قسم بالله قلبي يعورني من القهررر

[ورود متناثره]

بنات انا تعبت من زوجي بشكل

زوجي حبوي وطيب ومايرد لي طلب بس في شغله اقسم بالله مو فادره اتحملها ً




تخيلو احنا امس استمنا الراتبً وقبل الراتب بعشرين يوم واحنا ما معانا ولا فلس واحد

بس نتسلف من امه وامي كل شهر علئ هذا الحال ننبسط عشر ايام وبعدين فقرررررررررر ليش طيب زوجي امس استلم الراتب واليوم نصه طارر يعني احسبو يومين ثانيه وبنفلس يوا عشاء كبيرررر عند اهله وعزم الكل وبعدين سلف اخوه500 وكملها توه اخذ عيال اخوه الجمعيه واشترو لين ماخلو شي. طيب واحنا بعد اسبوعين بنساااافر ل ماليزيا وفلوس السفر كلها علي بسبب بعت ذهبي طيب قلت له لاتصرف شي من الراتب عشان التذاكر عليك واليوم نص الراتب طار مثل كل شهررر يومين وبنجلس نتسلف تعبت منه



زياده عن اللزوم. وانا وبنتي نامل. وبنتي نامل تبن ليششش التاس مبسوطه بالراتب اكثر مني



سويت له سالفه انقهرت وقالي صكي فمك انقهرررررررررت و

 

[ورود متناثره]

اسفه ع الاغلاط من الجوال ومن الحرررره

 

[ظبية بوظبي]

اوووف صكي فمك خلتني ارد عن الاقتراح الي ابقترحه عليش

اعرف متزوجات هم الي ماسكات رواتب ازواجهم ويدبرون مصاريف حياتهم ومسويات جدول
حتى ازواجهم هم الي يحدودون لهم مبلغ شهريمعين من راتبهم
وبعدها عرفوا يعشيون صح

 

[حظ من عنده انا]

اخذي منه مبلغ شهري يكفيج وزياده لج انتي وبنتج

اصرفي شوي منه والباقي خليه بالبنك

واذا انتي موظفه اكييد بحركاته هذذي يبيج انتي الي تصرفين ومعتمد عليج

 

[Aloe Vera]

الله يعينج و يهدي ريلج مادري شقولج ان شاء الله تلقون حل بسرعة

 

[تولة مسك030]

لا لا مايصير جذي
لازم تخططون لازم واحد منكم يفكرررر
قوليله خل يوفرر بيزاته مب شرط حق سفر او شي
حق الضروره في المستقبل
او ممكن تسوين جمعيه


الله يعييينكم الصراحه

 

[ملح الكون]

بياعه ذهبج عشان سفره !!! الله يهديج الذهب ينباع بالشي الجايد مو حق سفره ..


والبلا منج مو منه .. هو الرجال مسؤول عن البيت ومتطلبات شكو يعتمد عليج بالسفره!!
وخلي رجلج يتصدق بمبلغ كل بدايه شهر عشان الله يطرح فيه البركه ويكفيكم لي نهاية الشهر ..

والله يسخره لج ..

 

[مآيكبرني نك]

صدق مصدؤمه منج !!

تبيعين ذهبج عشان كماليآت

انتو مصرؤفكم الشهري يالله يمشيكم اقبضو ايدكم انتي وياه

مب حاله هاي تتسلفين من امج وآمه

وتصدقؤا عشان الله يبارك لكم ف آلبيزآت

 

[البابانه توته]

انتي وزوجج ماااااعندكم اداره للفلوس

تراا فيه نااس راتبهم حييل قليل ويكفيهم ويزيد لانه عندكم اداره

لازم تقعدين مع زوجج وتقولين له لازم تخطط شلون ندير حياتناا علي قد راتبك

 

[زوجة حياتي]

انا اقولج شنو تسوين
الله يسلمج قبل ماينزل المعاش بيوم قعدي مع ريلج اخدي ورقة وقلم اتفقو على خطة لصرف الراتب اقولج شلون

اولا

حددو مبلغ كل شهر لصدق (الصدقة بركة )
ثانيا


مبلغ تحطونه بالبنك ممنوع تصرفون منه الا لضرورة القصوى يعني تنسونه بالكامل وممنوع السحب منه منعا كليا

و مبلغ حق ماجلة البيت

مبلغ حقج انتي وبس تصرفينه تروحين فيه الصالون تسوين فيه الي تبين (وإذا خلص خلاص مافي بعد لين نزلت المعاش القادم )


مبلغ حق ريلج يصب فيه بنزين لسيارة لصالون يعني يشتري فيه الي يبيه ويسوي فيه الي يبيه ( وإذا خلص نفس الشي مافي بعد لين الشهر الياي )

ومبلغ حق العيال تشترون لهم هدوم ألعاب ....يعني. تصرفونه فقط على حاجيات العيال

جذي استفذتوووووو من الراتب وهم وفرتووو

هالطريقة مفيذة وفعالة جداً جداً بس يبيلها حزم وجدية وصبر وصدقيني جربيها وبترتاحين

راح تتعبين شوي مع ريلج لانه راح يصرف نصيبه من اول يوم لكن لا تستسلمي استمري لين ماي تعود على حسن التدبيد

 

[شمس وورده]

يا اختي ما يصير جذي لازم تدبرون نفسكم وتمسكون ايدكم كعدي معاه وتفاهمو وبهدوء مو بهواش وكلشي بالهدوء والتفاهم ينحل وحاولي تقسمين المعاش حسب حاجتكم اله والباقي خشي يمج او سوي جمعيه مثل ما كالت اختي الفوك وانتي حاولي معاه يمكن مايعرف شلون يتصرف فهمي والريال مايتقبل تحجين معاه بالهواش خليج هاديه

 

[كيوت للابد]

سوري بس يمكن اهوا يصرف معاشه عشان تعود عليج تستخدمين معاشج اسمحيلي راتبج حاولي بس يكون لج وعوديه يصرف عليج وباجي فلوسه دام ماقصر معاج مالج حق تحاسبينه شنو سوا فيهم خل اهوا يكيف امور البيت من معاشه اهوا الريال اهوا اللي بابطه زمام الامور انتي راتبج حقج وملزوم يصرف الماكل والملبس والمسكن هذا كلام الدين مو كلامي وانتوا كيفكم انا ايام الي كنت ما اشتغل مكيفه نفسي على 100 دينار وعندي مصرف بانزين سياره وفاتوره تلفوني اسمحيلي لازم يكون في حسن اداره وكنترول بتيكم ايام الناس الي بتسلفون منهم بيقول استوب برييييك ماعندنا شبتسووون انتي خشي حق نفسي الدنيا يبيلها فلوس باجر مارح تقدرون تدبرون نفسكم تبون حق طلعاتكم حق سيارتكم حق تلفونكم حق اكلكم الحين دخلة الجمعيه ابروحها يبيلها اقل شي 20 دينار

 

[هيبة ملك]

لازم. تمسكون ايدينكم. شوي

 

[سحرالعيوون]

انا مؤمنه ان زوجها عنيد ومو فاهم الحياة صح اكيد حاولت وياه بس اهو يبي على كيفه
وما بخليها تنظم معاه من جدي تبيع ذهبها علشان تستقر حالتها
لكن الله كريم
حاولي معاه مجددا وادعي الله ان يهديه

 

[-فلانة-]

والله من صجج بايعة ذهبج عشان سفرة وناسة؟؟ لا تزعلين مني حبيبتي بس ما أردى من زوجج إلا إنتي!
انتي بروحج كارثة اقتصادية متنقلة، الله يهديج الفلس ماله قيمة عندج، يوم بعتي الذهب عشان سفرة ما حطيتي في بالج ان ممكن أحد فيكم يستمرض لا سمح الله و يحتاج علاج سنع؟ بلاها المرض، ما فكرتي ان السيارة ممكن تندعم و الا تخترب و تحتاجون فلوس تصلحونها؟ وغيره و غيره مشاكل ثانية و تحتاجون فلوس عشان تحلونها!
انتي و زوجج لازم تقعدون و تحطون خطة مالية بحيث رواتبكم تتوزع بنظام من دون فسفسة مني و مناك ولازم يكون فيه حساب توفير مشترك بحيث تسوون استقطاع شهري من راتبج و راتب زوجج، والحساب ما توطوطين صوبه لا انتي ولا هو، و يا حبذا يكون باسم أمج أو أمه أو شخص تثقون فيه على اساس ما تقدرون تتصرفون فيه و التوفير يصير اجباري.
ما يصير اللي قاعدين تسوونه إنتوا، و اللي حوالينكم ممكن يساعدونكم بمبالغ بسيطة ولمدة معينة و بعدها راح يملون، لازم تنظمون مصاريفكم

 

[New_bride]

البنات كفوا ووفوا
انتي علمتيه عالرباده
المفروض من البدايه يحدد لج مصروف شهري + مبلغ للتحويش
وانتي بعد تحوشين دام موظفه وعندج راتب وماتعودينه ان انتي تصرفين
معليه شهر ضاقت عليكم وفلوسه خلصت عطيه لكن مب بشكل مستمر وعادي لو عطيتيه تقولين له الشهر اللي بعده ترد لي المبلغ عشان مايتعود ياخذ بدون مقابل

 

[keka89]

ماعندج سالفه والله

ليش السفر اجباري يعني

ثنينكم موظفين ويخلص المعاش ليش تاخذون معاش زبال 40 دينار؟

ناس فراغه قطيعه