قرار بعثات المعلمين للدراسات العليا الجديد ...!

[ترف بابا]

يعني باختصار شديد

مافهمت قرار الوزير بالسماح بابتعاث المعلمين للماستر والدكتوراه

شنو الجديد فيه ؟؟
هذا موجود وهذا المعلمين كل من بغي كمل ..

سؤالي: هل فيه اضافات علي اللائحة مالت الابتعاث او زياده او نقصان بالشروط ؟

اللي تعرف بليز تنورنا وتفيدنا ..*

 

[مغتربه1]

الراي


اما في ما يتعلق بالمعلمين، فأوضح الحجرف ان لديه رؤية خاصة لذلك في زيادة عدد المعلمين المبتعثين للاستفادة منهم واثراء العملية التعليمية بالكفاءات وتوفير بيئة تعليمية منشودة، لما في ذلك من اهمية لتطوير المرفق التعليمي.
وقال وزير التربية وزير التعليم العالي ان أهم البنود التي تتضمنها آلية ابتعاث المعلمين والمعلمات، أن يكون الى جامعات مشهود لها في مجال التربية والتعليم، ومن ضمن الشروط مضي ثلاث سنوات على التحاق المعلم بالعمل في الوزارة وحصوله على تقدير امتياز لسنتين، وأن تكون لديه رؤية لتطوير نفسه.

 

[مغتربه1]

للحين مو مبين شي لكن الأرجح أنه راح يكون نفس وزارة الصحة لما تبعث ناس براتب كامل مع رسوم الدراسة وفوقهم بدل سكن

تقريبا لحد شهر واحد يبين كل شي

 

[ترف بابا]

اها جزاج الله خير

يعني اسأل بالديوان ولا مركز التطوير ؟

 

[بنات حواء2]

مافي اختلاف هو هو القرار بس دخيل الله مو حرام انا اكمل دكتوراه و ارد اصير مدرسه ليش يعني ما اصير دكتوره باحدى الكليات
لي متى هلوزاره تذهلني بقراراتها

 

[عجميه زوغه]

متى يفتح باب التقديم

 

[ترف بابا]

ام زنوب

يعني اذا القرار ما تغير فيه شي ليش يثيرونه مره ثانية - بس احنا نصبر ونشوف 

عجمية زوغه

اذا تبين تابعي النشرات اللي تجي عند السكرتاريا.. *

 

[fri2010]

انزين اذا خذيت دكتوراه بمجال غير التربيه هل في اشكالية!

 

[ترف بابا]

اهو الابتعاث يكون حق تخصص تربوي خاصة اذا معلمة وعن طريق وزارتج
واذا اخذتي بغير التربية في اماكن ثانية لج بالدوله اكيد ..
بس الحين احنا خنفك الغموض االلي يلف هالخبر ونشوف - الله المستعان

 

[كريستل]

هل لدرجة البكالريوس علاقة بالشروط؟؟؟

 

[ترف بابا]

اعتقد لان من شروط الماستر التربوي معدل ٣ نقاط وخبرة

بس هالقرار مو واضح لحد الحين ...

 

[مغتربه1]

سمعت مقابلة الوزير بالوطن وقال بخصوص هالموضوع راح يكون حكر لتخصصات التربوية وضرب أمثلة تربية الأسرة والإدارة المدرسية وتعلم ذوي الاحتياجات الخاصة

وقال راح نبعث إلي تنطبق عليه الشروط لجامعات إحنا نحددها تكون عالمية ولما يرجع لازم يخدم في الميدان كمعلم ماراح نخليه يطلع

............

عموماً شهر واحد الجاي يبين الشروط والتخصصات المطلوبة والبعثات وهل على النظام الفاشل القديم أو في اغرائات

لأن النظام القديم يقص ثلاث أرباع المعاش أذا سمحولج بتكملة الدراسة خصوصاً بعد الكادر لأن معاشاتنا معضمها كادر والا الاساسي

والعلاوة الاجتماعية ماتتعدى الخمسمية دينار وهي الي ياخذها الي يطلع تفرغ .

 

[sasa1234]

شالفايده اذا برجع معلم ؟؟

 

[ترف بابا]

مغتربه

اذا اقعد واخذ فترة نقاهه من الدوام وغثاه جم سنه وراتبي مثل ماهو ليش لأ ؟

خاصة واحنا تظيع احلي سنين شبابنا بالكرف وشد الاعصاب اليومي

يعني مو مشكله لو ارد طالبه براتب معلمة كااامل

ولا رجعت يحلها رب العالمين ... بس اكيد راح يحطونج بمكان يتطلب شهادتج

وما يندري يمكن يكون احسن من منصب دكتور جامعي خاصة لنا احنا المدرسات اللي وراهم بيت والتزامات ...

والله يسهل من عنده

 

[*مطبخ الذواقة*]

الله يسهل عليكم

حبيبتي ترف بابا ان شالله تبشرينا قريب بقبووولج

 

[ترف بابا]

تسلمين ياقلبي