قررت اروح زلمسي سالزبورغ وانترلاكن بس ابي جدول

[BARBI]

حبايبي خلاص ان شاء الله اروح لزلمسي وسالزبورغ وانترلاكن فترة اسبوعين بس ابي جدول سياحي الله لايحرمني منكم وياليت تفيدوني باي منطقه اطب واشلون طريقة النقل من مدينه لي مدينه موعارفه شي :eh_s(16):

 

[عزاااه]

شوفي انتي تبين تطبين بزيورخ تروحين انترلاكن اجروا سياره من كويت احسن عقب روحي انترلاكن عقبها زلمسي بسياره من زلمسي روحي سالزبورغ قعدي فيها

 

[BARBI]

عزاه خلاص بسمع كلامج سالزبورغ بروحلها زياره زين انا بقعد اسبوعين اللي اعرفه٥ ايام وايد ع زلمسي اشرايج تضبطيلي جدول

يعني اللي فهمته اطب بزيورخ واطلع بالسياره لانترلاكن واسكن فيها بعدين اطلع من انترلاكن بالقطار مو احسن وتجربه جديده واروح لزلمسي واطلع يوم لسالزبورغ صح

اشرايج ياليت بعد تذكرين لي اماكن سباحيه وترفهيه

 

[BARBI]

للرفع ..

 

[فنيسيااا]

انتي طيارتج تطب ميونخ والا زيورخ؟؟
اذا ميونخ روحي لي زلمسي هاديه ومطر وغيم وحوالين البحيره مناطق تقدرين تروحين لها مشي
ومنها طلعي لسلزبورغ تسيح وردي قعدوا 6 ايام اهناك وبعدها تيسروا صوب انترلاكن وروحي رحلة الثلج و البحيرات وريحوا وتبطحوا بالبراد والخضره
موفقه

 

[فنيسيااا]

في وايد شركات سياحه تسوي رحلات للثلج وشلالات لشتن اشتاين وماريا ايلاند كلهم اخذناهم من الرسبشن بزلمسي
وندج قوقل ايرت google earth يحطلج المنطقه ولا بعد تقدرين تمشين فيها مباشرة وتشوفين الشوارع وشكلالديره

 

[جود&العتيبي]

:bbbiu::bbbiu:السلام عليكم حبيبتي اختي فينيسيا

بسالج ولدي عمره سنه و4شهور وباخذه معاي وللحين ماحددنا لمناطق بس زلمسي وميونخ وانترلاكن وسالزبورغ وحيل خايفه والله على ولدي بس ظروفي ماتسمح اخليه يا اخذه ويسافر معانا او نقعد ونكنسل السفر

 

[lolo77]

السلام عليكم

بنات انا بعد مقررة اروح ( ميونخ وبعدين زل ام سي وسالبورغ وانترلاكن )

ابي اماكن سياحيه والعاب وباخذ اعيالي كلهم الله يحفظهم

اهم شي ابي العاب
وعندي سؤال عادي ناخذ معانا اكل ( عيش عدس معلبات واجبان )
ياريت الخبيرات يعطونا خبر

 

[Sh@5sho5]

انا بعد بروح زلمسي و ميونخ و بنروح يوربابارك و اتمنى احد يسويلي جدول و باخذ بنتي عمرها سنه و اربع اشهر
بروح شهر 8 شلون الجو هناك

 

[دانه الخليج]

نفس رحلتي تقريبا بس في اختلاف شوي احنا نبدأ ان شاءالله بقارمش وعقب زيلامسي وعقب بلاك فورست ويورب بارك واحتمال انترلاكن الله يوفق الجميييييييييع ياربورحله سعيده للجمييع

 

[sweet lady]

ماتسوى تنامون بسالزبورغ
بطبين بميونخ طلعي لزلمسي بقطار ساعه ونص تقريبا ماتحسين بالوقت الطبيعه والجو عجييب ينسيج الوقت قعدي اسبوع طلعي من زلمسي من الصبح لسالزبورغ وردي بليل عالمغرب كافي عليها وخلي الوقت بطبيعه زلمسي وبحيرتها عجيبه وفي مناطق حوالي زلمسي خلي الاقامه بزلمسي وكل يوم روحي منطقه والاسبوع الثاني طلعي انترلاكن وكل شي حواليها هم روحي اكثر من مدينه حوالي انترلاكن خلي يومين اكتشفي ميونخ حلوه
انا العام كان جدولي الذهاب على زيورخ سيدا لانترلاكن قعدنا اسبوع كل المناطق اللي حواليها زرناها حتى الغابات السودا ونرجع بليل مااحب انقل قشي كل شوي احب استقر بمكان واحد صج مغامرات عقب رحنا ميونخ استقريت فيها وردينا من ميونخ للكويت *

 

[sweet lady]

من ميونخ تقدرين تروحين زلمسي وسالزبورغ مافي بعد بالكثير ساعتين بالقطار

 

[فديت حبايبي]

لله يوفق الجميع بس ياليت بالتفصيل جدول حلو والايام المقترحه والاماكن وطريقة التنقل
والاسعار والتسوق والالعاب والحدائق يعني حق اسبوعين

 

[نوووور الشمس]

حبايبي الحين 3000 الاف تكفي تذاكر وسكن ومصروف انا وزوجي

 

[فنيسيااا]

:bbbiu::bbbiu:السلام عليكم حبيبتي اختي فينيسيا

بسالج ولدي عمره سنه و4شهور وباخذه معاي وللحين ماحددنا لمناطق بس زلمسي وميونخ وانترلاكن وسالزبورغ وحيل خايفه والله على ولدي بس ظروفي ماتسمح اخليه يا اخذه ويسافر معانا او نقعد ونكنسل السفر

هلا اختي
شوفي اهناك الجو بارد بالريف بس المدن عادي الجو ربيعي ولا سمح الله تصخن الديره ترس مستشفيات بعيد الشر عليه
اخذي لج دراجه اطفال(استرولر) راهي يعني الياهل لي بغى ينام فيها تنفج وتصير سرير
انا العام اخذت لي ولدي من محلات الالعاب استرولر يشيل لي 15 كيلو بيبي وبريكاتها ثابته ومظله وشغل عدل
ياهل بوسنه بس يبي حليبته ولا تنسين تكرمين تغيرين حفاظته لا تلهين حده 3 ساعات وبدليه لا يتضايق
خليه ينام امبجر ويشبع نووووووم طبعا ملابسهم كم طويل ولازم معاج جاكيت للبيبي والحاف اصغير والعربانه اشتروا لها مظله مطليه اللي تصير جنها جيس
في يهال بهالعمر يحبون الاكل اكثر من المميه والحليب وفي العكس
ونصيحة ام الياهل الصغير ترا ما يتحمل المشاوير الوايده والسياره تدوخه وتتعبه عطوهم راحتهم بالنوم والاكل
واذا طلعتوا تفرفرون الله الله بالسوائل عصاير روب بفواكه وخليه بعربانته لا يحوس وحطي له العاب ولازم تاخذين له وجبه خفيف معاج مثل سيريلاك او بساكيت واذا تقدرين تسوين له عيش جاول (عيش ساده) بس مو نثري حيل رخيه خلي حبته ناعمه وحطيه بحافظه ولي ياع حطي فوقه حليب وعطيه او اخذي معاج سيريلاك بودر واذا ياع حطيع عليه ماي دافي تكونين ماخذته معاج وعطيه طبعا بهالعمر ماراح يقول ماما انا جوعان انتي بس لا تنسيه
ترا زلمسي يم سلزبيرغ جريب ساعه ونص ومنيونخ بينها وبين زلمسي ساعتين اما انترلاكن بعيده جريب 7 ساعات
انا بديت اعطي ولدي وقائي لانه صاحب صدر ومبلشه فتامينات لانه من عمره دمه ضعيف واصلا دايما ياخذهم انا ولدي عمره 4 سنوات اللي باخذه بس طبعه عسر الله يخليه لي ويصلحه
بنات لا تنسون الدي في دي سمعت انن في واحد يقعد بدون شحن لمده 8 ساعات لان اليهال يجننون اذا مللوا بالطياره او السياره واشتروا الببيات اللي يحبونها واول ما تقلع الطياره العلج لا ياذونكم ويقعدون يبجون من اذونهم انا بعطيهم الحلاو اللي مع المضغ يذوب ان شاء الله
وادعووووولييي

 

[فنيسيااا]

انا بعد بروح زلمسي و ميونخ و بنروح يوربابارك و اتمنى احد يسويلي جدول و باخذ بنتي عمرها سنه و اربع اشهر
بروح شهر 8 شلون الجو هناك

انا رحت لي ميوخ وزلمسي ولا رحت يوروبارك
اقترح تطبون ميونخ وتنامون (انا ما حبيت ميونخ ) والي تروحون غرب صوب يوروبارك سمعت انها كبيره ولازم تباتون اخذوها 3 ليالي اربع ايام مثلا وتالي روحي زلمسي هدوء وطبيعه وبراد وراحه اعصاب قعدوا 6 ايام مثلا وفرفروا على المناطق اللي حواليكم روحوا الشلالات والسدود او سلزبيرغ وهم كابرون وجبال الثلج
فلاخو
ماريا ايلند
انسبورك فيها كهف الشوارفسكي واهي على طريج اميونخ
وموفقين
لا تنسوني بالدعاااء