قصة رومنسية بعنوان ( وشلون مغليك وانت الذي علمتني حبك .. ) البارت الأول

[الفراشة199]

السلام عليكم ورحمه الله وبركاته​

كيفكم يا أعضاء ؟​

:eh_s(17)::eh_s(17):​

القصة قصة واقعية ورايكم يهمني وانا بكمل على حسب التفاعل وانا أدري انه في بعض الأخطاء بالكاتبة بس ان شاء الله فالبارتات القادمة بتتصلح .. يهمني رايكم بالقصة اللي برويها عليكم :eh_s(17):​

القصة : واقعية ، رومسنية جدا , حزينة ..​

أحداث البارت الأول قليلة لكن البارت الثاني بتكون قوية :eh_s(15):​

نبدا وانقول بسم الله ..​

البارت الأول ... ~​

ششلون مغليك وانت الذي علمتني حبك !​

البارت الأول من القصة الواقعية ..​

منى طالبة ثانوية عامة وعمرها 17 سنة دلوعة والكل يحبها و ما شاء الله تتمتع بأرقى وأحلى الصفات ، أما الجمال فخلوه على صوب لأنها صدق أحلى من القمر .. وكل اللي يشوفها يتخبل على جمالها ، بس كانت ما تحب الدراسة و ما تحب حتى تشغل مخها وتدرس .. و عندها صديقات عندها شهد وكانت تعتبرها صديقة عمرها و ريم وميرة ومريم ومها ..​

بما أنه شهد كانت صديقة منى المقربة خلنا نتكلم عنها شوي ، شهد حبوبة بس أنانية وكانت تحفر لمنى من تحت لتحت ... بس كانت تأمن لمنى بكل شي يعني كانت تقولها كل اللي يصير فالبيت وكانت تقولها أسرارها وعن علاقتها بنايف ..
شهد تعرفت على نايف عبر النت بس كانت معجبة فيه وهو كان مايحبها بس كان متعاطف وياها لأنه شهد كانت
تنضرب من أخوها سلطان كل يوم وكان نايف يشفق عليها ..​

خلونا نتكلم عن هالشخص بما أنه بطل هالقصة نايف طالب جامعي سنة ثانية عمره 21 سنة حنون وصادق وعليه رجولة مب على حد ووسيم ما شاء الله ..​

بعد شهر ،، لاحظت منى انه صديقتها شهد تتكلم وايد عن نايف وتمدح فيه وهذا الشي خلا منوي تنعجب بنايف وهي ماتعرفه ..
يوم من الأيام .. كان من المفروض اتروح شهد للمستشفى عشان عمليتها وماعندها غير أخوها سلطان اما أهلها أمها وأبوها واختها مسافرين عشان علاج عيون أمها .. فكانت منى الاخت والام والصديقة لشهد ..​

نجحت عملية شهد وكانت كل يوم منى تجي تزورها فالمستشفى .. ومرة وقت زارتها منى .. شهد طلبت منها طلب ..
وكان هذا الحوار بينهم :
شهد : مناوي بطلب منج طلب ممكن ؟
منى : هلا شهودة طلبي حبيبتي ..
شهد : اممم بعطيج ايميلي أباج تكلمين نايف وتتطمنينه عليه أكيد يحاتيني ..​

(( منى فرحت لقتها فرصة انها تتعرف على نايف اللي عبجها من كثر ما تتكلم عنه شهد .. رجعت البيت ودخلت الايميل وكانت مترددة وتقول " كيف بكلمه وكيف ببتدي وياه " قررت انها تكلمه وتهاوشه لأنه متعب شهد ))..
ودخلت على المحادثة وقالتله أنا منى صديقة شهد وبصراحة مب عاجبني اللي تسويه فيها حرام ... إلخ
نايف رد عليها وقالها لحظة أبا أفهمج هدي أعصابج ..
وقالها انه متعاطف وياها بس ومابا اتعبها وودي تنساني اليوم قبل بكرا
قالتله أنا عندي حل أحذفك من ايميلها واضيفك عندي عشان أطمنك عليها .. وافق نايف .. وحذفت منى الايميل وضافت ايميل نايف عندها ..​

وكانت تكلمه كل يوم وكل حديثهم عن شهد ..
وهنا ابتدى نايف يعشق منى ومنى نفس الشي حبته أكثررررررررر
وفي يوم كلمو بعض 24 ساعة مسنجر بس كان فيه بريكات صلاة عشا وغدا وفطور ويردون يكملون سوالفهم ..
وكانت الفترة من عصر يوم الاثنين لين عصر يوم الثلاثاء ...
وفصباح يوم الثلاثاء بدا نايف يضعف قدام منى وقالها انا أحبج .. وأعرف انج تحبيني بس كاتمة
ضغط عليها ومنى تحاول تتجنب عشان ماتخون صديقتها بس ماقدررررت واعترفتله وقالتله اي انا احبك يا نايف ..
وهنا ابتدت أحلى قصة حب ..
يومها نامت منى على الجهاز نفسه من شدة التعب .. اما نايف النوم طار من عينه ..
وحس نايف انه منى سكتت شوي ودار هالحوار :
نايف : مناوي حبيبتي وينج
دقايق قليلة وقامت مناوي وشافت كلامه
وردت : هلا حبيبي أنا آسفة بس غفت عيني شوي من التعب
نايف : فديت اللي كانت نايمة أنا
مناوي : فدوة لك أنا ..​

البارت الثاني قريبا ... ~​

أتمنى تردون وتعطوني رايكم بالقصة :eh_s(17):​

بانتظار ردودكم ..​