((قروب برشاقتي انا وايد احلى)) ابتداءا من : 25 -10 للجادات بس (( تحت الـ100))

[marshmelo0o]

اليوم عشاي شوربة خضار والحين قاعده اشرب مراميه وزنجبيل وليمون ونعناع

 

[nwayeer]

صباااااااح الخييييييير

انا اليوم ريوقي كورن فلكس

وامس ما تعشيت على سلطتي بس لان كنت مغثووثه

بنات ساعدوني ابي اشياء اتضعف

 

[نور الفنر]

بنات اشلونكم .... كلكم ؟؟؟

انا يعني الاراده تضعف وتزيد ... يالله الله كريم ...

ترى اللي يضعف وااااااايد وعن تجربه : الماي بكثثثثرة يعني 10 الى 12 كوب باليوم + الفواكه خاصة العنب سواء الاخضر او الاحمر ...وحاولو تخلون عشاكم فاكهه ... ويكون امبجر ...

 

[oum^zozo]

قوه بنوتات
انا اليوم اكلت نص طاسه صغيره حميسة مشرووم فرش ويا بصل
و عصير تفاح و بيبسي دايت شربته بعدين
و بس هذا اكل حق طول اليوم

 

[oum^zozo]

ام زوزو ... كنت نفسج يائسه من نفسي ... بس الحمد لله قدرت انزل وزني... وترى شحم سنيييييين من يوم احنا صغار .. مايروح بيوم وليله ....

وشنه نظامج واااااايد قاسي ... اذا كنتي اتيوعين نفسج او تاكلين اكل مو متوازن ...مااااااراااااح تنزلين << عن تجربه ..

وبعد ببرنامج الرابح الاكبر قالو شذي ....شوفي .... اهم شي يكون نظامج صحي عشان ما يصير فيج فقر دم ولا سكر لاسمح الله ...

وكثثثثري سوائل وعصاير فرش .... وخلي لج 5 او 4 وجبات خفيفه .... وسكري حلجج الساعه 7 ...مع رياضه كل يوم منتظمه وبس

راح تشوفين الفرق باسبوع ...

ماشاء الله عقالبي انشاء الله انزل
انا ترى توني والده ووزني كله وزن حمااال وايد وايد زدت شكلي يخرع
فا حيل حيل متحبطه ماعني نفااس الحين امي طايحه فيني زف بس نفسيتي تعبانه مو قادره احط شي بحلجي بس امي قاعد تغصبني الكل يقوولي انتي نفااس مو زين بس شسوي مو بيدي حالتي حاله طول اليوم بجي

 

[oum^zozo]

نوور انا قبل لا اولد رحت طالب الشمري عطاني رجيم حق النفاس قالي هذا اكل متوازن مو رجيم رجيم
بحاول اغصب نفسي و اطبقه اليوم
عباره عن ريوووق تمر نفااس ويا حليب
الغدا نص صحن سلطه و النص الثاني مفتووح
و العشا سلطه او فواكه
و بين الوجبات شااي

 

[oum^zozo]

اب تاريخ جم راح يصيرلنا سبوع و انسجل وزن النزول؟

 

[Bs.ana]

:eh_s(2)::eh_s(2):

صباح الخير

وااااااااي انا الايام الي طافت حدث ولا حرج

بس اليوم التزام

راح يكون يومي طول اليوم بس تفاح وماي


:weight_lift:

 

[كراميلا مرة]

ان شاء الله تضعفون كلكم
والله ودي اسوي ريجيم معاكم بس حدي متاخرة ومن مدة ابقى اصير مع قروب عشان اتشجع والتزم
بالتوفيق

 

[marshmelo0o]

اليوم غداي شوربه وعصير تروبيكانا تفاح
والمغرب كليت العيش الي داخل الورق عنب بس حبتين

 

[ايطاليه]

صباااح الخير """"""" شلونكم ويا الرجيم؟؟
انارجيمي اكك مشويات ومقالي عادي بس بدون عيش ولا خبز ولا معكرونيه ولا بطاط

 

[سأكون يوما ما أريد]

صباح الورد بكل البنات
انا تريق ربع خبزه سمره+ملعقه لبنه+حبه طماط

السناك مردقوش وزنجبيل

 

[marshmelo0o]

اليوم تريقت درابيله وحده مع ميني لبنه
وقبل الغدا كليت روب مع شمر ونخاله
وتغديت شوربه سالري وعصير كيوي واناناس وشوي ليمون وكليت عن خاطري شويه ماك فلوري

 

[marshmelo0o]

انشالله باليل بروح امشي على البحر وماراح اتعشى

 

[oum^zozo]

ليش التجمع نايم
بنات وبينكم

 

[فيافي]

هلا بنات
شخباركم مع الرجيم

انا صارلي يومين نفس النظام
الريوق نسكافيه
الغدى 2 همبرغر وسلطة و3 توست اسمر
العشى سلطة مع عصيراناناس وكيوي

وان شاء الله اكون ضعفت شي يارب

بغيت اسال متى تحطون النتايج اي تاريخ خل تشد حيلنا اكثر
اي وصج سجلت بنادي صارلي من يوم الجمعه
وبعد شنو:gr4uu: بس اشوه ما نسيت شي
بس ان شاء الله يفتح المنتدى مايعلق

جااااااااااااااااااااااااااااااااااو

 

[فيافي]

2 توست اسمر مو 3

 

[نور الفنر]

بنات الموضوع غبر حسافه ... واعذروني انا غطيت من اسبوعين... من يوم المنتدى كان يعلق بشكل مستمر كل ما بدخل القاه معلق ...
وعقب صار لي ظرف قاهر ... ما كنت ادخل المنتدى ....وانا حسافه الهمه اضعفت مع الظروف القاهره ....وينكم ؟؟؟ محد نزل؟؟؟ انا نزلت كيلو واحد فقط في اول اسبوع ...