copraa
New member
- إنضم
- 9 يوليو 2009
- المشاركات
- 109
- مستوى التفاعل
- 0
- النقاط
- 0
السلام عليكم
بنات آنا قصتي قصة مع الدراسة تخبط في تخبط اقروا قصتي وأبي رايكم ؟
لما كنت في الثانوية كنت متفوقة وحلمي ادخل حقوق وفي آخر شهر من السنة الدراسية تزوجت وحدي مستانسة قاعدة اجهز
حق عرسي والبنات يدرسون حق الفاينل وآنا الوناسة نستني مستقبلي وكنت اروح الامتحانات بدون دراسة والقهر اني كنت
اعرف الحل بس ما كنت اكتبه ليش ما أدري كنت أحس بضيقة شديدة وودي اسلم الورقة بدون حل
المهم اني نجحت بس حال بيني وبين دخولي الجامعة 2% فقط فدخلت معهد تجاري تخصص ( ادارة ) بعد ان رزقت بأول
طفلة وما عندي خدامة وانهيت دراستي بتقدير ( جيد جدا ) ثم توظفت في وزارة الشؤون وبعد مرور 8 سنوات من العمل
الممل وعدم ترقيتي على الرغم من كفاءتي بحجة بأني لست جامعية فاضطررت ان ادخل ( الجامعة المفتوحة ) تخصص
( ادب انجليزي ) وقعدت فيها 3 سنوات من الجهد المتواصل بتقدير (جيد جدا ) وأثناء الدراسة حملت بالمولود الرابع
وصادف ان ما عندي خدامة وبمعنى أصح ما تقعد عندي خدامة لأني شديدة والخدم يبون وحده تخليهم على راحتهم واصبح
أعباء الدوام صباحا + عمل الغداء + وآخذ شور + اروح الجامعة + الغاء جميع الزيارات والطلعات واعتكفت للدراسة فقط
لا سفر ولا صداقات ولا أهل ولا ......الخ في سبيل العلم ثم حملت في مولودي الخامس قولوا (ما شاء الله ) ولكن كان
الجنين تعبان وقالت لي الدكتورة ان ما أقوم من الفراش الا للضرورة والمفروض اوقف قيدي بس ما كنت اقدر اسوي اي
ومرت الأشهر وولدت في الشهر السادس واصبحت من مستشفى الى مستشفى عشان بنتي وفصلتني الجامعة
ثم دخلت ( دار القرآن ) ودرست سنة ونصف ولحظتها حسيت اني قاعدة اضيع وقت في دراسة هامشية خاصة اني حسيت
بحلاوة العلوم الشرعية واني ضيعت عمري وراء سراب
فجاءتني فكرة ان ادخل ( كلية الشريعة ) فذهبت الى المعهد الديني وقالولي لأن شهادتي قديمة لازم اعيد ثالثة ورابعة ثانوي
وقلت لنفس لا يأس مع الحياة ولا حياة مع اليأس وسجلت ودرست واثناء دراستي حملت بمولودي السادس قولوا ( ما شاء
الله ) وبعد عناء طويل مع الدراسة والحمل ومسلسل الخادمات اللي ما يخلص وامتحانات عيالي وامتحاناتي فقد وجدت
صعوبة في النحو والبلاغة والنصوص وصادف امتحاناتي ولادتي وما أدري شسوي كنت اقعد وابكي وادعي ربي ان
يساعدني والحمد الله نجحت بنسبة 65% وآنا الحين بروح رابعة ثانوي مسائي ومحتاجة نسبة عشان اقدر ادخل شريعة بس
ما أدري شلون راح ادرس الوضع عندي مو مستقر وكلش مو جو دراسة والعمر والصحة بالنازل على العلم آنا الحين
عمري ( 37 ) سنة بس أحس ان عمري ( 60 )
والله المستعان ودعواتكم يا بنات الشريعة محتاجة دعواتكم بصدق اني الله ييسير أموري ويهدي عيالي طول اليوم لوية
وازعاج يتهاوشون على اتفه الأسباب والخدامة اللي عندي حدها عبيطة ووجودها من عدمها وادعولي بعد ان الله يرزقني
بخدامة اعتمد عليها
لا تنسوني بالدعاء لأني حدي محتاجته وسلامتكم
اختكم : ام عمر الهاجري:krkrkr:
بنات آنا قصتي قصة مع الدراسة تخبط في تخبط اقروا قصتي وأبي رايكم ؟
لما كنت في الثانوية كنت متفوقة وحلمي ادخل حقوق وفي آخر شهر من السنة الدراسية تزوجت وحدي مستانسة قاعدة اجهز
حق عرسي والبنات يدرسون حق الفاينل وآنا الوناسة نستني مستقبلي وكنت اروح الامتحانات بدون دراسة والقهر اني كنت
اعرف الحل بس ما كنت اكتبه ليش ما أدري كنت أحس بضيقة شديدة وودي اسلم الورقة بدون حل
المهم اني نجحت بس حال بيني وبين دخولي الجامعة 2% فقط فدخلت معهد تجاري تخصص ( ادارة ) بعد ان رزقت بأول
طفلة وما عندي خدامة وانهيت دراستي بتقدير ( جيد جدا ) ثم توظفت في وزارة الشؤون وبعد مرور 8 سنوات من العمل
الممل وعدم ترقيتي على الرغم من كفاءتي بحجة بأني لست جامعية فاضطررت ان ادخل ( الجامعة المفتوحة ) تخصص
( ادب انجليزي ) وقعدت فيها 3 سنوات من الجهد المتواصل بتقدير (جيد جدا ) وأثناء الدراسة حملت بالمولود الرابع
وصادف ان ما عندي خدامة وبمعنى أصح ما تقعد عندي خدامة لأني شديدة والخدم يبون وحده تخليهم على راحتهم واصبح
أعباء الدوام صباحا + عمل الغداء + وآخذ شور + اروح الجامعة + الغاء جميع الزيارات والطلعات واعتكفت للدراسة فقط
لا سفر ولا صداقات ولا أهل ولا ......الخ في سبيل العلم ثم حملت في مولودي الخامس قولوا (ما شاء الله ) ولكن كان
الجنين تعبان وقالت لي الدكتورة ان ما أقوم من الفراش الا للضرورة والمفروض اوقف قيدي بس ما كنت اقدر اسوي اي
ومرت الأشهر وولدت في الشهر السادس واصبحت من مستشفى الى مستشفى عشان بنتي وفصلتني الجامعة
ثم دخلت ( دار القرآن ) ودرست سنة ونصف ولحظتها حسيت اني قاعدة اضيع وقت في دراسة هامشية خاصة اني حسيت
بحلاوة العلوم الشرعية واني ضيعت عمري وراء سراب
فجاءتني فكرة ان ادخل ( كلية الشريعة ) فذهبت الى المعهد الديني وقالولي لأن شهادتي قديمة لازم اعيد ثالثة ورابعة ثانوي
وقلت لنفس لا يأس مع الحياة ولا حياة مع اليأس وسجلت ودرست واثناء دراستي حملت بمولودي السادس قولوا ( ما شاء
الله ) وبعد عناء طويل مع الدراسة والحمل ومسلسل الخادمات اللي ما يخلص وامتحانات عيالي وامتحاناتي فقد وجدت
صعوبة في النحو والبلاغة والنصوص وصادف امتحاناتي ولادتي وما أدري شسوي كنت اقعد وابكي وادعي ربي ان
يساعدني والحمد الله نجحت بنسبة 65% وآنا الحين بروح رابعة ثانوي مسائي ومحتاجة نسبة عشان اقدر ادخل شريعة بس
ما أدري شلون راح ادرس الوضع عندي مو مستقر وكلش مو جو دراسة والعمر والصحة بالنازل على العلم آنا الحين
عمري ( 37 ) سنة بس أحس ان عمري ( 60 )
والله المستعان ودعواتكم يا بنات الشريعة محتاجة دعواتكم بصدق اني الله ييسير أموري ويهدي عيالي طول اليوم لوية
وازعاج يتهاوشون على اتفه الأسباب والخدامة اللي عندي حدها عبيطة ووجودها من عدمها وادعولي بعد ان الله يرزقني
بخدامة اعتمد عليها
لا تنسوني بالدعاء لأني حدي محتاجته وسلامتكم
اختكم : ام عمر الهاجري:krkrkr:
