قرب زواجي وشانت احوالي

[أنثى ملاائكيه]

بنات الله يسعدكم ساعدوني باقي بس شهر ع زواجي ومن القلق والهموم ماقدرت اهتم بنفسي ومشاكلي كثيره :eh_s(2): وبشرتي سمرت كثير احس نفسي مكتئبه وبس اصيح مادري شنو اسوي صرت مهما استخدم مااتغير والله كرهت نفسي واحس صراحه هو بيكرهني لما انخطبت كنت احسن بكثير والان انقلبت 180 درجه للاسوء شوروا علي شو اسوي والله ابي اموت ولا انحرج قدام احد الله يحقق امنياتكم ساعدوني

 

[بياعه ورد]

ليش ياحياتي مفروض هالفتره تبتعدي عن التوتر ولاتقولي انك سمراء يعني انك بشعه خليج واثقه من عمرج
اهتمي بنفسح وباكلج بالعكس انتي داخله حياه جديده ان شاء الله تكون فاتحه خير عليك
بالتوفيق

 

[هدوووشه]

لا ياقلبي لا تخافين ولا توتريين شنو يعني سمرا عادي اهتمي بنفسك هالفترة
وسوي حمامات مغربية وروحي عيادات سوي تقشير للمناطق الغامقة شعرك اهتمي فيه
واهم شي اكلك
واخيرا .. ترا اهم شي النظاااافة والله مو شرط اللون اهم شي ريحتك تكون حلوة وشكلك مرررتب
موووفقه

 

[<miss botamba>]

اول شي تسوينه حبي نفسج وزيدي من ثقتج بنفسج

وحتى لو انتي بشعه على قولتج المفرووووض تقولين انا احلى وحده


وحتى لو بشعه شفيها مو خلق الله



جد والله خلج واثقه من نفسج ترا الريال يحب المرا الي فيها ثقه بس لا توصل مرحله الغرور بس خلج طبيعيه


سمرا ليش شفيهم السمر؟ سواء على بروز او سودا ... اعلى اجور العارضات الي هاللون

وهم لو السمار مو حلو جان الناس مو ذبحه عالتان






وليش تموتين عشان الناس هههههه ضحكتيني


عنهم احترقوا بطقااااق الي يطق النااااس .. الصراحه تفكيرج مادري شلون صاير



حبي نفسج


حبي نفسج


حبي نفسج




والواحد عادي يهتم ما اقول لا تهتمين بس في اشياء ماتغير فخلاص


لا يصير هذا الوسواس واتعيشين بكآبه وتبين تموتين


ليييش لييش؟



واذا بشرتج مو عاجبتج الحلول سهله جدا



مسكي التليفون واتصلي على عياده جلديه واتوقع ماكو اكثر من العيادات الجلديه



ماتبين غيري اكلج وكثري اكل صحي



ماتبين تاكلين اكل صحي في حبوب ومكملات غذائيه




حلوول ماكو اسهل منها

 

[ريـ’ـآنـهـ‘]

الف مبروك حبيبتي ولا تحاتين كلش

المفروض تستانسين بهالفتره وتنطرين هاليوم بفرح ووناسه


وانصحج تطلبين من قراس صابون الويه مع سنفره ومرطب انا جربته قبل عرسي وصج صج عدل بشرتي وكان عندي اثار حبوب خفيفه وكنت مسويه تقشير وجهي صاير لونين بس ماتضايقت الحمدلله وتعدل وصارت بشرتي حلوه

وحمامات مغربي كل اسبوع
عندج صالون لميس بسالميه ورا الثريا يهههههبل
وعندج الشرقيه بالجابريه
وعندج رنيم وهربل سبا برقعي
وعندج ام اي بالمنقف اعتقد شوفي الاقرب لج وروحي من اليوم


وكثري فواكه وماي
وخلي اكلج صحي
وكثري روب زين لصحتج وريحة الحلج


وفي خلطة انل كنت استخدمها بيضتني والله
تحطينها بليل وغسليها الصبح
(كريم جلسويد الاحمر+ عصير ليمونتين وحاطه فيهم فيتامين سي فوار حبتين+ فنجال زيت اللوز المر)
وخلطيهم بخلاطة الكيك

وتقدرين تحطين زيوت اكثر تنوعين انا جربت احط زيت الليمون والجلسويد وزيت المر

وتحطينها بثلاجه وتقعد اسبوع
يعني كل اسبوع تسوين وحده


وقبل لاتروحين الحمام المغربي دهني جسمج بزيوت ( اللوز المر - المره - جلسرين- الليمون) واخذي من الحواج الزيوت الي تبين ودهني جسمج قبل لاتروحين الصالون بساعتين بترطب وتطلع كل الوصخ بجسمج

واذا كوعج وركبج وحوالين اظافرج والمفاصل اسود فركيهم بليمون يعني ليمونه قصيها بالنص وفركي فيها كل الاماكن المفاصل ومنها بعد اظافر تقويهم
خلي هالشي بعد الغدا
يعني سوي لج جدول


والماسكات الطبيعيه للوجه

عسل حليب شوفان طحينه روب في شكثر انواع ماسكات وطبيعيه بالنت كتبي بقوقل ويطلع لج

هذا كله عنايه لبشرتج وجسمج
يعني من اليوم تسوين عنايه مكثفه وتلتزمييييييين فيها اهم شي


وتلتزمين بصلاتج والاذكار وصلاة الضحى وقومي الليل لو ٣ ركعات
وادعي ربج اللهم جملي بعين زوجي اللهم جملني بعين من ملكته امري اللهم سخرني له وسخره لي اللهم جمله بعيني
وادعي ربج والله يسهل لج يارب والله يحب العبد اللحوح وكل شي بايد ربج
واهم شي التوفيق من الله والله يبارك لكم يارب ويسخركم لبعض




وقبل يوم العرس حجزي لج حمام مغربي ومنيكير بديكير ومساج وارتاااااحي

وانصحج بحمام العطور بليلى هارموني ومساجهم حلو كنت رايحتلهم قبل عرسي بيوم

 

[لمساتـي]

اب اب

 

[M!SS.LOBY]

موووفقة

 

[أنثى ملاائكيه]

يسلموووو جزاكم الله كل خير

.
ريـ’ـآنـهـ‘ الله يسعدك دنيا واخره بصراحه ردك ريحني
بس انا كل خوفي اني مااطلع بالشكل الي اتمناه هذا الي يحبطني نفسي اكون احلى عروس ان شا الله بحاول من اليوم

 

[طريق السعاده]

ليش ماتكونين احلى وحده !

مب ناقصك شيء صدقيني بطلي وسوسه وتوكلي ع ربي

مثل كلام مسس مازيد عليه الا شغله

هالشهر خلي القران عندك طوالي شغال وكل ماحسيتي مخنوقه وضايق صدرك اقري او شغلي البقره جدا تريح النفسيه

تهدين وتستقر نفسيتك وبعدين ترا بتعرسين مرح تهاجرين ولا رح تحاربين !

الحياه حلوه ان شاء الله تفائلي وقولي انا جميله وبس قاعده ازيد جمالي وهذا الصدق لو منتي حلوه ماحبك وخطبك ! بس عاد انتي وسوستي وهالسوالف دايم تجي للعرايس يخافون ويحاتون بزياده

هدي نفسك واستقري نفسيا رح تلاحظين وجهك مشرق

اذا يريحك صلحي جلسات مساج واسترخاء عشان جسمك يسترخي وذهنك يصفى

بالتوفيق وعسا ربي يجملك بعين نفسك وبعينهم ..

 

[سميتك وليفي]

البنات كفوو وفوو ما قصرو

صراحة انا مرات تمر علي فترات نفسج و احس ع كثر ما اعتني ما القى نتيجه مرضيه وكل شي احاتيه

لكن صرت اتعوذ من الشيطان واحب نفسي شوي و اقول سواء فكرت ولا ما فكرت ما راح يغير شي
العرس متحدد وخالص يعني شالفايده ااذا اكتئبت بالعكس تفاائلي كثر ما تقدرين وراح ترتاحين
عموما حبيبتي
اعتني كثثر ما تقدرين يمكن انتي ما تلاحظين االنتائج بس بالواقع اكيد في تغيير
وحبيت افيدج بحبوب للشعر من الصيدليه اسمها برايورين سعرها تقريبا 24 دينار
نتيجتها تبين تقريبا خلال 3شهور وانتي تقولين عرسج بعد شهر عادي استمري تاكلينها لي بعد العرس فيتامينات ماتضر واسالي الصيدلاني اذا حابه تتطمنين
ما كتبتها لج الا وانا استخدمها صارلي تقريبا شهر والحمدلله احس في تحسن بس هذا ما يغني عن الزيت كل اسبوع دهني شعرج
باي دهن عندج زيت زيتون او غيره

وهمن صارلي اسبوع استخدم فيتامين سي من شركة رجوفي شاريته من بوتس اهو جل شفاف صرااحه روعه سعره 19 دينار يعطي امتلاء للوجه
ويصفيه احطه قبل ما انام و اغسل ويهي الصبح مايصير اطلع فيه بالشمس

جربي اللي قلتلج عنهم وادعييلي اذا استفدتي ان الله يسخرلي زوووجي ويتمم عرسي على خيرر

بس بشرط الاستمراار والتفاااائل ، تفائلي بكل شي تستخدمينه وبتلقين نتيجه مرضيه باذن الله
والله يوفقج ، سوري ع القرقه ادري قرقت وايد بس تستاهلين

 

[مـهـــابــــه]

فكري بينج وبين نفسج شنو اكثر شي مضايقج او شايله همه و حاولي تلاقين له حل و هوني الامور ع نفسج ترى والله مافي شي يسوى و الامور سهالات
ثانيا اذا مافي شي مضايقج و مجرد خوف انج ماراح تكونين حلوة بيوم عرسج معناته انتي عندج مشكلة بثقتج بنفسج لازم تقوين هالثقه لان نص الجمال الثقه بالنفس تفاؤلي و اضحكي و استانسي العرس كله ساعتين و بيخلص ع خير و لا احد بينفعج لا اكتئبتي و ضيقتي خلقج و خربتي بشرتج و عفستي مزاجج ع شنو عاد ؟
ما اجمل الحياة بدون هموم :eh_s(21):

 

[نكتار 2010]

حبيبتي اقري قران العروس بالغالب خلال هالفتره نفسيتها تتعب من الضغط

والف مبروك

 

[عروسة اكتوبر]

حيااااااااااااااتي ليش ليش كل هالخوف وكلي امرج لربج وكثري الاستغفار وربي راح تتيسر امورج اسألي مجرب والله

 

[قاهره عذالي]

الظاهر شايله هم الزواج وتفكرين واجد

نفسج انا بايام الملجه خاصه لما قرب العرس صرت اشوف احلام وافكر واجد وانسليت وضعفت حيل
لدرجه البنات قاموا يقولون لي مايسوى عليج زواج سوى صرتي كومة عظام العروس تفرح
وجهي صار عظم من كثر التفكير والمحاتاة لدرجه انسى اكل مرات
يمكن نص وجبه باليوم اكل حتى طعم الاكل كنت ما احس فيه
وخااااااااااااااااايفه حيل وشايله هم شراح يصير
ياليتني فسرت احلامي بهذيك الفتره
لان احلامي كانت واضحه انها ما تبشر بالخير
ع الاقل لا دخل علي ولا تم العرس ويصير طلاق بدون دخول ارحم من طلاق بعد دخول وعذاب سنتين من اشكال الضيم والقسوة والقهر اللي شفته معاه

الله يعينج

اسمحيلي

انا ما اتفائل بالعروس اللي تكون ملجة وينسل حالها بسبب التفكير وتكتئب وتدخل بموجة بجي وتروح ايامها بكدر
لان سبحان الله قلب المؤمن دليله
يمكن في شغلات صارت بالخطبه والملجه انتي من داخل مو راضيه عنها بس مشيتيها لان تبين الموضوع يمشي
وهذا اللي صار معاي كانت في شغلات استغربت منها وما كانت عاجبتني ومشيتها لان والله امي تشوف انه عادي والناس تشوف عادي
بس صاحب الشان ابخص
انا كان انسان غريب اللي خذيته وما اعرف عنه ولا عن اهله شي ومدري كنت احس في شي مو طبيعي وناطرني شي مجهول ومن يقرب العرس يزيد البجي والخوف

 

[مدّهره !]

اللي فيج بس قلق نفسي بعدي عنه وأنتِ بخير ..’


وخواتنااا مااقصرواا فاادووج ..’

 

[الفدنه]

الله يوفقج ويتمم عليج يارب

 

[أنثى ملاائكيه]

الله يسعدكم يارب ويفرج همكم وهمي ويحقق كل مانتمنى يارب

 

[بنت الكويت90]

عممره السمار ماكان بشاعه ليش تقولين عن نفسسج جذي




روحي حمامات مغربيه تنظظف جسسسمج واهم شي النظافه والريحه والاسلووب الحلو والثقه بالنفسس هذي اللي تدخلج قلب زوجج



مو بياضج او سماارج

 

["* حلا *"]

حبيبتي ذكري الله وهدي اعصابج هذي أحلى ايام بحياتج
عيشيها واستمتعي فيها
وادعي ربج دائماً ان يسهل عليج امورج اقري دايما هالدعاء :
" اللهم لا سهل الا ما جعلته سهلا وانت تجعل الحزن ان شئت سهلا "

و صلي صلاة الليل وأقري قران " الا بذكر الله تطمئن القلوب"

وحطي جدامج ورقة وقلم وكتبي شنو تحتاجين تسوين من عنايه واهتمام
خلي عنايتج سهله وبسيطه عشان تقدرين تستمرين فيها و ما تملين
سويلج جدول بسيط .. وايد في برامج عنايه بالنت

اذا اهملتي نفسج ماراح يتحسن شي ..
خلي عندج ثقه ويقين بربح انج بتكونين أحلى عروس وان اهتمامج راح اييب نتيجه

وطلعي رفهي عن نفسح طلعي مع صديقاتج او خواتج غيري جو

وربي يسهل عليج ويوفقج ويجملج بعيون زوجج

 

[تبيني آرضى عليك]

البنات ماقصرو
ربي يسهل امورررررررررك ويووووووووووفقك ويببعد عن الضيق والهم
استغفري كثير واقرئي قرآن