fa6oma 7e9 be9
New member
- إنضم
- 3 يونيو 2009
- المشاركات
- 82
- مستوى التفاعل
- 0
- النقاط
- 0
سم الله الرحمن الرحيم مبارك عليكم الشهر و اذا قريتو متأخر مبارك عليكم ما بقى من الشهر و اذا قريتو بالعيد عيدكم مبارك و مهما كان الوقت الي تقرون الموضوع فيه عطو نفسكم التهنئة المناسبة المهم هالمرة البداية راح تكون شوية غير .... في البداية علشان ما انسى الي قالت لي اكتب الموضوع اهيا حبيبة قلبي و صديقتي المقربة و بنت خالتي who caresالمهم الموضوع راح يبدا بقصة مشوقة بس علشان نوصل لين الموضوع الاساسي لازم تكملون القصة لين الاخير .... نبدا مع القصة
الي يانا و ياكم خير لفانا و لفاكم و شر تعدانا و تعداكم زور من زرزور الي عمره ما حلف و لا جذب زور ذبح بقة و ترس سبعة جدور و خلى الشحوم و اللحوم عل الصواني تحوم كان يا مكان في قديم من الزمان كان في قطعة ارض هالارض كبييرة كبيييييييرة كبيرة و موقعها في نص الوطن العربي و منتصف العالم شسم هالارض هالارض اسمها نجد هااذي نجد منو كان ساكن فيها كانو ساكنين فيها العرب منو هالعرب منهم ال سعود و ال جلاهمة و ال الصباح بس لان نجد كانت صحرا و حر و فطيس و ماكو ماي يعني الحمد الله رب العالمين قحط ما بعده قحط يعني انا احس ان شعورهم في ذاك الوقت جنه لمن احد يقولكم روحو ممشى مشرف الساعة وحدة الظهر شهر 8 و امشوا ساعة كاملة ...المهم بسب الظروف انحدو و انجبرو انهم يطلعون من ذاك المكان ووين يروحون يروحون صوب البحر ناس راحت مكان تكون حضارة دلمن الي اهيا البحرين و ناس راحو صوب اليمن و ناس وين وصلو وصلو حق قطعة ارض سموها في البداية الكوت استقروا فيها بس مو كل الناس تعرف حق التغير يعني الي متعود عل البر صعب ان يروح حق البحر من يد ويديد فشالي صار الي صار ان في ناس استقرت صوب البحر و اطلقو عليهم اسم حضر و ناس راحت البر او ايتعدت عن البحر و سموهم البدو كل من كان يتميز بشغلة ان الحضر كانو ناس شقردية و تحب الشغل بينما البدو معروف عنهم بالشهامة و سعة البال ماااشي نرجع حق بداية القصة شنو تقول تقول ان كان في مجوعة ناس ويا بعض عقب تفرقوا عدل و كل واحد راح بطريجة و لمن وصلو لين الكوت الا اهما مارين في اكثر من ديرة و ديرة يعني ال الصباح يتهم فترة استقروا بالحسا (الاحساء )لكن نظرا لان الاحساء ديرة حلوة و تتميز بالخضرة كانت عرضة حق الاطماع فاضطرو بعض الحساوية انهم يروحون ويا أل الصباح مع العلم و التركيز عل سالفة انهم للحين ما استقروا بالكوت يوم انهم شوية استقروا بالكوت في ناس من ايران بدت تيي الكوت و استقرت فيها لان لقت لها ملجأ هناك و شغل و بدوا يسوون الخبز المعروف بالخبز الايراني في رحلات قامت تصير حق الدير المجاورة و الدير البعيدة منها دير الخليج و بدت ناس من الخليج ترافق اهل الكوت منهم اهل البحرين و من الدول البعيدة مثل الهند و في منهم رافقوا اهل الكوت عااد عقبها الناس الي موجودة بالكوت حست ان يلا عاد مصختها يعني لين متى احنا ما عندنا والي يعني الحين تكونت مجموعة حلوة و مناسبة علشان نكون دولة حالنا حال الاوادم و شنو الي صار اجتمعوا الناس في ذاك الوقت و عينوا صباح الاول يكون حاكم عليهم و اشتهر ان حكيم و عادل ويخاف الله علشان جذي انتخبوا الناس و من هني تكون كيان حق قطعة الارض هاذي و اطلقوا عليها اسم الكويت و كل الي فيها يعتبرون كويتين حلوووو و عقبها مرت السنين طلع النفط و صلنا لين 2009 طلع البلاك بيري صار الكون كله يملكه الشخص بواسطة جهاز كبر كف اليد انزين انتو الحين تقولون و بعدين هاتي من الاخر شتبين الي انا ابي اوصله يا جماعة هل من المعقول ان للحين و في هالزمن للحين نسال منو الاصيل و منو لا و للحين نتحلطم على سالفة عيمي و حساوي و للاسف الشديد اني في مرحلة معينة انا كنت اقول هالحجي يااا جماعة من القصة لاحظتوا ان الكويت كلها اصووول فشماله سالفة انت اصيل و لا مو اصيل انت مو كويتي انت عيمي انت مو كويتي انت حساوي بالنسبة للعيم او اسفة الكويتين من اصول عيمية حبايب قلبي و رفيجاتي منهم بس للصراحة انا كويتية من اصل حساوي فابي اتكلم من ناحيتنا احنا عل فكرة للي ماخذ عنا فكرة ان احنا بخلة <بخلاء> و ما نندي فلس ترا كله غلط بغلط بس من وين طلعت هالسالفة ان مثل ما قلت في البداية ان الاحساء منطقة حلوة فكانت عرضة حق الهجمات من بره فالي صار ان وايد منهم قامو يتنقلون من مكان لين مكان و لان الظروف ما سانعتهم و سالفة التنقل هاذي تكلف فعلشان جذي كانو ما يعطون شي اكثر من حاجتهم لانهم كانو محتاجين حق كل فلس و الناس عبالهم انهم بخلاء << ما اعبر عل الفصحة هاذي شغلة الشغلة الثانية للعلم ان في مرحلة مراحل ايام عز الاحساء و للي قرا من تاريخ دولة الكويت ما حبيت اذكر بالقصة علشان لا تطول ان ارض دولة الكويت كانت ترا عطية من دولة الاحساء لأل الصباح في مساعدتهم في معركة من المعارك للعلم بس و الي عنده كتاب يا عاشر يا تاسع يروح يتأكد بنفسه من هالمعلومة
المهم يا محفوظين السلامة الهدف من هذا كله شنو ان يا ناس بس خلاص ليه متى و احنا نتكلم بهالسالفة الكويت كلها اصول يعني بتفهموني انكم من بطون امكم انكتب لكم تكونون على قولتكم اصيلين يااا ناس خلاااااااااااااااااااااااااااااص بس كبرنا و العيال كبرت و احنا للحين نتكلم جذي اذا بنفصفص كل واحد شنو اصله عزة الله محد فينا كويتي لا ندمرها بنفسنا يا حلوين و خلونا على قلب واحد ايا كانت اصولنا ترا هذا رايي ايا كان رايكم ترا اتقبل و سامحوني اذا مسيت احد بشي و شكرا صديقتي على فتح المجال و ثقتج فيني علشان اكتب الموضوع
اختكم و رفيجتكم و زميلتكم و قراقتكم
فطومة حيص بيص
الي يانا و ياكم خير لفانا و لفاكم و شر تعدانا و تعداكم زور من زرزور الي عمره ما حلف و لا جذب زور ذبح بقة و ترس سبعة جدور و خلى الشحوم و اللحوم عل الصواني تحوم كان يا مكان في قديم من الزمان كان في قطعة ارض هالارض كبييرة كبيييييييرة كبيرة و موقعها في نص الوطن العربي و منتصف العالم شسم هالارض هالارض اسمها نجد هااذي نجد منو كان ساكن فيها كانو ساكنين فيها العرب منو هالعرب منهم ال سعود و ال جلاهمة و ال الصباح بس لان نجد كانت صحرا و حر و فطيس و ماكو ماي يعني الحمد الله رب العالمين قحط ما بعده قحط يعني انا احس ان شعورهم في ذاك الوقت جنه لمن احد يقولكم روحو ممشى مشرف الساعة وحدة الظهر شهر 8 و امشوا ساعة كاملة ...المهم بسب الظروف انحدو و انجبرو انهم يطلعون من ذاك المكان ووين يروحون يروحون صوب البحر ناس راحت مكان تكون حضارة دلمن الي اهيا البحرين و ناس راحو صوب اليمن و ناس وين وصلو وصلو حق قطعة ارض سموها في البداية الكوت استقروا فيها بس مو كل الناس تعرف حق التغير يعني الي متعود عل البر صعب ان يروح حق البحر من يد ويديد فشالي صار الي صار ان في ناس استقرت صوب البحر و اطلقو عليهم اسم حضر و ناس راحت البر او ايتعدت عن البحر و سموهم البدو كل من كان يتميز بشغلة ان الحضر كانو ناس شقردية و تحب الشغل بينما البدو معروف عنهم بالشهامة و سعة البال ماااشي نرجع حق بداية القصة شنو تقول تقول ان كان في مجوعة ناس ويا بعض عقب تفرقوا عدل و كل واحد راح بطريجة و لمن وصلو لين الكوت الا اهما مارين في اكثر من ديرة و ديرة يعني ال الصباح يتهم فترة استقروا بالحسا (الاحساء )لكن نظرا لان الاحساء ديرة حلوة و تتميز بالخضرة كانت عرضة حق الاطماع فاضطرو بعض الحساوية انهم يروحون ويا أل الصباح مع العلم و التركيز عل سالفة انهم للحين ما استقروا بالكوت يوم انهم شوية استقروا بالكوت في ناس من ايران بدت تيي الكوت و استقرت فيها لان لقت لها ملجأ هناك و شغل و بدوا يسوون الخبز المعروف بالخبز الايراني في رحلات قامت تصير حق الدير المجاورة و الدير البعيدة منها دير الخليج و بدت ناس من الخليج ترافق اهل الكوت منهم اهل البحرين و من الدول البعيدة مثل الهند و في منهم رافقوا اهل الكوت عااد عقبها الناس الي موجودة بالكوت حست ان يلا عاد مصختها يعني لين متى احنا ما عندنا والي يعني الحين تكونت مجموعة حلوة و مناسبة علشان نكون دولة حالنا حال الاوادم و شنو الي صار اجتمعوا الناس في ذاك الوقت و عينوا صباح الاول يكون حاكم عليهم و اشتهر ان حكيم و عادل ويخاف الله علشان جذي انتخبوا الناس و من هني تكون كيان حق قطعة الارض هاذي و اطلقوا عليها اسم الكويت و كل الي فيها يعتبرون كويتين حلوووو و عقبها مرت السنين طلع النفط و صلنا لين 2009 طلع البلاك بيري صار الكون كله يملكه الشخص بواسطة جهاز كبر كف اليد انزين انتو الحين تقولون و بعدين هاتي من الاخر شتبين الي انا ابي اوصله يا جماعة هل من المعقول ان للحين و في هالزمن للحين نسال منو الاصيل و منو لا و للحين نتحلطم على سالفة عيمي و حساوي و للاسف الشديد اني في مرحلة معينة انا كنت اقول هالحجي يااا جماعة من القصة لاحظتوا ان الكويت كلها اصووول فشماله سالفة انت اصيل و لا مو اصيل انت مو كويتي انت عيمي انت مو كويتي انت حساوي بالنسبة للعيم او اسفة الكويتين من اصول عيمية حبايب قلبي و رفيجاتي منهم بس للصراحة انا كويتية من اصل حساوي فابي اتكلم من ناحيتنا احنا عل فكرة للي ماخذ عنا فكرة ان احنا بخلة <بخلاء> و ما نندي فلس ترا كله غلط بغلط بس من وين طلعت هالسالفة ان مثل ما قلت في البداية ان الاحساء منطقة حلوة فكانت عرضة حق الهجمات من بره فالي صار ان وايد منهم قامو يتنقلون من مكان لين مكان و لان الظروف ما سانعتهم و سالفة التنقل هاذي تكلف فعلشان جذي كانو ما يعطون شي اكثر من حاجتهم لانهم كانو محتاجين حق كل فلس و الناس عبالهم انهم بخلاء << ما اعبر عل الفصحة هاذي شغلة الشغلة الثانية للعلم ان في مرحلة مراحل ايام عز الاحساء و للي قرا من تاريخ دولة الكويت ما حبيت اذكر بالقصة علشان لا تطول ان ارض دولة الكويت كانت ترا عطية من دولة الاحساء لأل الصباح في مساعدتهم في معركة من المعارك للعلم بس و الي عنده كتاب يا عاشر يا تاسع يروح يتأكد بنفسه من هالمعلومة
المهم يا محفوظين السلامة الهدف من هذا كله شنو ان يا ناس بس خلاص ليه متى و احنا نتكلم بهالسالفة الكويت كلها اصول يعني بتفهموني انكم من بطون امكم انكتب لكم تكونون على قولتكم اصيلين يااا ناس خلاااااااااااااااااااااااااااااص بس كبرنا و العيال كبرت و احنا للحين نتكلم جذي اذا بنفصفص كل واحد شنو اصله عزة الله محد فينا كويتي لا ندمرها بنفسنا يا حلوين و خلونا على قلب واحد ايا كانت اصولنا ترا هذا رايي ايا كان رايكم ترا اتقبل و سامحوني اذا مسيت احد بشي و شكرا صديقتي على فتح المجال و ثقتج فيني علشان اكتب الموضوع
اختكم و رفيجتكم و زميلتكم و قراقتكم
فطومة حيص بيص
