قرار الحمل بايد منو ؟ اللي عندها اكثر من 2 رايها يهمني

[حشمه]

السلام عليكم

شلونكم خواتي والله استانس لي دخلت القسم الله يتمم عليكم

ويرزق كل وحده تتمنى الحمال

ييت استشريكم الحمدالله ربي لك الحمد عندي البنت والولد

بس بنتي وحيده ودي اييب لها اخت وزوجي مو راضي

انا احاتي وايد وافكر هل تفكيري صحيح ابي بيبي !!

ريلي يقول ارضي بالنصيب الحمدالله عندنه 3 وانا اقوله

باجر تكبر ابي لها اخت وخاصه انا بيتوتيه يعني بنتي

ماتروح مكان وكله بالبيت معاي والزواره ماعندها احد

تكسر خاطري :eh_s(2): لي حاست ورا الصبيان والبنات اكبر منها

كله مبجينها ويطقونها :rgewrg: واكيد الحمل مو بكيفي بكتبه ربي

بس كنت مفكره اجرب طريقه البنت ومشكله هم هالطريقه

مو عاجبه زوجي مو مقتنع يعني فوق الحمال باقنعه بان في

طريقه علميه للحمال بالبنت بالاكل والجماع وغيره

احاول اقنع زوجي ولا اسكر الموضوع

بنتي عمرها 3 سنين ولو فكرت احمل يكون عمرها4

ابي استشيركم فيدوني

 

[طيف علي]

لاتحملين احسن 2 عيشي شبابك فكري بالحمل اذ كملت خمس سنين

 

[أم الهواشم]

اختي كل شي خيره يمكن تحملين واتيبين ولد ويمكن خيرتج بالولد احسن انا ماعندي بنت وعيالي اولاد ولاافكر اسوي شي عشان اتييني البنت الحمدالله اهم شي الصحه والعافيه وتقبلي مروري

 

[قشطـــة]

الله يرزق الجميع إن شاءالله

تبين الصج معاج حق ... الرزق كله بيد رب العالمين ماحد عنده شك بهذي ربي يرزق الجميع
بس الاخت تبي لها اخت .... عندي بنت رفيجتي وحيده ولها اخوان ماعندها اخت وديمن تحن عل امها ليش ماجبتي لي اخت
الله يرزقج بالبنت الصالحه إن شاءالله

 

[أم معاذ الكندري]

حاولي تقنعنين ريلج بالحمال
بس سالفة الطريقه انج تحملين في بنت أنا أشوفها مؤ مضمونه لان هالشي بيد الله

 

[فرفشه منعنشه]

القرار بيد الزوج بالنسبه لي وزوجي يحب البنات والاولاد والحمدالله عندي الاثنين ولكن ماسويت ولاطريقه للحمل في بنتي وربي عطاها لي عطيه وفي اولادي نفس الشي وبولدي الاخير كان يبي احمل علشان نييب اخت لبنتنا ولكن ربي ماقسم وعطانا احد ٣ ولد ماشالله وصاروا ٣ اولاد وبنت وحملي هذا تبارك الرحمن الخامس ومن غير تخطيط و انا راضيه بقسمة ربي لو نجري جري الوحوش غير رزقنا مانحوش والمحاوله مو عيب بالطرق ولكن نفس الشي زوجي ابدا ابدا ما يساعد ولا يرضئ بامور الطرق وغيرها ويقول كلشي مقسوم وما اخذ غير رزقي سوري طولت عليج بس جد حاسه بموقفج ويارب يرزقج ويرزقنا اللي فيه الخير❤

 

["*آآآنؤؤؤقهـ*"]

الله يرزقج خليج جم شهر خليها علئ ربج

والله يرزقج بنووته حلوه تسر اختها دنيا ياااارب

 

[زين ودلال]

الطرفين لازم يكونون مقتنعين

وان شاء الله ربي يرزقج بنوته حق بنتج لان انا راح اصير مثلج ومأزمني الموضوووع

الله يكتب لنا اللي فيه الخير يارب

 

[You FOR Me Only]

ربي يرزقج ان شاء الله ببنوته

 

[Perfume]

القرار مشترك طبعاً
حاولي تقنعينه لانه فعلاً البنت حلو يكون عندها خوات
بس من ناحية ثانية كلام زوجج صحيح بعد عندكم ٣ الحمد لله

 

[ناتشوو]

بصراحة مو من حقه يحرمج
طالما مو مقتنعه
وفوق هذا
كثير في بداية عمر الزوجة يقول عادي مابي عيال كثار
ولي قربت ال٤٠
والله ابي عيال مااكتفيت
غيرت رايي
وانت معاج حق
خاصة ان ٣ مو عدد كبير
علشان يقول لا
وفوق هذا تبين بنت ثانية
اخت لبنتج
بس ماانصحج بتحديد الجنس
اولا لان ٣ صبيان حلوين وعزوة لبعض
وثانيا اذا زوجج مو مقتنع بالحمل نفسه
اشلون بيقتنع بسالفة تحديد واكل معين وايام معينة
والله كريم
اتوقع لي كبرت البنت شوي
بيقتنع ويلين

 

[ام الحلوااات]

حـــاولــــي مـــعــــاه مــره واثــنــيـــن وقـــولـــي لـــه ان بــخـــاطــرج الــحــمـــل
عــشــان هــاالــبــنـــيــه الـــوحــيـــده اللـــي تــكــســـر الــخـــاااطـــر
وعـــســـاه يــلــيـــن ويــااارب يــكــتـــب لـــج الــحــمــــل بـــاالــبــنـــت​

 

[~Rou7~]

ليش رافض انج تحملين
الي يسمع يقول عندج درزن
كلهم ثلاثة الحمدلله ياربي
نعمه بس مو لدرجة انه يرفض

 

[@سيدة نفسي@]

عاد انا داااايماً أقول حلاة البنات ثلااااث مو ثنتين ، ياحلوهم وياحلو جمعتهم ،والله مافي شي بهالدنيا

أحلى من جمعة الخوات وسوالفهم ، ودامج للحين صغيرة توكلي على ربج وادعيه يلين قلب زوجج ويسخره لج وتالي

لي حملتي ان شاءالله الزمي الدعاااااء ان الله يجعل مافي بطنج بنت صالحة ..

 

[روعة خيال]

مو من حقه يطردج

 

[*ضيفة*]

حاولي تقنعيه وحاولي يكون الموضوع قريب عشان مايكون فرق بالعمر بيناتهم
والله يعطيك الطفل السليم المعافى

 

[سلاسل ذهبيه]

ان شاءالله مع الوقت والمسايس بيغير رايه وتحديد النوع توكلي على الله ولاتتبعين نظام ولا شي ادعي ربج بالبنت الصالحه

 

[حشمه]

مشكورين خواتي على وقفتكم وردودكم

وان شالله ناويه اكلمه واقنعه وبخلي كل شي

بيد رب العالمين اذا كتب لي فالحمدالله واذا

ماكتب لي الف الحمدالله

مشكوررررررررين وايد ريحتني ردودكم

والله يكتب لكم اللي فيه خير ويرزقكم مثل

ماتتمنون واكثر يارب

 

[حشمه]

واللي قالو لاتتبعين طريقه اعرف وحده مشت مع دكتوره بطريقه اكل

ووقت الجماع وسبحان الله رزقها مثل ماتبي بس اكيد كل شي بكتبه رب

العالمين والله كريم حاليا ابي اقنعه بفكره الحمال واما الطريقه

ان شالله بدونها ربي يرزقني مثل مااتمنى

 

[{}{}{ سكرة }{}{}]

أهو قرار مشترك أكيد


بس بنظري الرجل له نسبة أكبر بالقرار مناا



احنا ننظر مثلج بنظرة عاطفية ابي بنت حق بنتي ابي اخو حق ولدي


بس الريال ينظر من منظور ثاني القدرة على المصاريف القدرة انه يكبرهم ويتحمل مسؤوليتهم


مو شطارة اشكثر ايب اهم شي شنو اقدر اوفر لهم من حياة


وحشمة مشالله انتي تقريبا حملاتج وياي وعيالج صغار وراه بعض حراااااااااااام انتي قاعدة تظلمينهم وبنفس الوقت تتعبين عمرج