قروبات الوسيط (تم دمج المواضيع)

[أم@الحلوين]

شلون كملتوا الرحلات معاه ماخفتوا اللي جذي الواحد مايأمنله بشي!!!!!

 

[الناعسه@@@]

تصدقون ان هالقايد رايح رحله ثانيه بازل جنيف باريس تاريخ 15 ـ 7 بس يب ياخذ درس وماراح يكرر اللي سواه يكفي انه وداهم اماكن
حلوه

 

[أم@الحلوين]

هلا الناعسه حمدالله على السلامه انشالله استانستوا

انا معاج وداهم اماكن حلوه بس اللي سواه اكبر غلط انا ليلحين مو مستوعبه بصراحه!!!!!!

 

[أم عزيـز]

الله يسلمج ام عزيز

وهم انتي حبيبتي الحمدالله على السلامه
عادي ياقلبي حتى احنا مره من المرات وحده من العايلات
مابغو يروحون معانا والقايد قال اذا ما راحو راح تتكنسل الرحله
والقروب اعترض وقال لنا مالكم الا حل ان قيمه الباص راح
تترفع بحيث مبلغ العايله اللي ماراح تروح يتقاسم بينكم
يعني اذا باليوم ياخذ علينا 30 اذا هالعايله ماراحت ياخذ عن كل شخص
35 يقول انا متفق مع الباص على انكم عدد كامل والكمال لله
وصارت هالحركه معانا 3 مرات ومن منو من نفس العايله
ولا مره من المرات كنسلو لنا رحله بس احنا راضين
لانهم خوش ناس وقروبنا كان كلاهم قلوبهم على بعض
اي قايدنا فشلنا حتى موظفه الجوزات نقدت علينا تشوفنا
محتاسين ولما جابوه الشباب قالت لهم هذا قايدكم الله يعينكم
ومايمديكم وصلتو اكيد انتو خليجيين هني تفشلنا نقدت علينا
وشوفي عاد شكلنا بالمطار تايهين

انتوا جم كان عددكم ؟؟؟ !!!

احنا كان عددنا 23 نفر وياخذ منا 30 !!!

ام عزيز حبيبتي احنا مرينا على فندق في بازل اسمه سويس هوتيل همن موجود في بازل ومكتوب في العقد ودونا فندق يمكن نجمتين موشي بالمره
بس احنا من حسن الحظ زيورخ كانت باااااااااااااااارده والمطر استقبلنا من اول مانزلنا من المطار وفي زيورخ مطر في مطر زين اللي لحقنا على برادهم
امافي بازل درجة الحراره30
بس لو اشيل الايام اللس ضاعت علينا تصير السفره كلها 11 يوم
باريس بالعاده حاره هالمره مطر وبراد والجو روعه

الظاهر الفندق عنده كذا موقع والحمدالله انكم لحقتوا على البراد اللي ما شفناه الا اخر يوم في زيورخ لوووول

قلناله هالكلام وما عندنا مانع انه يوزعون الباجي علينا بس اهو يقول تطلع مثلا للشخص 80 بس الباص فبعض الناس مايقدرون يدفعون تطلع عليه بس الرحله بالباص بدون تذاكر ولا شي 500
ولا بعد مافيه مخطط يمشي عليه يقعد باللوبي شرايكم وشرايكم هذا يعارض وهذا يعارض فما نروح مكان

جم كان عدد الأشخاص اللي في رحلتكم ؟؟
لأن في قايد ذمتهم وسيعه الله يسامحهم يعني يكون عدد القروب 40 نفر وياخذ من النفر 30 !!!!
وفي ناس لا والله ما ياخذ شي مو حقه ولا يرضى يدفع الناس فلوس زياده علشان يدش بجيبه

 

[أم عزيـز]

انا صراحه مع ام الحلوين في كلامها

هذا القايد اللي لاكه صراحه لو شنو ماراح اطلع معاه رحله وراح يطيح من عيني لأنه مصخر نفسه وشمت الناس فيه
وغير جذي شوه سمعته وسمعت ديرته !!!

ولا كتاب التعهد راح يشفع له او يخلينا نخلي هالأشكال تصير قايد علينا
استغفر الله
الله يهديه بس

 

[أم@الحلوين]

اي والله شفتي أم عزوز ترا انا من امس وافكر بهالسالفه اشوه انه مايا معانا سبحان الله اهو من اول يوم سجلنا بالقروب على اساس اهو قايدنا بس حمدالله الله بعدنا عن هالاشكال وعوضنا بالقايد صالح المزين(بوأحمد)اللي بصراحه ماقصر معانا بولاشي كافي اخلاقه وطولة باله مع الصغير قبل لكبير خوش ريال وانا لو كنت برحلة الحب الأول جان والله عفست عليه السفره على الاقل خل يحترم القروب اللي تيههم وشوه سمعة لكويتيين الله يهديه ولا يبلينا بأ شكاله قولي أميييييييييييييييين

 

[أم عزيـز]

اي والله صاجه ام الحلوين

والله انا ما عرفه صراحه ولا اثبت اللي في الوسيط
بس تبين الصراحه هذي اول واخر مره اروح مع قروب
مع ان القروب مالنا كانوا وايد خلوقين ومحترمين ومالهم شغل بأحد وهادين
بس القروب التزام ومو الكل متعود يلتزم بالوقت وياخذون راحتهم مرات
يعني مثلا لما رحنا قاردا لاند صج ان الغلطه من القايد ودانا الظهر وكان زحمه وايد وما قدرنا نلعب
بس قالهم الساعه 3 نطلع ولأن قاردا بعيده ويبي يودي الشباب لعب سنسيروا بعد ما نخلص من قاردا

عاد احنا 3 بالضبط رجعنا لقينا عايلتين ما رجعوا وعطلونا ساعه الا ربع
لان قاردا كبيره وايد واهم مساكين ضيعوا لووول ولما رجعوا قالوا حق القايد قطنا السوق وود الشباب سنسيروا
وعلى ما رجعنا ووداهم السوق نزلهم وودانا ملعب سنسيروا الا الملعب سكر لأن وصلنا الساعه 6 والملعب يسكر 5 ونص !!!

وضاعت علينا الرحله اللي المفروض نكون رايحين مكانين بس رحنا مكان واحد

لكن بشكل عام كان قروبنا ما منه مشاكل ومحترمين البنات والشباب وهادين
ومو من النوع اللي يعارضون او يتشكون كانوا مطاوعين القايد بس لأن مثل ما قتلج القايد ما كان منظم وتوقيته مو مضبوط في بعض الأماكن احنا قمنا نطلع كذا رحله بروحنا

لكن كأخلاق واحترام وخدمه قايدنا ما قصر صراحه
كافي انه روحه حلوه وحبوب وغشمرجي
وأنا اقولج الغلط الأساسي من مكتب الوسيط انه طلّع القايد دول ماراحها من قبل وما عنده فكره عنها (ملانو /سويسرا)
يعني حطه بموقف ما ينحسد عليه والشطاره ان القايد من قبلها يكون حاط له جدول وعارف وين راح يودي القروب من الأساس عشان محد يعترض
لكن ما كان عنده جدول بالمره ولا خطه واضحه هذا اللي الكل كان متذمر عليه لكن هم ماكانوا يقولون ولا يبينون له انهم متضايقين من الرحله و الوقت اذا كان مو مضبوط

انا صراحه اكتشفت لما طلعت جم رحله انا وزوجي من غير لقروب ان قاعدين نوفر اكثر من لما نطلع مع قروب !!!
وهذا الشي اللي شجعني السنه اليايه اذا الله كتب ان شاء الله بروح النمسا وسويسرا (وايد حبيت سويسرا صراحه )
بروحنا من غير قروب بس مع عيالي طبعا لوووول ونحاول نأجر لنا شقه وسياره فيها فنيقيتر

 

[أم@الحلوين]

يالله اهيا تجربه وانشالله نكون تعلمنا منها

وانشالله الله يكتب لنا السنه اليايه انتي تروحين النمسا وسويسرا وانا اروح باريس وسويسرا بخاطري فيهم

 

[الناعسه@@@]

ام عزيز احنا قروبنا 35 شخص بس قايدنا الحمدلله اخلاقه عاليه لكن مو منظم بالمره يعني جدول رحلات مو مسوي واذا تكنسلت رحله مافيه بديل المفروض يكون في بديل للرحله اهو لا
واحيانا بيني وبينكم احس اني في مدرسه
واصعب شي لما نقعد ننطر القروب يكتمل اهنينه صراحه الواحد يحس بالملل خاصه انه مايكتمل الا بعد ساعه من تحديد الوقت
شنو ذنب اللي صايرلهم ساعه ينطرون؟ المفروض قانون 15 دقيقه نحرك

 

[الناعسه@@@]

يالله اهيا تجربه وانشالله نكون تعلمنا منها

وانشالله الله يكتب لنا السنه اليايه انتي تروحين النمسا وسويسرا وانا اروح باريس وسويسرا بخاطري فيهم

انشالله الله يكتب لج احس ان باريس حيه نقعد في الشانز لي الفجر سويسرا احسها ديره راقيه بس عيبهم يسكرون6 مثل باقي الدول الاوربيه اذا بتروحين روحي انترلاكن ـ منطقه فيها مهرجانات واماكن سياحيه كثيره وباااااارده اذا لقيتي عرض عليها روحي
انا انشالله اذا قدرت اروح انشالله رحتلها لو عشر ايام في نفس المكان
وفي منطقه يسمونها زيرمات سمعت عنها انها كلها ثلوج
الله يكتب لنا الخير انشالله

 

[الناعسه@@@]

واذا بروح مع الفضاء او الرايه صراحه احسن بفرق بس الفضاء عيبهم ان عروضهم ماتغير

 

[أم عزيـز]

يالله اهيا تجربه وانشالله نكون تعلمنا منها

وانشالله الله يكتب لنا السنه اليايه انتي تروحين النمسا وسويسرا وانا اروح باريس وسويسرا بخاطري فيهم

الله يسمع منج حبيبتي
انا باريس رايحتهلها من 5 سنين ما عجبتني وايد بس في ناس عندهم باريس قمه يعني الناس اذواق
واتمنى تعجبج وتستانسين فيها واذا بتروحين سويسرا بعدي عن جنيف جوها حار وكلها عرب وماراح تعجبج
زيورخ وايد روعه وعندج انترلاكن بعد حلوه ولوزيرن

ام عزيز احنا قروبنا 35 شخص بس قايدنا الحمدلله اخلاقه عاليه لكن مو منظم بالمره يعني جدول رحلات مو مسوي واذا تكنسلت رحله مافيه بديل المفروض يكون في بديل للرحله اهو لا
واحيانا بيني وبينكم احس اني في مدرسه
واصعب شي لما نقعد ننطر القروب يكتمل اهنينه صراحه الواحد يحس بالملل خاصه انه مايكتمل الا بعد ساعه من تحديد الوقت
شنو ذنب اللي صايرلهم ساعه ينطرون؟ المفروض قانون 15 دقيقه نحرك

عيل وايد قاعد ياخذ منكم !!! يعني احنا 23 نفر وياخذ منا 30
وانتوا 35 نفر وياخذ منكم 30 !!!

وسالفه نطره القروب فعلا توتر الأعصاب خاصه لما نكون محترمين الوقت وقاعدين مبجر عبالنا الكل مثلنا
وتلقين في ناس يعطلونج نص ساعه وزيادة هذا الشي ينرفز فعلا وكله من وقتنا ووقت الرحله
احنا قروبنا اول 3 ايام كان بعضهم يتأخر بس ما يزيد التأخير عن نص ساعه وبعدها ماشاء الله عليهم كلهم التزموا

انشالله الله يكتب لج احس ان باريس حيه نقعد في الشانز لي الفجر سويسرا احسها ديره راقيه بس عيبهم يسكرون6 مثل باقي الدول الاوربيه اذا بتروحين روحي انترلاكن ـ منطقه فيها مهرجانات واماكن سياحيه كثيره وباااااارده اذا لقيتي عرض عليها روحي
انا انشالله اذا قدرت اروح انشالله رحتلها لو عشر ايام في نفس المكان
وفي منطقه يسمونها زيرمات سمعت عنها انها كلها ثلوج
الله يكتب لنا الخير انشالله

بالعكس اختي انا كنت بسويسرا ما تسكر الساعه 6 !!
اغلب الأماكن تسكر الساعه 7 ونص

لا وفي اماكن سياحيه تسكر الساعه 9 بعد
لما خذينا جوله في بحيره زيورخ بالباخره ركبنا الباخذه الساعه 7 ونص ودارت فينا ساعه ونص تقريبا وبعدها رحنا قمه قبل بالتلفريك وكان اخر وقت بنزل منه التلفريك الساعه 9:50 يعني عشر الا عشر وكان فيه كافيه فوق ومطعم قعدنا هناك لي الساعه 9 ونص وبعدها رجعنا بآخر تلفريك

بس للأسف انترلاكن ما رحت لها لأنها بعيده عن زيورخ بس ناويه ان شاء الله اذا الله كتب لنا عمر اروح لها السنه اليايه

 

[الناعسه@@@]

انشالله الله يكتبلج تروحين لها ام عزير

 

[الناعسه@@@]

تصدقين ام عزيز احنا الرحلات اغلبها 40 و50 مو 30 نادرا ماتكون الرحله ب30 يمكن الشلالات بس 30
مع ان عددنا 35 شخص

 

[fatoq8]

سلام بنات بغيت رايكم في القايد حسين تقي اهو القايد مال سفرت اختي حق زيورخ بازل باريس وسألت عنه وايد يمدحونه بس ابي رايكم اذا احد يعرفه لاني اثق فيكم الصراحه ومشكورين حبايبي

 

[أم@الحلوين]

سلام بنات بغيت رايكم في القايد حسين تقي اهو القايد مال سفرت اختي حق زيورخ بازل باريس وسألت عنه وايد يمدحونه بس ابي رايكم اذا احد يعرفه لاني اثق فيكم الصراحه ومشكورين حبايبي

عليكم السلام

حسين تقي وايد زين وشقردي رفيجتي السنه اللي طافت كان اهو قايدهم وتقول والله ماقصر معاهم بكل شي واستانسوا وايد وخوش ريال وانشالله تروح اختج وتستانس بهالسفره
بس جنه اخر رحله حق زيورخ بازل باريس كانت بتاريخ 15/7 ماكو رحل اللحين؟؟؟؟

 

[fatoq8]

الحمد لله كل ما نسأل عنه يمدحونه ويقولون اخلاقه حلوه وشقردي مثل كلامج يالله انشاء الله يستانسون بالرحلة مالتهم انا قلت لها على كلامج استانست وعلى فكرة في رحلة حق زيورخ بازل باريس تاريخ 5-8 الظاهر رحلة يديده شكرا حبيبتي

 

[أم عزيـز]

تصدقين ام عزيز احنا الرحلات اغلبها 40 و50 مو 30 نادرا ماتكون الرحله ب30 يمكن الشلالات بس 30
مع ان عددنا 35 شخص

غريبه !!!

على فكره انا اخوي العام كان مع سفريات الدبوس يقول القايد مالهم ياخذ منهم 40 يورو وعددهم 40 شخص !!!
الظاهر كل واحد مسعر الباص على كيفه لوووول

ونفس الكلام سفريات الرابيه في قايد راحوا معاه اهلي وكان عددهم 42 ياخذ منهم 35 يورو !!!
المفروض كل ما زاد عدد القروب يقل السعر مو يزيد

بس احنا الحمدالله القايد مالنا ماكان ياخذ منا اكثر من 30 يورو ما قصر بالأسعار وعليّه
مع ان عددنا كان 23 من غير بنتي الصغيره عمرها سنه ونص ما حسبها
قال ماراح احسبها لأنها صغيره ومالها مقعد يعني الريال حقاني وعنده ذمه ونظيف

وعلى فكره المكتب رجع لنا سعر تذكرة بنتي (70) دينار لأن مثل ما قلت لكم انهم نسوا يحجزون لها تذكره بالطياره وتوهقنا بالمطار بس الحمدالله عدت على خير ولما رجعنا من السفر زوجي راجع المكتب وتأسفوا على الغلط اللي صار ورجعوا فلوسنا وسئلونا عن السفره اذا كانت حلوه واستانسنا فيها وطبعا احنا قلنا لهم ان كانت حلوه الحمدالله واستانسنا بس قلنا لهم جم ملاحظه وتقبلوا بصدر رحب وقالوا انهم ان شاء الله راح يتفادونها بالمستقبل

وعلى فكره بنات تره السفريات والقروبات كلها حظ
يعني مو شرط كلامي او كلام غيري ينطبق عليكم كل واحد وتجربته
وهم القايد نفسه تلقون في ناس تمدحه وفي ناس تقول يعني وفي ناس كلش مو عاجبهم بالمره


صراحه الله يعين القايد على الناس ورضاهم

 

[الناعسه@@@]

اي والله انتي صاجه ام عزيز
لكن الميزه الوحيده بالقروبات انها ارخص من لما تروحين بروحج وماتحسين بالغربه بسبب القروب اللي معاج والقروبات حظ
انشالله حظنا السنه اليايه يكون احسن

 

[أم عزيـز]

اي والله انتي صاجه ام عزيز
لكن الميزه الوحيده بالقروبات انها ارخص من لما تروحين بروحج وماتحسين بالغربه بسبب القروب اللي معاج والقروبات حظ
انشالله حظنا السنه اليايه يكون احسن

صاجه والله
ميزه القروب اليمعه وما تحسين بالغربه وخاصه اذا القروب صار على قلب مثل القروب اللي طاف صراحه كانوا وايد محترمين وعلى قلب ومامنهم مشاكل

بس تره الرخص مو شرط بالنت نقدر نحصل اسعار وايد ارخص وعلى الأقل نكون مختارين الفندق اللي احنا نبيه
مو نتفاجأ لما نوصل هناك انهم مغيرين الفندق !!!

وصراحه انا اهلي ما يستغنون عن القروب لأنهم يحبون اليمعه
بس انا بإذن الله من السنه اليايه راح اسافر بروحي مع عيالي ويمكن احد من أهلي يحب يسافر معانا وتصير يمعه
خاصه اذا كانوا عايله زوج وزوجته وعياليه نصير عايلتين ونوفر بالسكن وحتى التوصيل لأن تصير حطه