قروب دايت

[I don’t care]

بسم الله الرحمن الرحيم


السلام عليكم ورحمة الله وبركاته ..

دخلت ادور تجمع لقيت الكل بادي من زمان قلت يالله فرصه افتح تجمع جديد احمس نفسي والي حابه تنضم معي حياها الله

بنااااااااااااااااااات

من فينا جربت كل انواع الدايت من صغرها طبعا كل سنة دايت والى الان ايش استفادت
تتركه ترجع ازيد من قبل وتضل تدور في حلقه مفرغه

قررنا ما مضى فات , وما ذهب مات , فلا تفكر فيما مضى , فقد ذهب وانقضى ..


هاذي المره اما ننجح او ما نرجع للدايت ابدا قررنا ما نتعب نفسنا
ولا نحس ان حنا محرومين
بس انتبه وانا اختار اكلي واللتزم فيه يعني اسوي نظام صحي لايخلو من الرياضه



حبيت في هذه الصفحة أن نشجع بعضنا البعض ...........



و كل واحده منا تكتب يومياتها مع الرجيم ...........

يعني أولا نكتب البرنامج الغذائي اللي رح تطبقة ....

وكل يوم ندخل لهذه الصفحة ونكتب ... ماذا أكلنا ... وماذا عملنا ... سوينا رياضة أو مشي

ما هي نفسيتك وأنت مع الريجيم ... كل شيء حابة تقولينه عن يومك مع الريجيم ...لكي نشجع

بعضنا البعض ... كم كيلو نزلتي ... كم كيلو باقي لك

نريد تفاعل مع البعض ....... لنكون رشيقات طول العمر بعون الله:eh_s(6):

ا لمطلوب عند الاشتراك فى المسابقة

1- الصبر ثم التوكل على الله ثم الارادة ثم العزيمة ثم تحديد هدف ثم الالتزام التام

2- الميزان لازم يبقى صديقك خلال المشوار والوزن يكون مرة واحدة فقط اسبوعيا فى نفس اليوم
على نفس الميزان فى نفس الساعة كمان يفضل بعد الاستيقاض من النوم ودخول الحمام وبدون ملابس


3- الأكل الصحى المتوزان ماراح نلزمكم برجيم معين كل وحده والنظام الي ترتاح عليه

إحنا تجمع ما نمشي على رجيم معين كل بنت تختار الرجيم اللي يعجبها وإحنا مهمتنا نتابعها ونشجعها ,,


4- كثرة الحركة والرياضة والمشى

5- وضع الشريط الخاص بالوزن بالتوقيع

تحذيييييييييييير

ممنوع منعا باتا كتابة اي عباره سلبيه او مشاركه غير هادفه تدعوا لتهبيط الهمم.
انا خبصت اليوم انا تعبت من الرجيم انا ضعفت قدام الاكل .....الخ
كل سبت توضع صورة الوزن ( شرط اساسي)

ارجوكم بنات اللي تبي تلتزم معنا حياها الله

بس إنها يومين وباقي الشهر ما ندري عنها أقولها من الحين بصيفه شديده اللهجه لا تشتركين لأن هالشي يحبطنا كثير ..



اللي تشوف نفسها قوية إرادة وقدها تنضم معانا..


والي تشوف نفسها ضعيفه نفس مانبي نشوفهاا..
تروح تاكل

واذا صحى ضميرهاا وانتبهت لنفسها نطت تطلع على الميزان المسيكين

:eh_s(14)::eh_s(14)::eh_s(14):



أهم شي صحتكم و شعركم و بشرتكم ووخروا عن الحبوب السامة الوهمية والرجيمات الي مالها سنع...

و تذكروا... قليل دائم خير من كثير منقطع...مو مهم متى اوصل للوزن الي ابيه اهم شئ اوصل له واحقق هدفي واحافظ عليه

ربي يوفقنا جميعا وان شاء الله يد بيد نحط للسمنه حد

ولا تنسوا ان الجائزة الحقيقة هى الصحة والمظهر الحسن

 

[I don’t care]

وزني 78
طولي 161
وابي اوصل لـ57

 

[I don’t care]

اب اب
ماحد بيسجل معي؟

 

[miss_lymoona]

انا اسجل معاج لووووووول اشوراي

اشرايج نبلش برجيم السوائل

يصير تاكلين معاه سلطات

انا خربطت صارلي يومين وبحاول التزم
اليوم صايمه

 

[றёறё..}]

ماشاء الله بصراحه حمستيني اشترك وياكي تشجعين الواحد وعجبني اسلوبك مره


بس مشتركه لي اسبوع بقروب


بالتوفيق يارب

وان شاء الله نوصل كلنا للوزن المطلوب

 

[I don’t care]

حياك ليمونه يلا يلا تشجعي وياي
ميمي عادي زياده الخير خيرين انا بعد اطل بكذا قروب

انا اليوم صايمه افطرت كاس مويه تمرتين مع كم ملعقه زبادي قليل الدسم وفنجالين قهوه
وبعد شوي ياخذ لي شوربه مع سلطه

 

[Fo$hY Mo$hY]

ممكن ادخل معاكم ولا مافي مكاان ;Pp~!

 

[الحلا^^مبتليني]

هلااا والله حمستوووني ودي اكتب كلام كثيييير بس بنتي مأذيتني
الطول 158
الوزن قبل الريجيم 72
الوزن حاليا يعني اثناااء الريجيم 70 باركولي هههههه
الهدف الاول 65
الهدف الثاني 60
الهدف الاخييييييييييييييييييييييير 55
يالله بناااااات هبوووو الى الرشااااااقه

 

[I don’t care]

Fo$hY Mo$hY
حيااااج الله نحطك بعيونا

الحلا^^مبتليني هههههههههههههه الله يحفظها يارب ويخليها لك
منووووووره كتبي الي في خاطرك
يلا بنات خلو قروبنا اقوى قروب ودايمن بالعلاالي

وااااااااااي بنات استانست قبل مافطر قست وزني طلع 77.2
:nbvppw::eh_s(9)::nbvppw::eh_s(9):

 

[Fo$hY Mo$hY]

مشكووووره حبيبتي


متى نبدي؟؟؟

 

[I don’t care]

من الحين
قلبي يلا قولي لنا بياناتك طولك وزنك كم حابه توصلين له

 

[الحلا^^مبتليني]

بنات عندي لكماقترااااااااااااااااح
شرايكم كل مانوصل هدف نخليلنا يوووم مفتوووح يعني مثلا وجبه من ماكدونالدز ولا اي مطعم تحبووووونه ومن ثاني يوم انبلش ريجيم عشان نوصل للهدف الثاني
شراااااااااااااااااااااااااااااااايكم؟؟؟

 

[I don’t care]

اكيد الحلا لازم وحبه اوف عشان جسمك مايتعود على نظام اكلك ويوقف ماينزل عرفتي شلون

بنات متى تحبون وقت الميزان؟ اي يوم ينفع لكم انا عادي

 

[كيكه توفي]

وياكم وياكم انا

وزني 79
طولي 159
الهدف الاول 69
الهدف الثاني 59

اليوم صايمه تفطرت 3 تمرات + لبن

وتالي شابوره + نسكافيه وبس

والحين بروح امشي

 

[I don’t care]

حياك كيكه منووووره
وانا بعد رايحه امشي

 

[um3awash]

يلا انا وياكم وزني 145
الهدف 40
الوزن الحالي 80

 

[كماشه]

بنات تكفون انا بعد ابي اسوي رجيم ابي اضعف_03BA:
مليت من المتن نفسي اشوف جسمي رشيق خفيف والله اني استحي من زوجي بسبت المتن :krkrkr:
يالله بنات ببدي معاكم بكرة واذا شفتوني خربطت زفوني
الوزن الحالي94
الطول156
الهدف الاول89
الهدف الثاني84
الهدف الثالث79
الهدف الرابع74
الهدف الخامس69
الهدف السادس64
الهدف السابع56
ياكثر اهدافي وان شاءالله ماتكثر

 

[I don’t care]

مشيت نص ساعه وتعبت وبكمل بالليل

حياج ام عواشه

هلا هلا كماشه افا عليج ماطلبتي شي نزفج ونكفخ راسج بعد ليش من بكرى من اليوم

يلا بنات شدو حيلكم نبي همه وبكرى بالعيد مانبي خربطه ديرو بالكم

 

[كماشه]

مشيت نص ساعه وتعبت وبكمل بالليل

حياج ام عواشه

هلا هلا كماشه افا عليج ماطلبتي شي نزفج ونكفخ راسج بعد ليش من بكرى من اليوم

يلا بنات شدو حيلكم نبي همه وبكرى بالعيد مانبي خربطه ديرو بالكم

تسلمين ياقلبي يالله انا بروح اشرب شاي اعشاب وبمشي نص ساعه:ada:

 

[ام مهرة 2009]

مشكورة دونت كير وان شالله تصيرين كلج كير على وزنج وصحتج
انا وياكم اتصدقين عاد قاعدة ادور قروب يزاج الله خير على هذا
طولي بسم الله علي 160
ووزن غزال البراري 113 ربنا يهدهم بعافية يارب واصير بالستينات
هدفي الاول انزل للمية وتالي الله يسهل
تتوقعون انزلها بشهرين ؟؟؟؟؟؟؟؟
رجيمي 1200 سعر
ومشي 45 دقيقة:ada:
اشرب شاي اخضر وزنجبيل واحيانا دارسين مدحوه لي
ويارب توفقنا كلنا وترزقنا الذرية الصالحة
وبنات خلونا نشجع بعض ونحط تجارب ناحجة
ان شالله ناوية احط تجربتي السابقة نزلت اكثر من 30 كيلو اذا فضيت عقب العيد
حتى بعض الاكل الي ينحف والمعلومات الصحية وخط احمر تحت صحية
ما اشجع خلطات العطارين
بس تعالو بنات تراني يديدة على هسوالف اشلون احط توقيع نزول الوزن
وصور الميزان علمني واحطها -------اوكي ادري افشل ومن العصر الحجري هههههههههههههه
موفقين