قصة ولادتي المبكره ... تكفون ادعو لولدي يقوم بالسلامه

[ثلجه حاره]

مرحبا بنات
عسى الله يسهل عليكم حملكم وولادتكم ويرزق الكل بالذريه الصالحه

ولدت بتاريخ 9-9 يعني اخر يوم رمضان بمستشفى طيبه كلينك

السالفه يابنات انا بالشهر الثامن يعني ولاده مبكره وولدت قيصريه وطبعا ولادتي صارت مفاجأه
صار معاي تسمم حمل وارتفع ضغطي وايد والمشيمه صار لها اكثر من اسبوعين ماتوصل الاكل حق الياهل

وقالولي لازم قيصريه بأسرع وقت والحمدلله سويت العملية وقعدت بالمستشقا 3 ايام واليوم الرابع طلعت بس ولدي ماطلع معاي وهذا الي مخلي نفسيتي تعبانه حدها لانه وزنه وايد صغير كيلو ونص وحاطينه بالحضانه وفيه بوصفار وتعبان شويه


ادعوله بنات يقوم بالسلامه اتمنا بس ألمسه احطه بحضني ابوسه اي شي ماقدر بس اطالعه من بعيد واتحطم الحمدلله على كل حال

اي نسيت اقول لكم انا بجر وهذا اول ياهل عسا الله يخليه لي

 

[غلاي امي وزوجي]

الله يطلع لج ولدج بسلامه ويقر عينج بشوفته وهو سليم معافى

 

[مو عايشة بالدنيا]

الف الحمدلله على سلامتج

ومايشوف شر وليدج
والله يقومه لج بالسلامة ياااااااااااااااااارب
وتشوفينه بحضنج باقرب وقت يارب

 

[فلة قطر]

الله يقومه لج بالسلامه

 

[فارسة]

يااااااااارب تحكينة بحضنج باقرب وقت

والحمدلله عالسلامة

بغيت اسالج اشلون عناية المستشفى ؟؟

 

[قفشه شكر]

حمدالله على سلالالامتج
ويااااارب يقوومه بالسلالالامه ويخلييه لج ياااارب
طمنيييناا يااقلبي

 

[ام نوونه]

الحمدلله على سلامتج والله يقومة بالسلامة

بس لا تحاتين انشالله يطلع انا بعد ولدت بالثامن قبل شهرين

وصار فيها بوصفار بس الحمدلله الله ماقصر صارت زينه

انشالله يطلع ولدج بالسلامة وباقرب وقت

 

[حبيبة أبوهاآ]

حمدلله على سلامتج ..

ويارب يشافي لج وليدج ويعافيه ..

ويقر عينج بشوفته ..

 

[غنوة ستايل]

ياقلبي لا تحاتين انا ولدي كان 260 الصفار اللي فيه
وما فادني الا الدعاء والسكر النبات و العصفر
تغلين التعصفر بعدين تشخلينه بالرضاعه تحطين 2 رقم وقطعه صغيره من سكر النبات تذوب فيه
وشربيه للياهل مرتين باليوم او ثلاث مرات بين الرضعااات
واااايد زين

 

[a7la wa7da]

أول شي الحمدالله على سلامتج
وثاني شي حبيبتي لا تحاتين إنشالله الله بكون وياج ويا ولدج ترى وايد في حريم نفسج وعيالهم وبناتهم صارو حريم ورياييل وماكو إلا العافيه وإنشالله تشوفينه معرس يارب :tek:
الله يهون علييييييييج

 

[بيبي بدر]

الحمدلله على سلامتج
والله يطلع ولدج بالسلامه وتفرحين بشوفته

 

[اجمل احساس 100%]

رد : قصة ولادتي المبكره ... تكفون ادعو لولدي يقوم بالسلامه

مبرؤك ما جاكم مستشفي ممتاز ؤ طبيبتج ممتازة

 

[لوكي 22]

عسى ربي يقومه بالسلامه لج ان شاءالله

 

[زمزم 2010]

رد : قصة ولادتي المبكره ... تكفون ادعو لولدي يقوم بالسلامه

الله يقومه بالسلامة ويخليه لج ...... ويصبرج على فراقه.... إنتي إحتسبي الأجر.

 

[A7bny =)]

اول شي الحمدالله على سلامتكم وان شاء الله يطلع بالسلامة لا تحاتين ان شاء الله ماعليه الا العافية

 

[angel_soul_1989]

رد : قصة ولادتي المبكره ... تكفون ادعو لولدي يقوم بالسلامه

حمدلله على سلامتج والله يطلعه لج سالم من المستشفى لي حضنج حبيبتي هذي الشغله عاديه وروتينيه الياهل اقل من كيلوين لازم حضانه توه من اسبوع ثنتين اولدو من اهلنا ويابو اولاد وهم حطوهم بالحضانه لانهم اقل من كيلوين والحين جريب ايطلعونهم وبوصفار اغلب اليهال يصير فيهم اول مايطلع شربيه ماي ونبات وحطي يمه ليت نيون وماعليه الا العافيه

 

[_Pure_]

الحمدلله علي السلامه و الله يقوم ولدج بالسلامه يا رب

 

[NauGhty nuRse]

الله يقومه بسلامه
ومااااااااايشوف شر ولدج
وحمدلله علي سلامتج
ومبروووووووك ماياج

 

[آهات الليل]

رد : قصة ولادتي المبكره ... تكفون ادعو لولدي يقوم بالسلامه

ياعمري الحمدالله على سلامتج ومبروك ماياج
والله يقومه بالسلامه يارب ويشافيه ويعافيه قولي امين

 

[*ماي الورد*]

الله يقومه بالسلامة و تشوفينه معرس