قروب العيد 2

[hotchocolatee]

مع السلامه ..ان شاء الله القاكم باجر

 

[المتالقه دائما]

مرحبا حبيباتي

حبيت اعزيكم بضحايا حريق الجهراء الله يرحمهم ويجعل مثوابهم الجنه امين

تحياتي لكم

 

[hotchocolatee]

الله يرحمهم ..بس انتي وينج مختفيه ..فقدناج

 

[hotchocolatee]

السلام عليكم

اليوم كان فطوري سلطة :طماط خيار خس جرجير (وقطعه جبن وشوي لبنه )مع كوب شاي اخضر

 

[hotchocolatee]

ما ادري شسوي غداي ..شرايكم ...؟
انتم شنو مخططين تاكلون اليوم ..وشنو كليتو ريوق ..يالله نبي يوميات

 

[شوارفسكيه حمره]

موفقين يااااارب

 

[المتالقه دائما]

هلا بالزين كله

انتي شخبارج مع الرجيم انا كنت مسافره علاج ورجعت

حبيبتي رجيمي حد الخواره من رجعت كله مكبوس وكبسه ومرق وعيش ومايدوره الرجيم

يعني تغيير شوي
بس ريوق مااتريق بس غدا واحيانا عشا خفيف

ومشيه الامور وبرجع مره ثانيه للتخفيف

تحياتي لكم

 

[hotchocolatee]

هلا باطش والرش والبيض المفقش ...
سلامات وما تشوفين شر يالغاليه ...وخلاص وقفي الخواره وابدي ريجيم من ه اللحظه نبي اجسام سمبتيك للعيد ..ولانسيتي

 

[hotchocolatee]

وين الباجين

 

[ارض الاجواد]

السلام عليكم شلونكم بنات صج من زمان من اشتركت ماحطيطت شنو اكلت
بس انشاء الله من باجر بقولكم شنو اكلت بالتفصيل

 

[hotchocolatee]

اهلين يا ارض الاجواد يا الله همتج باجر ان شاء الله رمضان يعني العد التنازلي للعيد بدا وللنيو لوك ان شاء الله

 

[hotchocolatee]

موفقين يااااارب

مشكوره..

 

[hotchocolatee]

مرحبا حبيباتي

حبيت اعزيكم بضحايا حريق الجهراء الله يرحمهم ويجعل مثوابهم الجنه امين

تحياتي لكم

عظم الله اجرنا واجرج ..وينج مختفيه

 

[المتالقه دائما]

حبيباتي بكتب لكم تقريري

اليوم تريقت كلوب ساندويش ديك رومي بدون مايونيز مع عصير برتقال والغداء سمك زبيدي مع سلطه وشوية عيش

وبعدين شربت قهوه تركيه وسط

وسلامتكم

 

[SG409]

مرحبا بنات رجعت من بعد طول غياب وساموحني عالتقصير واليوم ريوقي نسكافيه وبس...والغدا همبرجر بالخضار +خيار وطماط 2توست..وكنت اقسم التوسته قسمين علشان اكل 2ساندويش ب2توست.... العشا وهو المشكله عندي لاني اكون بجمعة الاهل وكل يوم عالحال العشا اي شي..

 

[حور العين 2008]

رجيم وووايد حلو 1200 سعر حرارية
الفطور :
- نصف كوب حليب خالى الدسم
- بيضه مسلوقه او (سلايس جبنه قليله الدسم - ملعقه لبنه قليله الدسم )
- شريحتين توست اسمر او (نصف خبز ايراني )
- ملعقة شاي متوسطة زيت او ( خمس حبات زيتون )
- سلطة (خيار خس فلفل اخضر بارد طماط )


وجبة خفيفه اولى
- تفاحه او برتقاله



الغداء :
- لحم او دجاج او سمك او ربيان ( المقدار بحجم قطعتي الهمبرجر ) مشوي او مسلوق
- ثلث كوب ارز مشخول او ( نص خبز اسمر ايراني )
- نصف كوب خضروات مطبوخه ( كوسا - فاصوليا- باميا )
- روب خالى الدسم او لبن صغير
- حبة كيوي او 3 شرايح اناناس ( ممكن عملها عصير كيوي او اناناس بخلط ماء عليه بالخلاط )
سلطة خضار



الوجبة الخفيفه الثانيه
- نصف كوب حليب خالي الدسم
- حبه فاكهه او خياره او جزره



العشاء:
اونصف شريحه جبن سلايس خالي الدسم او علبه صغيره سمك تونا بالماء
- نصف خبرة اسمر ايراني او حبه بطاط صغيره ( مشوي او مسلوق )
- نصف كوب خضروات مطبوخه
- سلطة
- ملعقه متوسطه زيت
- حبه فاكهه
-لبن صغير او روب خالي الدسم


الممنوعات :
الصلصات - الوجبات السريعه - المقليات - المعجنات - المكسرات


نصائح :
- مشى كل يوم ساعه
او رقص عشوائى لمده نصف ساعه

- شرب 8 اكواب ماء

عند الاحساس بالجوع :
خيار - خس- ملفوف- بقدونس - كرفس

 

[FuLL.MooN]

السلام عليكم صباح الخير شلونكم صبايا
انا هالأيام حدي انشغلت سامحونا على التقصير شخباركم

 

[hotchocolatee]

مرحبا بنات رجعت من بعد طول غياب وساموحني عالتقصير واليوم ريوقي نسكافيه وبس...والغدا همبرجر بالخضار +خيار وطماط 2توست..وكنت اقسم التوسته قسمين علشان اكل 2ساندويش ب2توست.... العشا وهو المشكله عندي لاني اكون بجمعة الاهل وكل يوم عالحال العشا اي شي..

عليج بالعافيه ..والحمدلله على السلامه

 

[hotchocolatee]

اليوم ماتريقت بس كليت صحن صغيرون كشري ..ماقدرت اقاوم لاني بصراحه احبه فعن خاطري صحن صغيرون وسلطه ...العشا سلطه عاديه بالجبن ..اهي سحوري

 

[FuLL.MooN]

بالعافية والله يقدرنا على الريجيم انشاء الله