- إنضم
- 16 يوليو 2009
- المشاركات
- 1,689
- مستوى التفاعل
- 0
- النقاط
- 0
السلاااااااااااااااام عليكم كروشات. :eh_s(7): طال عمركم انا توني والده من جم يووووم. كانت طبعا ولادتي القيصريه وكالعاده فجائيه كل عيالي بدون سابق انذار :eh_s(15): كنت صايمه وحزتها مادري شطرا علي رحت خذيت شور وعدلت الكشه ولله الحمد اهم شي. هههههههههههه. ،،،،،. نزلت تحت جان اخم عيالي الصغار وسبحتهم ونظفتهم. وفعلا بذلت مجهود مع انه الدكتور محذرني وقايلي لاتسوين اي مجهووود يامدام. وانا اذن من طين واذن من عجين. كنت يومها في بيت اهلي لانه متعوده الاشهر الاخيرة اقعد عند امي حبيبتي تداريني. وللاسف امي اضطرت تسافر جم يووم على اساس اني ماراح اووووولد هالفتره بس انا قلبي كان قارصني وكنت متضايقه مابيها تروووووح وتخليني لاني حيل حيل حيل متعلقه في امي. المهم يومها ما كان في البيت الا انا واختي وعيالها. حزة العصر وباقي على الاذان ساعه. حسيت صج تعبانه وعيالي حواليني يناقزون وانا بس اعصاب اقعد. قعدي. المهم وانا اطالع احد المسلسلات الرمضانيه ومزاجي مو صافي. حسيت في شي سوا صوووت بوووووق وانبط جيس الماي عندي. فا قمت شهقت شهقه. خلت ولدي يحضني واختي نقزت اشفيج اشفيج ,,,......!!!!!؟؟؟؟؟؟؟. وانا. صرت جذي. :eh_s(2)::eh_s(2): قعدت ارتعد وخايفه لانه انا بالشهر الثامن ومو مجهزة جنطتي ولا كتبت وصيتي :eh_s(10):ههههههههههههه. ومنظر ولدي عمره ثلاث سنوات واهو يحضني خايف علي وراح ركض لبس بسرعه وجاب لي نعالي يلبسني وانتو بكرامه. المنظر هذا بروحه قتلني وخلا دمعتي :eh_s(2): ودقيت على زوجي وانا ارجف وعلى ماوصل الا كل الماي نازل وبدا يحوشني طلق. وهالشي مو زين على الي تولد قيصريات. المهم رحت اقرب مستشفى على بيتنا. مع انه كنت مخططح اولد برويال. وعشت احلام ورديه. بس تبخر تخطيطي:rgewrg: حطوني بالتخطيط وقعدنا ننطر الدكتور يوصل الله يجزاه خير قال بيفطر وعقبها يعبرنا لوووول. جهزوني ولبسوني لبس العمليات وكالعاده صكتني ام الركب والدمعه بعيني. اتذكر شكل عيالي واهم يطالعووني مو فاهمين. و وراهم بنت اختي. تطالعني وتظحك تقول حق امها اشفيها خالتي مسويه بي بي على روحها !!!!!!!!!!! لوووووووووووووول. عقب ما جهزوني السسترات للبس العمليات دش زوجي قعد معاي. يسولف وانا اطالعه بطرف عيني حاقده شكو ملدري. هرمونات حمل عادي ههههههههههه لنا عاد وصلت نقالة العمليات وانسدحت فيها دموووعي نزلت وقمت غطيت وجهي مابي ازوجي يشوفني جذي اعرفه مايتحمل وانا مختنقه واواسي نفسي الا السستر تكلمني تقولي مدام بليز لا تبكين. يور هازبند. زوج مال انتي كراي توووو دمعت عيووونه. وانا طااااااااف. شسويله خخخخخ. لما بيسدون باب العمليات سمغته يقوولي اتكلي على الله انا ناطرج. اتكلي على الله. بغيت اقوم من السرير واقوله ها يا بو الشباب اشفسك قالبها لميس ومهند كككككككككككككككك. ودخلت يا بنات غرفة العمليات. صج رعب. بس ادعي ربي يفك همي ويشفي ولدي الي خليته وراي ودموووعه مغرقة وجهه. مو عارفه اشوفه ولا خلاص دخلت العمليات الساعه سبع المغرب وما طلعوني من غرفة الافاقه الا الساعه تسع ونص بليل ولدت وجبت ولد حده نتفه وو وزنه كيلوين وسبعمية. وطبعا حدث ولا حرج وانا بالبنج اسمع السسترات يحشوووون فيني. ويقولون وزنها ثقيل شلوون نشيلها. والله يا بنات بدعووو. الي وحده منهم تقولي مدام تقدرين تنقلين نفسج من سرير لسرير غرفتج !!؟؟ امبيه مو من صجهم توني طالعه مفتوح بطني وماحس بنفسي يبوووني اشيل واشدخ بنفسي. عصبت وقلت لها لاءءءءءءءءء شيليني اتتييييييييييييييي. وعقبها قمت اغني اغنية دعاية شوووجي. هيا يا جاره هيا يا جار ههههههههههههههههههههه. صج صج خرفت. وعقب لما بديت اصحصح. بطيتها دمووووووع لانه ماشفت امي وتذكرتها مسافره. حاشتني حاله هستيريا. وطقووني ابرة مهدء نمت عقبها. وقعدت ماعندي احد. بس زوجي يبووس راسي ويتحمد بالسلامه وانا. والله الدنيا كلها صارت بعيني ولاشي لانه امي مو موجوووووده ولما وصلها خبر اني بالعمليات اهي بعد هسترت وحاولت ترد ماقدرت. ويوم رجعت انا سبقتها وقلت طلعووني ابي امي الحين. مانطرتها تزورني. ودخلت البيت وانا ذبلانه حدي واجر نفسي ولقيتها جدامي سيده تحاذفنا على بعض وفلم هندي طبعا بتستغربوون لكن انا فترة حملي كنت كله موسوسه اني راح امووووت. ووو كله افكر بالبيبي صاحي معووق ونفسيتتي تحت الصفر والحمدلله انكتب لي عمر جديد :eh_s(2):
