- إنضم
- 16 يوليو 2010
- المشاركات
- 189
- مستوى التفاعل
- 0
- النقاط
- 0
السلام عليكم ورحمة الله وبركاته
اليوم قررت أقول لكم قصة ولادتي في بنتي
كان آخر موعد ولاده 28/12 وآنا دايما أطوف شهري عادي بكم يوم بس كنت أبي أولد هالمره براس السنه عشان التاريخ حلو وقلت الله يستر لاأولد 31/12 حده مو شي المهم طاف 28و29و30و31 وقلت يالله إنشالله أولد 1/1 وفي يوم 1/1 رفيجتي قالت لي روحي يولدونج قبل لا يخلص 1/1 بس آنا خفت قلت لا يا معوده متى ما حسيت بعوار بروح بس أروح وآنا ما فيني شي مستحيل المهم طاف 1/1 وطبعا صارلي فتره تحوشني طلوق مره باليوم وفي يوم 2/1 الساعه 7وربع كنت نايمه قعدت على لويه قويه ببطني وبطني صار يابس فهقيت نفس دايما شوي وإلا لويه ثانيه وحسيت فيه شي ينزل بس مو ماي ورحت أركض الحمام وإلا الأندر وير متروس تكرمون افرازات شفافه وشوية خيوط دم المهم قلت لاصارت خذيت دش سريع ورحت أجيك على جنطتي وأضبط شغلي ما أبي أقعد زوجي قلت تو الناس وإلا الطلوق كل 7 دقايق أو بالكثير 10 الساعه 8 ما قدرت قعدت زوجي قلت قوم ودني الطبيب فيني طلوق قال أكيد قلت إييييه وناديت خدامتي عشان تقعد عند عيالي المهم زوجي شافني كل شوي تجيني الطلقه اختبص مو نفس المره اللي طافت رحت الطبيب وآنا ريلاكس هالمره غير بسرعه رحنا المستشفى وزوجي طبعا دايس:RoadRunner: وآنا أقول شوي شوي المهم وصلت مستشفى هادي وكنت أبي أنيتا تولدني وصلنا تقريبا 8ونص وانيتا تداوم 10ا قلت مو مشكله أدش ولاده ولما توصل تجي تولدني المهم دخلت طوارئ الولاده قالت الممرضه تبين دكتور وإلا دكتوره تفحصج قلت ابي دكتوره المهم وصل دكتور مصري ومعاه دكتوره مصريه ما أعرفهم سوالي سونار وقلت له دكتور أبي ابرة ظهر قال مو مشكله بس تفحصج الدكتوره ونشوف المهم فحصتني الدكتوره وعورتني شوي قلت لها عورتيني قالت إنتي مفتوحه كتير قلت كم قالت 7-8 وآنا جذيه:eh_s(12):دشيت داخل غرفة الولاده والسسترات يجهزوني حق الولاده قلت حق السستر هنديه أبي إبرة ظهر قالت مدام إنتي 8سم شويه ولاده ما فيه وقت يسوي إبرة ظهر وآنا أقول لا لا ما بي أبي إبرة ظهر:lkmnkl: واهي تقول آنا يعطي كمام إبره إنتي ما يحس بشي المهم حطولي درب وآنا أتلوى من الطلق عطتني السستر الكمام خمطته وقعدت أشم أقوى شئ بعدين ما حسيت بالطلوق نهائي رحت بعالم ثاني وكل ما أصحى شوي أطالع وإلا كرشتي لازالت موجوده أقول حسبي الله عليكم حاقدة ليش ما عطوني إبرة ظهر الحين الساعه يوم شفتها 9 وعشر بعدين 9,25وبعدين بس أسمع أصوات وتردد الأصوات والسستر تقول شدي ماما راس بين وآنا مرة أشد ومره أطنش وكنت أسمع الصوت بعده بفتره أحس. بالفعل شي غريب حسيت شوي بشي يضغط تحت حزت طلعة البيبي بس عموما كانت الولاده سريعه وسهله والحمدالله كنت خايفه أتأزم نفس المره اللي فاتت بس ألف الحمدلله . نسيت أقولكم ولدتني بهواني ما لحقت أنيتا لأني ولدت عشر إلا عشر وألف الحمدلله على التساهيل وطبعا طلبت تجميلي بس والله خياطتها فظيييييييييعه ما حسيت بعوار كأني مو مخيطه صراحه هالدكتوره تهبل وزوجي يقول حق السستر زوجتي تبي أنيتا والسستر تقوله ما فيه وقت تجي انيتا زوجتك 8سم بهواني بتولدها واهو على باله بهواني دكتور شلون ليش ما دقيتو علي أنيتا المهم قال لهم خلاص ما فيه وقت بهواني بهواني شنسوي راح يسوي الأوراق ويحجز الغرفه ورد قالت السستر بابا راس بين شويه خلاص عطاها رقمه وراح للغرفه يحط الأغراض دقوا عليه يقولون له إني ولدت وكانت فرحه له إني ولدت بسرعه وبسلامه مو نفس المره الي طافت طولت وقعد على أعصابه
وأخيييييرا الله يسهل ولادة جميع الحوامل خصوصا كويتيات :yaaaaaarb:
