قصتي ابي مساعده .. ارجوكم ..!

[elpinkya]

السلام عليكم و رحمة الله و بركاته

كل عام وانتم بخير .. والله يبلغكم رمضان ان شالله

انا طبعا عضوه يديده وهذا اول موضوع لي و بقولكم قصتي وابي رايكم لاني محتاره :eh_s(16):

انا متزوجه من 9 سنوات ولله الحمد و حملت بعد 4 شهور من زواج ومن غير اي مشاكل يبت
ولدي الله يحفظه و الحين عمره سبع سنوات ونص و لما صار عمره سنه ونص حملت في بنتي والحين عمرها خمس سنوات ونص ولله الحمد اعيالي بصحه زينه وما يشتكون من شي مع انه بحملي ما اخذ لا فيتامينات ولا مقويات و وزنهم ما بين ثلاث و ربع و ثلاث ونص...
والشي الوحيد الي اشتكي منه الووووووووحااااام الي يسدحني بالمستشفي تقريبا ثلاث اسابيع ..!!

وبعد ما يبت بنتي قررت اكمل دراستي و ما احمل ... جربت حبوب منع الحمل و بعد فتره قلت ابي اتركهم و بعدين مشيت علي المناعه الطبيعيه من غير ما استخدم شي ...


و قبل سنتين بدت معاناتي .. المفاجاه اني حملت ... وكان شهر 8 قلت الحمدالله علي كل حال ولكن لما كمل الحمل شهرين صارلي اجهاض .... وقلت ما الله كتب الحمدالله علي كل حال

و مافكرت بالحمل وبس الموضوع صار براس بزوجي يبي ياهل و حملت شهر 1 و اجهضت مره ثانيه بعد ما حللت باسبوعين ..
تعبت و قلت لاززززم اعالج ....!!
سويت تحليل اجسام مضاده .. بطانه الرحم ... تجلط الدم ....!!
ومافيني شي الحمدالله ..

قالتي الدكتوره .. اذا حملتي اخذي مثبت مع اسبرين ... وفعلا حملت واخذتهم و استمر الحمل لي 14 اسبوع ... بس وحاام كان قوي وكنت اخذ الدوا واارجعه تكرمون ... وفجاه اختفت اعراض الوحام .. وحسيت بشي غريب صدري مافي الم حاسه اني خفيفه وكنت يومها منومه بمستشفي الولاده قلت حق الدكتوره لي حاسه فيه وقلت لها ابي سونار قبل لا اطلع ردت بكل برود ** دي تهيات انتي ارتفعتي من الوحام وحكتبلك خروج **
وفعلا طلعت وعلي كلامها بعدها بيومين نزلت علي افرازات بلون بني رحت مستشفي طيبه كلينك و سويت سونار والمفاجاه انه البيبي ميت من اسبوووع .....!
طلعت وانا مقهووووره وابجي .. قلت الدكتوره لازم تنظيفات ... وهذا الحجي شهر 8 رمضان الي طاف ...
طبعا الصباح خلوني لما نزل الياهل برووحه بعد عشر اياااام وانا انطر البيبي ينزل وادري انه ولدي ميت فبطني و كانت النفسيه زفت ...!

وبعد عملية التنظيفات ... والمعانات والتعبت

حملت شهر 12 وبلغلط لاني كنت ابي اريح بعد 3 اجهاضات ولكن هالمره راجعت بمستشفي الولاده عند دكتور عماد ناجي ... مع متابعات كل اسبوعين و سونار كل شهر و بيبي اسبرين وابر الكلكسان و فولك اسيد و فيتامينات و مثبت حبوب و تحاميل ولما دخلت الشهر الخامس اخذت مثبت كل اسبوع ابرتين بالعضل ...
والحمــــــــــــــــــــــدالله والشكر لله
انا من يومين دخلت الشهر التاسع وقف لي الدكتور كل الادويه ما عداابر الكلكسان...!!

بنات منو جربت ابر الكلكسان وهل صحيح تسبب نزيف بالولاده .. ؟؟ وهل اهم يولدونج ولا ينطرون لما انتي تولدين ومتي اوقف الابر ... ؟؟ واذا ابي احمل مره ثانيه ممكن اني استخدم نفس العلاج عشان الحمل يستمر ؟؟


طلب اخيييير ادعووولي الله يوفكم و يرزكم الي تبونه لانه حدددي تعبانه و ابي اووولد حاسه بثقل مو طبيعي
و ابي اشوووف البيبي الي بعد ثلاااااث اجهاضات حدي شفقانه عليه :eh_s(11)::yaaaaaarb:

وسووووري طولت عليكم ​

 

[شقرا كويتيه]

مادري والله عسى الله يسهل عليج وااب لعيونج

 

[elpinkya]

مشكوووره حبيبتي ما تقصرين

عسي ربي يسعدج ان شالله​

 

[ريمي74]

الله يسهل ولادتج
ولاتحاتين ان شاء الله ماراح يصيدج نزيف من الكلكسان
وأكيد بيخلونج تولدين طبيعي اذا مافي اي مشاكل عليج او على البيبي لاقدر الله
واسالي دكتورتج اذا راح تحتاجين نفس العلاج بالحملات الجايه

موفقه ان شاء الله

 

[Dodo80]

ا

لله يسهل عليج يااارب واتشوفين البيبي بحضنج انشاء الله

لاتحاتين حبيبتي انا نفس حالتج اجهضت مرتين وناطره احمل باذن الله وقالي الدكتور ان اول ما احمل راح اخذ هالابر لي التاسع لانه فيني اجسام مضاده

وسالته عن النزيف قالي وايد استعملوا هالابر ولا صار اي نزيف لانه البيبي يسحب هالدم كله فمافي اي خوف واهمه ياخذون احتياطات علي هالشي يعني لاتحاتين لو في خطر الموضوع جان الدكاتره ما استخدموها ​

 

[elpinkya]

امييييييييييييييييييييين يارب الله يسمع منج ان شالله .. ويهون عليج و يرزقج ان شالله بهالشهر الفضيل يارب

انا الي خوفني وحده اليوم قالت لازم يوقفون الابر قبل الولاده بيومين .. وانه اذا كملت 38 اسبوع بولدني الدكتور بطلق صناعي وهذا الي خايفه منه لانه الكل يقول ممكن اتمين يومين تطلقين و انه الطلق يذبح ...!!

 

[ترف بابا]

الله يسهل عليج ويحفظ لج

عيالج

 

[Q.8.h.2]

الله يهون عليج ويسر لج كل امورج يارب

بالنسبه حق اسئلتج ماعندي علم والله

 

[TeKaNa_Girl]

السهاله من رب العالمين
لاتسمعين كلام الناس كل وحده تختلف عن الثانية
الكلكسان استخدمتهم بحمالي ما قطعتهم الا قبل ولادتي بيوم بس انبط الماي
والحمدلله لانزيف ولا شي وبنتي اسم الله عليها اطلعت مثل القمر ولاتعبت مع الطلق لان اخذت كمام ونمت اللهم لك الحمد
الابر مامنها مضره والبيبي اسبرين وقفه لي الدكتور من الشهر الثامن
الله يتمم عليج ويقومج بالسلامه

 

[noof nasser]

لله يسهل عليج يااارب واتشوفين البيبي بحضنج انشاء الله

 

[كويتيه بالفراوله]

الله يسهل عليج وتفرحين بشوفة البيبي سليم معافى يارب.

 

[المـــــها]

ما عندي علم
الله يتمم عليج يا عمري و تولدين بالسلامه

 

[هيبة ملك]

لاتحاتين ياقلبي
وإن شاء الله تقومين بالسلامة

 

[مسك وطيب]

عسى الله يسهل عليج بالولاده السهله

وتوكلي على الله سبحانه وحده وماعليج من كلام الحريم

خلج متابعه مع دكتورج هو ادرى بحالتج

 

[engnera]

الله يسهل ولادتج ما عندي فكره

 

[yasmeen_q8]

حبيبتي والله الله يسهل مخرجه يا رب ويطلع لج بخير وعافيه وصحه يا رب وتفرح عينج بشوفته سليم والله يرزقج اللي تبينه

 

[الحرير]

الله يسهل علينا وعليج يارب

 

[@ام يوسف@]

الله يهون عليج وتولدين بالسلامه

 

[anooma_86]

الله يسهل عليج و تولدين بالسلامه انشالله بس ماعندي فكره

 

[ليمونه8888]

الله يسهل عليج يارب وحاولي تستشيرين اكثر من دكتور افضل

​