- إنضم
- 30 يناير 2009
- المشاركات
- 32
- مستوى التفاعل
- 0
- النقاط
- 0
السلام عليكم ... شلونكم حبيباتي ... عيدكم مبارك وتقبل الله صيامكم وطاعتكم
تذكرون موضوعي الي عرضته قبل http://www.q8yat.net/showthread.php?t=664959
الحين انا تركت زوجي بعد معاناة دامت سنه كاملة والله كان فراقه حيييييييييييل صعب دخلت مرحلة اكتآب ما عاد اقابل احد
خلوني اقولكم قصة رحيلي من حياة من احب ... والله اكتبه لكم وانا بداخلي الم شديد لا يعلم فيه الا الله اللهم اجرني في مصيبتي واخلفني خيرا منها
في ذلك اليوم فكرت ان حياتي صارت صعبه مع زوجي خصوصا لما ساءت حالتنا اكثر ما عاد يطيق الشقة ولا يقعد معاي ولا يبي ياكل من ايدي اي شيء مع انه يمووووت بطبخي ، صار يشعر بضيقة شديدة عند دخوله الشقة وانا بعد من ادخل شقتي اكل حبوب بندول واربط راسي ومن يجي الساعة 9 بالليل اكل حبوب الحساسية علشان انام ولا اقعد افكر طول اليوم وهو ينتظر انام وبعدها يدخل الشقة وينام وعند الصبح اصحى للدوام ولما ارجع القاه صاحي قبل ما اجي وقاعد بالدوانية ولما انام الظهر يلبس ملابسه ويروح الدوام ولا يرد الشقة ابدا لين يجي الليل ويتاكد اني نايمة وعلى هذا الحال الا ان جاء يوم من الايام نسيت اكل حبوبي المنومه وقعدت افكر وادعو ربي بتفريج همي واستخيره بامري وحياتي الي بدات تنهار يوم بعد يوم والكل لاحظ اني اعاني من شيء ودائما اتعذر من دوامي انه متعب والحقيقة ان حياتي هي المتعبه ودوامي هو الوحيد الي استمتع فيه لاني انسى اجواء المنزل ظلينا على هذ الحياة الي ان جاء يوم واتصلت عليه وقلت له يجيني الحين ضروري طبعا بعد معاناة جاني سالته سبب صده طبعا ما عنده جواب لكن انا جاوبت بداله انه يقصد بذلك انه يتهرب مني لانه يعلم انه مقصر بحقوقه الزوجيه ، قلت له : طلقني ؟ هنا الصدمة تغيرت ملامح وجه ونظرته لي كان بتعجب . قلت له : اي انا راضيه وانا عداني العيب وانت بعد ياولد الناس ما قصرت بس الحين بنضغط على حبنا ومشاعرنا وخلاص بنبتعد ... اه اه اه والله قلبي الحين يعورني لما اتذكر هذيك اللحظة . المهم بعد ما قلت له هالكلام عيونه غورقت دموع ..قال صدقيني مو بيدي والله ما ادري شنو الي يبعدني منج والله ما ابي غيرج بحياتي تكفييييين تعطيني فرصة نحاول مره ثانية .بس قلت خلاص هذا حد نصيبنا والله يابنات من ثاني اسبوع وانا من مطوع الي مطوع وكلهم نفس الكلام رجلج مربوط والا انت فيج تابعة من زوجج طيب عرفنا الداء وداومنا على الدواء لكن مافيه تحسن رحنا للشيخ ابو حاتم وقال مس جزئي فيني من عاشق وتعالجت وراح ورحنا للحداد قال سحر ربط زوجج منج ورحنا الشيخ بالخفجي قال عين حاسد قوية صايبتكم وكلهم اخذنا علاجهم بس ما تغير شيء ومافي احد الي من حولي ما اخذت غسالهم ولا جاء بنتيجه
وطبعا راح زوجي لعيادة طبيه والله شفت فحوصاته سليم 100ميه وراح لعيادة نفسية وداوم على حبوب التوتر شهرين ولا فيه اي تقدم ورحت انا لمراءة في السعودية تعالج الحريم لانهم قالوا ان في تابعة تمنع المراءة من رجلها قالتلي انت فيج حسد بارحامج مثل العقدة بس مو تابعه يعني مثل العين
طيب انتوا قولولي وين اروح ... ادري مالي غير ربي هو العالم بحالي والله ما تخليت عن الدعاء ولا يوم ولا سورة البقرة ولا الاستغفار ولاالرقية بس هذا الامر ربي قاسمه لنا لان خلاص انا اعيش بهم ما يعلم فيه الا ربي وتجيني احلام غريبه من قطط سود وعجوز يعني اعاني من اضطرابات في نومي وصحتي تردت وشكلي تغير واطباعي تبدلت كل من همومي الي اعيشها .
المهم : قال انا ما اقدر اعلقج وامسكج قصب عنج الي انت تبينه بيصير بس تكفين استخيري يمكن تغيرين رايج بس كنت مصممه وقلبي من داخل يقول لا لا لا وضغطت عليه وقلت له الحين طلقني والله انا قلبي يتشفق على الجهال واتخيل نفسي ام دايما كانني ارضع ولدي كانني البسهم كانني اذاكر لهم وكاني احضنهم واهتم فيهم ....طبعا قلت له نبي يكون عذرنا بين الناس واحد يعني تقول لهم ما تفاهمنا وجاتنا ضيقة من بعض ما عاد نطيق بعض وبس لا تقول لاحد شيء ثاني , وانا طبعا وضعي غير عن وضعك اهلى ماراح يخلوني ال يعرفون السبب ومن حقهم بس غير امي وابوي ما راح اقول لاحد مع اني ادري ان الناس ماراح ترحمني بتحط فيني عيوب الدنيا وان انا العوبه وانا الغلطانه وانا العيب فيني وانا الي ما جبت عيال علشان كذا طللقني ، بس مايهمني الا ربي واهلي وادي ان صبري ماجورة عليه وان ربي راح يعوضني ويعوضه على مصيبتنا لاننا صبرنا وتحملنا .
المهم : بعدها نمت بحظنه لانها راح تكون اخر ليله مع بعض وقلت له ما تبي تحاول قبل ما يصير شيء قال ما اقدر ماعندي رغبه شلون ياربي ابدأ وانا ما فيه انتصاب المهم ما ضغطت عليه يااااااربي ما فيه اي شعور وانا بحظنه ياربي ساعدني بعدها ضميته حيييييل وقعدت ابكي بحرقة وبصوت عالي واقول ما ابي اخليك وماراح القى مثلك هنا اول مره اشوف دموعه قعد يمسح دموعي وهو دموعه تنزل يااااربي والله اكتب لكم وانا ابكي وحرقة بقلبي ، قعد يقرا على المعوذات ونمنا طبعا ما نمنا عيونا مفتوحه والرقية شغاله علينا وقعدت الصبح على المنبه قلت يله قوم تاخرت على المحكمة فتح عينه لهذه الدرجة انت مستعجله كسر خاطري بس حالنا هو الي يكسر الخاطر حسبي الله على الي كان السبب ، ورحنا المحكمة لان لازم حظوري وسوينا اجراءات الطلاق وانا دموعي غرقت النقاب قال مو هذا الي انت تبينه مو هذا الي استخرتي علشانه خلاص لاعاد تحرين نفسج صحتج عندي بالدنيا ، والله هو بعد وجهه اسود بس ما شفت عيونه لان النظارات كان لابسها ، المهم رجعت البيت وانهرت هناك على سجادتي وهو بعدها ما شفته كمل نومه بالدوانيه ، بعدها ناديت الخدامه وقلت حطي كل اغراضي بالجنط وكنت ما اخذه حسابي من جنط امي طلبتها بعذر اني بسوي جرد بالكبت طبعا استغربت الخدامه وقلت لها بنروح بيت جديد وقعدت تلمها وحطتها عند الباب ، واتصلت على ابوي وقلت ابيك ضروري ولما جاء استغرب من شقتي وجناطي قال عسى ماشر . طبعا اول مره اصير جريئة وصارحت ابوي بالموضوع وقلتله ان حياتي ما عاد تحتمل هل بتقبلني ضيفة عندك بالبيت والا تبيني اقعد عنده واعيش بين همومي واحزاني علشان الناس ما يقولون في بيتكم مطلقه ، هنا تفاجاة من ابوي توقعته اقوي من كل شيء قعد يبكي قال : ليش يا بنتي ما قلتي لنا من زمان ليش تحملتي كل هذا بروحج ما اتوقع بنتي الدلوعه الي تشتكي وتذمر من كل شيء القاها تعيش بين هذه الهموم والاحزان وانا ما ادري شلون امج ما تدري وخواتج الله يسامحج احنا اهلج ولازم يكون عندنا خبر طبعا حلفته بالمصحف انه ما يخبر احد غير امي ابي استر على زوجي وعلى حياتي علشان ربي يعوضني خير ، طبعا انا لما قلت لابوي كنت ابيه يكون بالصورة ولا يتفاجا من دخولي لمنزلي بعد ماراح قال لامي وانا كنت خايفه عليها لانها معاها مرض قلب ولا تحمل صدمات طبعا قعدت تتصل وانا جهازي صامت ما اقدر اكلمها بعد ما كذبت عليها وخبيت عليها خلال هالسنه وهي الي كانت تعطيني ادويه وتلاحظ على دورتي وتنطر حمالي بفارق الصبر ، المهم اتصلت على زوجي قصدي الي كان زوجي ولا يزال حبيبي وقلت له يجي لاخر مره اشوفه فيها ، لما دخل الشقة قعد يطالعني كانه اول مره يشوفني يقول تدرين ماعاد ابي حياتي بعدج وطلع تذاكرة سفر كويت جده يقول بروح لعمره بس ما حجزت الرجعه متى ما حسيت اني احسن برد ، هنا انقبض صدري وخرت دموعي حسيت بانكسار قعدت اصارخ وانا ابكي : ليه تسوي كذا حرام عليك لا تحسسني اني انا الي ظالمتك مع اني انا المظلومه تكفى خل فراقنا عادي كانني بشوفك بكره اه اه اه يارب هوني علي مصيبتي ، بعدها حظنته لاخر مره وانا لابسه عبايتي وطبع على راسي بوسه ما ودي امسحها وقال الله يسعدج دنيا واخره ويرزقج باللي احسن مني ويارب يحفظج من عيون كل حاسد وحاقد .........طبعا ما قدرت ارد عليه انحشر صوتي مع بكائي ...وطلع من الشقة وقال خلي الجنط بيوصلها السايق بكره ..طلعت وقفلت الشقة وانا امشي بالحوش نظرت نظره اخيرة لشقتي قلت : اللهم انك قد اقدرت بعض خلقك على السحر والشر ولكنك احتفظت باذن الضر فاعوذ بما احتفظت مما اقدرت عليه بحق قولك ( وما هم بضارين به من احد الا باذن الله ) واحنا بالطريق ولا كلمه خلص الكلام انتهى كل شيء وصلت عند اهلي قبل ما انزل مسكت ايدة وحطيت فيها مفتاح الشقة وقلت له هذا مفتاح الشقة وكل الي صار بيني وبينك محفوظ بالصون فاستر على اسراري واسرار اهلي مثل ما انا سترت على اسرارك واسرار اهلك ويارب يسعدك مع غيري تريحك في حياتك ويرزقك ربي منها الذرية الصالحة ويبعدك عن كل حاسد وساحر .....طبعا كان طلاقنا صدمه لاهلي واهله لان الكل متوقع اننا نعيش بسعادة والكل يسال ويبحث عن سبب طلاقنا وكان الكلام كله على باني انا الدلوعة وانا الي ما اعرف اتفاهم ولاعرف اكسب رضى زوجي وان انا الي ما اجيب عيال وانا الي جننته لين طلقني كل هذا وانا ساكته وامي حرتها فيها من الي تسمعه وانا مؤمنه بقضاء الله وقدرة وانا اعلم ان الي ربي كاتبه بيصير مهما فعلنا وتركنا ربي قاسم كل الخيرات على عبادة هو الي يعطي وهو الي ياخذ ، طبعا لو اقولكم شهر شوي اني ما شفت احد من الناس تلفوني مغلق واذا جانا احد اقفل الغرفة واطفي الليت واسوي نفسي نايمه والدوام اخذت اجازة وخصوصا ان دوامي جنب بيت زوجي يعني مستحيل اداوم ، وهو ما سمعت عنه اي خبر انقطعت اخبارة مع ان خواته يتصلون وامه بعد يبون يعرفون السبب لانه ما قال لهم اي شيء بس الي عرفته انه قعد بالعمرة اسبوع ورد ، والحين ترى منقطعه من صديقاتي واهلى ما ابي احد يشوفني مكسورة والا ضعيفه ولا ابي احد يسالني عن حياتي والحين انا اداوم على القراءة عند الحداد ونفسيتي شوي شوي تتحسن مع اني شاريه حبوب الاكتئاب واكلها واهلى ما يدرون ...بس الي اعاني منه نظرات الشفقة من ابوي وامي واخواني حتى تعاملهم تغير يخافون على من كل شيء الله يخليهم لي ولا يحرمني منهم .......والله ان اصعب شيء فراق من نحب والحين قلبي يتشفق على اني اعرف علومه هل هو طيب هل تعدى مرحلة الحزن والكآبه هل للحين يعاني اه اه اه الله يمسح على قلبي وقلبه بالصبر والايمان ، والحين نقلت دوامي عند اهلي وقعدت استرد حياتي السابقة شوي شوي مع توخي الحذر من الي حولي صرت اداوم وادي عملي من غير صداقات او علاقات او اي احاديث تخص حياتي السابقة او الحديثة ما اعطي احد مجال يناقش اي موضوع عن حياتي يعني صرت غامضة في معرفة شخصيتي ....
وهنا انتهت قصتي ومعاناتي التعيسه ادعو لي بالحياة السعيدة مع زوج اخر وحبيب اخر يعوضني عن كل حياتي المتعبه ويرزقني ربي بالذرية الصالحة ولا يحرمه هم بعد من العيال
تذكرون موضوعي الي عرضته قبل http://www.q8yat.net/showthread.php?t=664959
الحين انا تركت زوجي بعد معاناة دامت سنه كاملة والله كان فراقه حيييييييييييل صعب دخلت مرحلة اكتآب ما عاد اقابل احد
خلوني اقولكم قصة رحيلي من حياة من احب ... والله اكتبه لكم وانا بداخلي الم شديد لا يعلم فيه الا الله اللهم اجرني في مصيبتي واخلفني خيرا منها
في ذلك اليوم فكرت ان حياتي صارت صعبه مع زوجي خصوصا لما ساءت حالتنا اكثر ما عاد يطيق الشقة ولا يقعد معاي ولا يبي ياكل من ايدي اي شيء مع انه يمووووت بطبخي ، صار يشعر بضيقة شديدة عند دخوله الشقة وانا بعد من ادخل شقتي اكل حبوب بندول واربط راسي ومن يجي الساعة 9 بالليل اكل حبوب الحساسية علشان انام ولا اقعد افكر طول اليوم وهو ينتظر انام وبعدها يدخل الشقة وينام وعند الصبح اصحى للدوام ولما ارجع القاه صاحي قبل ما اجي وقاعد بالدوانية ولما انام الظهر يلبس ملابسه ويروح الدوام ولا يرد الشقة ابدا لين يجي الليل ويتاكد اني نايمة وعلى هذا الحال الا ان جاء يوم من الايام نسيت اكل حبوبي المنومه وقعدت افكر وادعو ربي بتفريج همي واستخيره بامري وحياتي الي بدات تنهار يوم بعد يوم والكل لاحظ اني اعاني من شيء ودائما اتعذر من دوامي انه متعب والحقيقة ان حياتي هي المتعبه ودوامي هو الوحيد الي استمتع فيه لاني انسى اجواء المنزل ظلينا على هذ الحياة الي ان جاء يوم واتصلت عليه وقلت له يجيني الحين ضروري طبعا بعد معاناة جاني سالته سبب صده طبعا ما عنده جواب لكن انا جاوبت بداله انه يقصد بذلك انه يتهرب مني لانه يعلم انه مقصر بحقوقه الزوجيه ، قلت له : طلقني ؟ هنا الصدمة تغيرت ملامح وجه ونظرته لي كان بتعجب . قلت له : اي انا راضيه وانا عداني العيب وانت بعد ياولد الناس ما قصرت بس الحين بنضغط على حبنا ومشاعرنا وخلاص بنبتعد ... اه اه اه والله قلبي الحين يعورني لما اتذكر هذيك اللحظة . المهم بعد ما قلت له هالكلام عيونه غورقت دموع ..قال صدقيني مو بيدي والله ما ادري شنو الي يبعدني منج والله ما ابي غيرج بحياتي تكفييييين تعطيني فرصة نحاول مره ثانية .بس قلت خلاص هذا حد نصيبنا والله يابنات من ثاني اسبوع وانا من مطوع الي مطوع وكلهم نفس الكلام رجلج مربوط والا انت فيج تابعة من زوجج طيب عرفنا الداء وداومنا على الدواء لكن مافيه تحسن رحنا للشيخ ابو حاتم وقال مس جزئي فيني من عاشق وتعالجت وراح ورحنا للحداد قال سحر ربط زوجج منج ورحنا الشيخ بالخفجي قال عين حاسد قوية صايبتكم وكلهم اخذنا علاجهم بس ما تغير شيء ومافي احد الي من حولي ما اخذت غسالهم ولا جاء بنتيجه
وطبعا راح زوجي لعيادة طبيه والله شفت فحوصاته سليم 100ميه وراح لعيادة نفسية وداوم على حبوب التوتر شهرين ولا فيه اي تقدم ورحت انا لمراءة في السعودية تعالج الحريم لانهم قالوا ان في تابعة تمنع المراءة من رجلها قالتلي انت فيج حسد بارحامج مثل العقدة بس مو تابعه يعني مثل العين
طيب انتوا قولولي وين اروح ... ادري مالي غير ربي هو العالم بحالي والله ما تخليت عن الدعاء ولا يوم ولا سورة البقرة ولا الاستغفار ولاالرقية بس هذا الامر ربي قاسمه لنا لان خلاص انا اعيش بهم ما يعلم فيه الا ربي وتجيني احلام غريبه من قطط سود وعجوز يعني اعاني من اضطرابات في نومي وصحتي تردت وشكلي تغير واطباعي تبدلت كل من همومي الي اعيشها .
المهم : قال انا ما اقدر اعلقج وامسكج قصب عنج الي انت تبينه بيصير بس تكفين استخيري يمكن تغيرين رايج بس كنت مصممه وقلبي من داخل يقول لا لا لا وضغطت عليه وقلت له الحين طلقني والله انا قلبي يتشفق على الجهال واتخيل نفسي ام دايما كانني ارضع ولدي كانني البسهم كانني اذاكر لهم وكاني احضنهم واهتم فيهم ....طبعا قلت له نبي يكون عذرنا بين الناس واحد يعني تقول لهم ما تفاهمنا وجاتنا ضيقة من بعض ما عاد نطيق بعض وبس لا تقول لاحد شيء ثاني , وانا طبعا وضعي غير عن وضعك اهلى ماراح يخلوني ال يعرفون السبب ومن حقهم بس غير امي وابوي ما راح اقول لاحد مع اني ادري ان الناس ماراح ترحمني بتحط فيني عيوب الدنيا وان انا العوبه وانا الغلطانه وانا العيب فيني وانا الي ما جبت عيال علشان كذا طللقني ، بس مايهمني الا ربي واهلي وادي ان صبري ماجورة عليه وان ربي راح يعوضني ويعوضه على مصيبتنا لاننا صبرنا وتحملنا .
المهم : بعدها نمت بحظنه لانها راح تكون اخر ليله مع بعض وقلت له ما تبي تحاول قبل ما يصير شيء قال ما اقدر ماعندي رغبه شلون ياربي ابدأ وانا ما فيه انتصاب المهم ما ضغطت عليه يااااااربي ما فيه اي شعور وانا بحظنه ياربي ساعدني بعدها ضميته حيييييل وقعدت ابكي بحرقة وبصوت عالي واقول ما ابي اخليك وماراح القى مثلك هنا اول مره اشوف دموعه قعد يمسح دموعي وهو دموعه تنزل يااااربي والله اكتب لكم وانا ابكي وحرقة بقلبي ، قعد يقرا على المعوذات ونمنا طبعا ما نمنا عيونا مفتوحه والرقية شغاله علينا وقعدت الصبح على المنبه قلت يله قوم تاخرت على المحكمة فتح عينه لهذه الدرجة انت مستعجله كسر خاطري بس حالنا هو الي يكسر الخاطر حسبي الله على الي كان السبب ، ورحنا المحكمة لان لازم حظوري وسوينا اجراءات الطلاق وانا دموعي غرقت النقاب قال مو هذا الي انت تبينه مو هذا الي استخرتي علشانه خلاص لاعاد تحرين نفسج صحتج عندي بالدنيا ، والله هو بعد وجهه اسود بس ما شفت عيونه لان النظارات كان لابسها ، المهم رجعت البيت وانهرت هناك على سجادتي وهو بعدها ما شفته كمل نومه بالدوانيه ، بعدها ناديت الخدامه وقلت حطي كل اغراضي بالجنط وكنت ما اخذه حسابي من جنط امي طلبتها بعذر اني بسوي جرد بالكبت طبعا استغربت الخدامه وقلت لها بنروح بيت جديد وقعدت تلمها وحطتها عند الباب ، واتصلت على ابوي وقلت ابيك ضروري ولما جاء استغرب من شقتي وجناطي قال عسى ماشر . طبعا اول مره اصير جريئة وصارحت ابوي بالموضوع وقلتله ان حياتي ما عاد تحتمل هل بتقبلني ضيفة عندك بالبيت والا تبيني اقعد عنده واعيش بين همومي واحزاني علشان الناس ما يقولون في بيتكم مطلقه ، هنا تفاجاة من ابوي توقعته اقوي من كل شيء قعد يبكي قال : ليش يا بنتي ما قلتي لنا من زمان ليش تحملتي كل هذا بروحج ما اتوقع بنتي الدلوعه الي تشتكي وتذمر من كل شيء القاها تعيش بين هذه الهموم والاحزان وانا ما ادري شلون امج ما تدري وخواتج الله يسامحج احنا اهلج ولازم يكون عندنا خبر طبعا حلفته بالمصحف انه ما يخبر احد غير امي ابي استر على زوجي وعلى حياتي علشان ربي يعوضني خير ، طبعا انا لما قلت لابوي كنت ابيه يكون بالصورة ولا يتفاجا من دخولي لمنزلي بعد ماراح قال لامي وانا كنت خايفه عليها لانها معاها مرض قلب ولا تحمل صدمات طبعا قعدت تتصل وانا جهازي صامت ما اقدر اكلمها بعد ما كذبت عليها وخبيت عليها خلال هالسنه وهي الي كانت تعطيني ادويه وتلاحظ على دورتي وتنطر حمالي بفارق الصبر ، المهم اتصلت على زوجي قصدي الي كان زوجي ولا يزال حبيبي وقلت له يجي لاخر مره اشوفه فيها ، لما دخل الشقة قعد يطالعني كانه اول مره يشوفني يقول تدرين ماعاد ابي حياتي بعدج وطلع تذاكرة سفر كويت جده يقول بروح لعمره بس ما حجزت الرجعه متى ما حسيت اني احسن برد ، هنا انقبض صدري وخرت دموعي حسيت بانكسار قعدت اصارخ وانا ابكي : ليه تسوي كذا حرام عليك لا تحسسني اني انا الي ظالمتك مع اني انا المظلومه تكفى خل فراقنا عادي كانني بشوفك بكره اه اه اه يارب هوني علي مصيبتي ، بعدها حظنته لاخر مره وانا لابسه عبايتي وطبع على راسي بوسه ما ودي امسحها وقال الله يسعدج دنيا واخره ويرزقج باللي احسن مني ويارب يحفظج من عيون كل حاسد وحاقد .........طبعا ما قدرت ارد عليه انحشر صوتي مع بكائي ...وطلع من الشقة وقال خلي الجنط بيوصلها السايق بكره ..طلعت وقفلت الشقة وانا امشي بالحوش نظرت نظره اخيرة لشقتي قلت : اللهم انك قد اقدرت بعض خلقك على السحر والشر ولكنك احتفظت باذن الضر فاعوذ بما احتفظت مما اقدرت عليه بحق قولك ( وما هم بضارين به من احد الا باذن الله ) واحنا بالطريق ولا كلمه خلص الكلام انتهى كل شيء وصلت عند اهلي قبل ما انزل مسكت ايدة وحطيت فيها مفتاح الشقة وقلت له هذا مفتاح الشقة وكل الي صار بيني وبينك محفوظ بالصون فاستر على اسراري واسرار اهلي مثل ما انا سترت على اسرارك واسرار اهلك ويارب يسعدك مع غيري تريحك في حياتك ويرزقك ربي منها الذرية الصالحة ويبعدك عن كل حاسد وساحر .....طبعا كان طلاقنا صدمه لاهلي واهله لان الكل متوقع اننا نعيش بسعادة والكل يسال ويبحث عن سبب طلاقنا وكان الكلام كله على باني انا الدلوعة وانا الي ما اعرف اتفاهم ولاعرف اكسب رضى زوجي وان انا الي ما اجيب عيال وانا الي جننته لين طلقني كل هذا وانا ساكته وامي حرتها فيها من الي تسمعه وانا مؤمنه بقضاء الله وقدرة وانا اعلم ان الي ربي كاتبه بيصير مهما فعلنا وتركنا ربي قاسم كل الخيرات على عبادة هو الي يعطي وهو الي ياخذ ، طبعا لو اقولكم شهر شوي اني ما شفت احد من الناس تلفوني مغلق واذا جانا احد اقفل الغرفة واطفي الليت واسوي نفسي نايمه والدوام اخذت اجازة وخصوصا ان دوامي جنب بيت زوجي يعني مستحيل اداوم ، وهو ما سمعت عنه اي خبر انقطعت اخبارة مع ان خواته يتصلون وامه بعد يبون يعرفون السبب لانه ما قال لهم اي شيء بس الي عرفته انه قعد بالعمرة اسبوع ورد ، والحين ترى منقطعه من صديقاتي واهلى ما ابي احد يشوفني مكسورة والا ضعيفه ولا ابي احد يسالني عن حياتي والحين انا اداوم على القراءة عند الحداد ونفسيتي شوي شوي تتحسن مع اني شاريه حبوب الاكتئاب واكلها واهلى ما يدرون ...بس الي اعاني منه نظرات الشفقة من ابوي وامي واخواني حتى تعاملهم تغير يخافون على من كل شيء الله يخليهم لي ولا يحرمني منهم .......والله ان اصعب شيء فراق من نحب والحين قلبي يتشفق على اني اعرف علومه هل هو طيب هل تعدى مرحلة الحزن والكآبه هل للحين يعاني اه اه اه الله يمسح على قلبي وقلبه بالصبر والايمان ، والحين نقلت دوامي عند اهلي وقعدت استرد حياتي السابقة شوي شوي مع توخي الحذر من الي حولي صرت اداوم وادي عملي من غير صداقات او علاقات او اي احاديث تخص حياتي السابقة او الحديثة ما اعطي احد مجال يناقش اي موضوع عن حياتي يعني صرت غامضة في معرفة شخصيتي ....
وهنا انتهت قصتي ومعاناتي التعيسه ادعو لي بالحياة السعيدة مع زوج اخر وحبيب اخر يعوضني عن كل حياتي المتعبه ويرزقني ربي بالذرية الصالحة ولا يحرمه هم بعد من العيال
