قروب لشد الزنود

[دمعةة ملل]

سلاآآآم عليكم
من البدااايه
انا من النوع الكسوووول كل مره اقول بسوي بسوي
والحين خلاص قررت اتحدى نفسي واودع الكسل
لان حسيت اني سمنانه من فوق :eh_s(16):
وببدا بالتمارين ونبي كلنا نسوي ويا بعض
ويصير تفاعل كل وحده تقول شنو سوت وشنو ماسوت
عشان مانحس بملل ونكتب تجاربنا وكم فتره سوينا

انا لي تقريبا ثلاث اسابيع على رياضه التصفيق على ورا واحسها هه شي بسيط شدت
ولي على الاوبر تراك شهر وزياده بس احسه نحف فخوذي حيل امسحت اهي والمؤخره وكمان ظهري بس الا هالزنود تقهر وربي ودي امسها واقطعها بسكينه وافتك منها
جسمي مضبوط بس احسها مسويه تشويه يقهر

ياالا نبدا من اليوووم
صفقت على ورا 100 مره ورا بعض
مشيت على الاوبر تراك نص ساعه
والحين ببدا برياضه الاثقال ارفع وانزل يديني
نبدا بسم الله
أدعو لي تكفوون عسى كل من دعا لي تنشد زنوده​

 

[Om-azooz]

وانا معاااج ،سويت رجيم وضعفت ووظلت هالزنود وودي اضعفها لاني وايد نزلت من وزني ١٨كليوو وبضعف بعد ان شالله
بغيت اسألج اشلوون تمرين التصفيق من ورا يعني اصفق عااادي بس من ورا ولا شنو بالظبط
ووانا صار لي ٣ اسابيع اسوي تمرين للزنود ليقيته بالقسم ووحده من الخوات حاطته بصراحه حلوه التمارين بس تعبت ايديني مووو قادره احركهم
والحين بنبتدي عشان يضعفوون على قوولتج يبيلهم قص بالسكين خخخخ
الله يوفقنا وونوصل للي نبييه

 

[دمعةة ملل]

هلا قلبي
طريقتي بالتصفيق ارجع يديني على ورا تحت وأصفق ميه مره والشي الثاني تقدرين ترجعين يدينك على ورا وتخلينها ورا راسك وتصفقين تراها حلوه بس تتعب
ياحياتي والله الله يعينك ويشد لنا زنودنا صراحه عذاب
بس اختي امس لمىوريتها جسمي انصدمت حيييل تقول نحفت من الاكتاف والدين وطالع لي خصر منحوت صراحه انا عن نفسي ماشفت
وهاذا بفضل الله ثم بفضل جهاز الاوبر تراك يجنن انصحكم تستخدمونه صح انه يمحي الافخاااذ محيي بس زيييين ينسق الجسم تنسيق رائع عن تجربه شخصيه
وأدعو لي تكفووووننن ماراح ابخل عليكم باي شي بس ابي منكم الدعاء الله يسعدكم

 

[خطاي اغليك]

العافي اختي شنوو سويتي علشان ضعفتي علي الجهاز فقط افيديني افادج الله

 

[دمعةة ملل]

اهلين
شوفي انا امشي على الجهاز على ورا ومخليته وسط موب ثقيل ولا خفيف
لان اللي على ورا ينحفك صح ويشد جسمك بس يخلي المؤخره بارزه وينسق جسمك اكثر
وامشي عليه يوميا على حسب مزاجي بعض الاحيان امشي نص ساعه بعض الاحيان 25 دقيقه واحيان تخمني ام العبيد وامشي 10 دقايق واوقف
واحب افيدكم بعد للي يعانون من البطن انا استخدم كمون على فكه الريق الصباح ثلاث كاسات او كاسين او كاس> خخخ
جد والله المهم انها خلت بطني لازق بظهري مره حلو وربي انصحكم فيه وبقوه
ادعو لي عسى الله يحقق اللي في بالي الله يجزاكم خير ..