قررت باذن الله بسافر ماليزيا شهر 4 انشالله (لاتبخلون علي بردودكم الحلوه )

[^kloOot^]

قوه بنات شلونكم حبايبي




قررت انشالله انا وريلي وولدي انروح ماليزيا باذن الله شهر 4 لمده 10 ايام بس وانا خبري بماليزيا قبل 6 سنوات



ابي اعرف شنو احلى الجزر لانه ريلي مو رايييييييييح كلش ماليزيا وميت ويشوفها

ابي مااااااااااعليكم امر احلى الجزر وهم ابي كوالامبور بعد ابي شنو احلى فندق انا اذكر قبل كنت ساكنه بفندق حلو وقريب يم البرجين بس ناسيه اسمه


ابي الملاهي عندهم والحدايق وكل شي ابي طبيعه

وابي تقريبا اسعارهم بنات تقريبا اللى راحت اخر مره
وجم يكفي مصرف بلييييييييييييييييييييييييز



:ggdw:ادري فيكم ماراح تقصرون

 

[^kloOot^]

شدعوه بنات ويييييييييييييييينكم

 

[^kloOot^]

مشكوررررررررررررررررررررررررررررين ماقصرتوا

 

[حلوى كويتيه]

ولاتزعلين انا راح ارد عليج يالغاليه روحي اول شئ كوالا ورتاحي يوم واسكني في فندق برجايه تايم سكوير اهوا عباره عن استيديو وتحتج يكون السوق وملاهي في المجمع واهو موقعه بشارع العرب واحجزيه عن طريق الانتر نت يكون ارخص والجزيره بنانغ فندق شنغريلا ويعتبر منتجع واحجزيه بعد عن طريق النت واي سوال انا حاظره

 

[^kloOot^]

بعد عمري مااااااااااااااااااا قصرتى

انشالله راح اكتب واسجل كل اللى قلتيه
انزين انتى متى رحتى العام ؟؟ ولا من زمان

 

[كويتيه بالفراوله]

أنا بعد نفسج حبيبتي بروحلها شهر 3 وكنت بسـأل نفس أسالتج ولو أحد يرد علينا بخصوص أحسن مكتب سفريات تعاملة وياه بسفرتها لماليزيا
وجم يكفي مصروف وشنو أحسن الاماكن والجزر فيها؟

 

[mrs_sugar]

توني رادة من ماليزيا

جيكي موضوعي

ان شاء الله يفيدج

و اي سؤال انا حاضرة باللي تبينه

http://www.q8yat.net/showthread.php?t=313013

 

[Fa6oM]

احنا رحنا جزيره لنكاوي .. كانت وايد حلوه وهاديه واستانسنا فيها وايد .. بيوم من الصبح لي المغرب افترينا بالجزيره كلها مع السايق وودانا الاماكن السياحيه الي فيها يعني يبيلها ليلتين وقعدنا بفندق برجايا وكانت الغرف مثل كوخ عالبحر ... يعني اهو جبل ونهايته بحر والاكواخ موزعه من فوق لي تحت .. انصحج فيه وطلبي الغرفه تكون تحت عالبحر طبعا الجزيره تروحيلها بالطياره من كوالالمبيور
وروحي جنتينق واهي منطقه جبليه تروحيلها بالسياره من كوالالمبور بعد ماذكر المده شكثر بالضبط .. واعتقد كان اسم الفندق فيرست وورلد وقعدنا ليلتين وبالفندق نفسه كان سوق وبره ملاهي والمكان وااايد كان حلوو
رحنا سن واي لاقون واهي يم العاصمه يمكن ساعه الا ربع بالسياره وقعدنا بفندق بيراميد وكان متصل بمجمع والمجمع في سكيتينق تحت
ويم الفندق مدينه مائيه
اما كوالالمبور قعدنا بماريوت وموقعه وايد وايد حلووو واستراتيجي ومكان الحركه واللويه كلها .. فندق برجايا شوي ابعد عن شارع العرب يعني مشي 5 دقايق ..
مسار الرحله كان ليلتين كوالا بالماريوت بعدها طيران داخلي على الجزيره لنكاوي وهم ليلتين ومن لنكاوي رجعلنا كوالا وبالسياره رحنا جنتينق وهم ليلتين ومن جنتينق رحنا بالسياره سن واي لاقون ليلتين واخر شي قعدنا اعتقد 7 ليالي بكوالالمبور
وبالنسبه للاسعار انا اشوف اسعارها وايد زينه ومناسبه
انشالله اذا تذكرت شي يفيدج اكتبه لج

 

[بطه فيها نطه]

بختصار ....

جولة على المدينةCity Tourالجولة تكون إثناء التنقلات من مكان لأخر

حديقة الحيوانZooيفضل عن طريق التكسي لا يوجد تكسي في حديقة الحيوان (يفضل أن ينتظر ‏التكسي عند الحديقة )‏

مرتفعات جميلةHigh Land Gentingعن طريق التكسي 60رنجت للذهاب و50 للعودة الباص – مطاعم – فنادق ‏‏- الجو بارد – ساعة من العاصمة و الخروج له من الساعة 9 صباحـــا ‏تلفريك + ألعاب جميلة

منارةKL Tower 421 متر أطول منارة – مطعم – الحجز مسبقاً للمطعم من الفندق الأكل ‏ماليزي للشخص 100 رنجت

أطول عمارتين توأمTwin Tower ‎ KL CC‎بها سوق ( سوريا )فخم جداً _ مركز المدينة-مطعم هندي ‏‏( للصعود للبرج تقطع تذاكر في

وقت محدد عدد 2000 تذكرة يومياً من ‏الساعة 8 – 10 صباحا فقط إسأل هنالك )‏

العجائب السبعةSeven Wonder of ‎Malesyaسوق كبير(‏Fair Shoping‏) داخل السوق قوارب – صناعات وطنية – ‏منتجع –
ألعاب (‏World Iand‏) عروض مائية



شلالات تيمبلر بارك Templer Park لا توجد الشلالات إلا وقت المطر فقط وهي خارج المدينة 10 كم - ثم المشي ‏لها 20 دقيقة على الأقدام‏ ... وماتسوى الروحه

معبد هندي Batu Caves مكان قذر جدا ذو رائحة كريه وعنده أطول درج في العالم 300 درجة متعب جداا( ننصح ‏بعدم الذهاب إليه )‏

حديقة الزهور Taman Bunga لا توجد زهور كثيرة‏

حديقة الفراشات Taman Rama-Rama حديقة جميلة بها أنواع الفراشات المختلفة

حديقة الطيور Taman Bwong بالقرب من حديقة الفراشات وأنواع مختلفة من الطيور.. انصح فيها واخذ مظله لكونها مطريه

بحيرة ليك جاردن Titiwangsa lake ‎garden حديقة جميلة جداً وكبيرة ومعدة للهرولة والمشي والتنزه ( لا يوجد بها مطاعم ، ‏لايوجد تكاسي بها )‏

ميدان الاستقلال Dataran Merdeka ميدان عادي به علم والطرق من الحجارة ( بالقرب من السوق الصيني )‏

المتحف الإسلامي Islamic ART ‎Museum

مانيس وندر لاند‏ Mines Wonderland ملاهي و ألعاب

الحي الصيني China Town سوق مكون من بسطات يفتح بعد العصر جميع الماركات مقلدة وبأسعار مغرية (انتبة من السرقة )‏

مركز ميجا مول Mega mall اكبر مجمع تجاري جميل جدا ‏

سونجاي واي بلازا Swgi Wamg Plaza مجمع تجاري

بوكيت بنتاغ بلازا‏ Bukit Biwting Plaza مجمع تجاري ضخم وجميل وسط المدينة


رويال سلانجور Royal Selangor مجمع تجاري – مصنع تحف‏

لوت تين بلازا Lot – ‎‏10‏‎ Plaza‎ مجمع تجاري قرب فندق الريجنت

ذا مال يوهن The Mall yoohan مجمع تجاري

السوق الهندي M AIDEN عند المسجد الهندي اقمشه هندية حقائب عطورات ( بخور السوق غير مرتب )

 

[^kloOot^]

ماااااااااااااااااااااقصرتوا بنات

بس شنو احسن سفريات

وتقريبا 10 ايام نفرين وطفل جم تكلف من غير التذاكر والفنادق يعنى بس مصرف

 

[fay fay]

راجعه لك برد يبرد قلبك

ياحبي لماليزيا

ابي اروووووووووووووووووووووووووح وشكلي بأّن واحد احد اني بكون معاك بنفس التوقيت
بشهر اربعه ^_^

 

[كنترول]

سفريات المستقبل
3 تذاكر بحدود 600-660
فنادق لمدة 10 ايام حدود 400
طيران داخلى حدود 80 ل 3 اشخاص

 

[!طواري!]

حراااااااام التذاكر غاليه ليش بس تروحون 10 ايام

والله ماتسوى التعب يوم روحه ويوم رجعه باقي لك 8 ايام
انا اشوف ماليزيا اقل شئ 15 يوم

من خلال زيارتي 4 مرات ل ماليزيا
حبيت افيدك

اول ما توصلون روحي لفندق الصنواي لجون فندق فخم
وملاصق للمدينة العاب اسمها على اسم الفندق
تفتح الساعه 10
واجلسو فيه يومين
وبعدها اطلعو لم لنكاوي
واجلسي فيها 3 ليالي مع ان لنكاوي تستاهل اسبوع بس علشان مدرة اقامتكم ب ماليزيا قصيره
ف خليناها 3 ليالي
وانصحك بفندق بلانج بيتش روووووووووعه وهو على شكل اكواخ
ورومنسي مررررررره والجزيزه كلها روعه
او فندق وستن لنكاوي بعد روعه

وهناك بتلقين عدة رحلات نقي منها الي تبين


لما ترجعون لكوالا على طول خوو تكسي وروحو
جنتنق ليلتين بفندق فرست وولد



وبعدها ترجعون ل كوالا لمبور وتجلسون ليلتين ب فندق دردرز او نيكو روعه ها الفنادق

يبعدون 5 دقايق مشي عن البرجين

ولو تبين فندق ملاصق للبرجين انصحك بفندق المندرين



واي سؤال انا بالخدمه​

 

[haneen]

:


الصرااااحة اخترتي احلىىى وقت للسفر هنـــاك ,,

لانه وقتها بيكون كل شي رخييييص ..

بس 10 ايااام ما تكفي تروحين مكان والله

المهم ,,

هذا موقع يفيدج ياقلبي من حيث الفنادق ..

http://www.daleel-malaysia.com



ومن حيث المصرف .. ترا كلش ما تكلف ,,


شوفي انا رحت مع ريلي السنة اللي طااافت شهر 4 قعدت فيها

15 يوم .. وماكفتني ,, بس من نااحية التكلفة ..

احنا دلعنا عمرنا عدل .. ومن فندق لي فندق وكلة خمس نجوم ..

ورحنا جزر و شرينا الأكوو والمااكوو .. رحنا بجنطتين ردينا بأربع وكرتووون كبير في اغراض ..

طبعا السفر كلها التذااكر مع السكن وسفرتنا وتشرينا والوزن اللي طلع علينا .. تقريبا بحدود 2000

يعني حدددددددده رخص .. لان وايد تدلعنا هنااااك .. وقعدنا بأماكن راقية ..

بس ما تكلف وايد .. صج عجيبة ..

عاد والله لو مو شهري الحين .. جان مايبيلها .. نروح ماليزيا شهر اربعه ..

بس هالمرة راح نطووول المدة لانها روووعه فيها اماكن وايد .. ما تخلص ..

حياااتي .. بسلامة ان شاء الله ..

ويارب تكون سفرة حلوة لكم ..

موفقة يارب

 

[kandora]

انا ابماليزيا والله وااااايدددد وناسه ... سكني بالماريوووت على طول جدامج مجمع اسمه بافلووون كله ماركات بس يبيلج الااف مألفه لوووووول عجييييييييييييب تخطرين له بشارع

 

[ريمان الامارات]

واااااااااايد حلوه ماليزيا ماادري ليش احبها وايد اول مره رحتها سكنت بجراند اللي غيروه الحين صار ميلينيوم رووعه وايد حلو ولانه بعد بشااارع العرب والمره 2 سكنت بويستن هم بشارع العرب اينن يمه الماريوت ... الحلو بشارع العرب ان كل شي يمج نصيحه لاتسكنين يم البرجين لان كل شي بعيد عنج اسكني بفندق ويكون بشااارع العرب عندج الماريوت /ويستن/ملينيوم/ تايم سكوير عباره عن مجمع فيه العاااب وااايد حلو اينن،،،، وشارع العرب كله مجمعات وايد حلو / وحرام تروحين ماليزيا وماتروحين جينتنغ روحيلها بالكثير 3ايااام لان ينمل منها بس حلووه 3 ايام بس وانا رحت لنكاااوي حلوه بعد وسكنت بفندق داتاي وااااااايد رهيب وهوفندق 6نجوووووووم وبينانغ هم رحتلها وااايد عجبتني احلى عن لنكاوي طبيعة ومودرن 2 في 1 وسكنت الهوليدي ان وخاصه بالليل تنزلين وتحتج السوق الليلي .......وبس انشاء الله استفدتي خيتوووو

 

[أم حسون]

انا رحت مع ريلي 10 ايام كلفتنا السفره التوتال كللله 1850 التذاكر وكل شي يخطر على بالج رحلات مطاعم سوايغ مشتروات حقنا تكاسي تذاكر داخليه مكالمات كل شي كل شي بينانج 3 ايام حلوه بينانج صنواي لاقون يومين وايد حلوه بعد كوالالمبور5 ايم ومن ال5 ايام رحنا جنتنج يوم واحد وردينا ووايد استانسنا