانونا لازم يغطي الحموله والأخ خاف عالطربال يطير :eh_s(14)المهم بما ان الجو غبار وعواصف فطار الصيخ وطاح فتفووووته عن سيارتي لو طايح عالجامه الاماميه كنت رحت فيها .
والمره الثالثه كنا مأجرين ميني باص وطالعين الجبل رحله بالسفر واليهال طول مشوار الروحه يغنون ويصفقون فالسايق مصحصح وطبعا الكلام من الساعه 6 الصبح طالعين ورحنا الجبل مشوار 6 ساعات وتغدينا وتمشينا وقلنا نرجع قبل الظلام فالسايق ماريّح والمهم بطريج الرجعه اليهال صخّوا تعبوا وناموا واختي نامت وولدي نام وظليت بروحي مفتحه وعيني تراقب السايق بالمرايه لاينام وسبحان الله ماوعيت الا غفت عينه ولااراديا صرخت أنادي ولدي عشان أفززه وحتى ولدي اخترع اشفيج يمّه قلت له سولف مع الريال غفت عينه وشغّل الراديو وربي يومها كتب لنا كلنا عمر جديد جان رايحين بالوادي انا واختي وعيالنا .والله يحفظ الجميع.

 

[{الجارحه}]

حلو موضوعج

لي عوده

 

[$$ صعبة الوصوف $$]

الغصات خليها على صوب ياكثرهآ

اما الموقف اللي ما انسآآآهـ

موقفين :

الأول : كنا رادين من البر مع السايق ونبي نلف لفه ننزل شوي على التراب وبعدين نصعد لسايد الثاني والنزله مو هينه .

الهندي الغبي لف بسرعه جان توقف السياره نصها بتطيح نصها عالقه اذا طاحت تقلب وحاول يردها ماردت

يالله فتحنا الباب وطلعنا كلنا وجو ناس دزوآ السياره غصب . يمــآآآهـ


الثاني :

همن في البر تخيلوا سياره فيها 18 ألف وآحد ومختلط من اهلنا طبعا الحمدلله انه كنت صغيرهـ

المهم كان يسوق فينا عمي وطااااااااير اهو جدامه خشبه او عرفج مادري عنه جان تقلب السياره على صوب واحد تمشي على تايرين ودااااايس

ياللــــــــــــــه شنو تصرقعت

بس الحمدلله عدت والوزن جـآب نتيجه