قرقيعان ‏وقرقيعان.. بيت قصير ورميضان..عادت عليكم صيام كل سنة وكل عام‏

[xxx]

القرقيعان

عاده كويتيه وخليجية قديمه تتمثل فى ان يقوم الاولاد والبنات
تحت 15 سنه بالطواف على المنازل القريبه
والجيران والاقرباء طلبا للقرقيان وهو عباره
عن خليط من المكسرات والحلوى
البنات لوحدهم والاولاد لوحدهم وكان الاختلاط
ممنوع منذ الصغر
وايام القرقيعان تقع فى منتصف شهر رمضان
المبارك وهى 3 ايام
وكانت تعبر عن قمة البساطه ومن غير اى تكلف
سواء فى ملابس
الاولاد او البنات او فى تشكيلة القرقيعان
كانت ايام جميله عندما تخيط لنا امى كيسا
لقرقيعان من بقايا الدشاديش
القديمة ونفتر فى الفرجان من بعد الفطور
نتغنى بالقرقيعان
ذكريات لاتنسى كنا نغنى للامهات اغنيات القرقيعان
سلم ولدهم يالله
خله لمه يالله وقرقيعان وقرقيعان بيت قصير
ورميضان عطونا الله يعطيكم
بيت مكه يوديكم
وكانت بعض المنازل لا يقدمون لنا
القرقيعان فنهجيهم بأغنيه القرقيعان
المشهوره والمعبره عن غضبنا
ويص ويص ابيتهم جعاميص
وكنا نركز على بعض المنازل التى كانت تخلط
مع القرقيعان نقود فنأتيهم باليوم
كذا مره حتى يكشفون امرنا.. وفى نهاية
الجوله يبدأ التحدى منو عنده اكثر
ومنو عنده نفس هالحلاوه ..فعلا ايام
جميله من الماضى


ولكن وقتنا الحاضر

اصبح للقرقيعان طقوس خاصه تنم عن
الفسقه والفسفسه والتبذير
فأصبحت الامهات الشابات يتنافسن فى موديلات
ملابس القرقيعان واصبح له لبس
خاص للامهات ولابنائهم وبناتهم
وتتنافس محلات الحلويات بأصناف القرقيعان
الفاخره..واصبح للقرقيعان حفلات تقام
فى البيوت ويدعون اليها المعازيم.. واصبح
للقرقيعان ميزانيه تكسر الظهر
بعد ان كان عاده جميله وبسيطه

فأصبحن يتنافسن قرقيعان ولدي احسن من قرقيعان ولدج
وحفلة قرقيعان بنتي مكلفه اكثر من حفلة قرقيعان بنتج
وبعد ما كنا نفتر بالفرجان ونغنى بنفسنا
ونتمتع بهذه العاده اصبح من
يحاول التمسك بها لاولاده ان تقوم الخادمه
بأخذ جوله لاولاد والبنات على بيوت
الفريج وهى تحمل الة تسجيل بها اغانى القرقيعان
بدل ان يتغنى بها الاطفال

ايام جميله مضت نشتاق لها وايامنا هذه تمضى
فمن يدرى ربما يأتى وقت نشتاق لها هى الاخرى :eh_s(3):


وكل عام وانتم بخير وعساكم تعودونه

وسلم ولدهم يا ألله.. خله لأمه يا ألله

قرقيعان و وقريعان **** بيت قصير ورمضيان
عادت عليكم صيام**** كل سنة وكل عام
سلم ولدهم يا الله **** خله لمه يالله
عسى البقعة ما تخمه**** ولا توازي على أمه
عطونا الله يعطيكم**** بيت مكة يوديكم
يا مكة يا معمورة**** يا ام السلاسل والذهب والنورة

 

[ii DareeN ii]

مشكوره بنوته شلون القرقيعان وياكم

 

[bnt_kwt]

اي والله بنووووووته ذكرتينا باللذي مضا يا حلو اول وايام اول
كل شي قبل كان احلى من الحين مليون مره

يا حلو قرقيعانا قبل يهبل مو الحين يتحدون بعض الحمدلله والشكر


يعطيج العافيه حبيبتي على هالذكريات اللي تعور القلب من حلاتها

 

[^^دموع الكويت^^]

يا حلات القرقيعان

مشكووووووووووورة يعطيج العافية


وهذي صور مني :eh_s(6):

:eh_s(8)::eh_s(8)::eh_s(8):

 

[^وجد قلبي^]

ويييص ويييص ابيتكم جعاميص .....

لوووول ماذكرتيها ههههه

على العموووم مشكوؤوؤوره على القرقيعااان

 

[*دبدوووبه*]

اي والله
قرقيعان ايام الله
كان له ميزته
وقيييمة صججججج

الحين العادات والتقاليد صارت متطوره

مشكوووووووووووره ياعمري على الموضوع

 

[s3ad]

يازين أيامنا قبل

ويا شين القرقيعان الحين
ما يصير الا بعزيمه في بعض البيوت الحمد الله والشكر
يسلموووو يالغلا على الذكريات الحلوة

 

[اعييز]

والله ايااااااااام
حسااااااااااااافة

والله الحين الخدم يقرقعون مكان اليهال !
لووول

قبل جم يوم قرقعوا اليهال والا هاللي مرتزه ويا الجيس يوم حست ان شكلها غلط تقول حق بيبي !؟ تقرقع مكانه

 

[لازوردي]

يعطيج العافيه حبيبتي ​

 

[سمو]

صج الحين الخدم مع اليهال يقرقعون ... بس هم والله وناسه لما تشوفون اليهال بملابسهم الحلوه ويفترون بالشوارع يقرقعون ...صراحه استانست لما شفتهم والله لا يقطع عنا هالعاده الحلوه





وعيدكم مبارك مقدما

 

[jolie_q8]

صحيح انها عادة جميله

بس حاشتها عدوى التطور .. فاصبحت عبء كبير على الاسرة

من تكلفتها العالية .. وصارت مظهر من مظاهر التباهي والكشخة !!

للأسف خروبوها الناس وفرحت القرقيعان صج مو مثل قبل

جيس قرقيعان واركض

عموما هذي ضريبة التطور

بس عندي تنويه

قرقيعان و وقريعان **** بيت قصير ورمضيان

هنا يقال .. بين قصير ورمضان (القصير: مقصود في شهر شعبان)

بس حبيت اوضح هالنقطه اللي اغلب الناس يتخربطون بالنطق

ومشكوره على الموضوع

 

[^وجد قلبي^]

أهاااااااا خوووووووش معلومه jolie_q8 :يعطيج العاافيه

 

[OmRashed]

مشكوره
وينعاد علينا ان شالله اجمعين