قصتي مع الاستغفار

[brettey]

اشلونكم بنات وشخباركم هذه قصتي شخصيا
انا brettey من منتدى كويتيات مو منقول ولا شي
امس كنت بضيقه مالية وفعلا ضاقت فيني الدنيا وقمت استغفر
مسكت خاتم الاستغفار الي ينباع في بو 100 وقعدت استغفر بالالاف
وانا رادة من الدوام والله رديت البيت عقبها بنص ساعه تقريبا
لقيت مسج من البنك مبلغ محطوط بحسابي من المحكمه مبلغ متجمد من طليقي
بالاضافة الى النفقة الحمدلله الحمدلله ربي ماقصر
وماخلاني انا وعيالي وهم الحمدلله بعد زوجي كان ماعنده
لان انضك ماديا هالشهر بس لان يطالب رفيجه ورفيجه عطاه المبلغ امس
وعطاني منهم والباجي عطاهم لعياله حق المدارس يجهزون
يعني الحمدلله امس كان يوم فرج ورزق وخير بفضل من ربي
واهم شي الثقه واليقين بالله سبحانه
كريم رحيم مايقصر..

 

[حديث الروح]

هلا بأختنا العزيزة
سبحان الله ..
جاءك الفرج سريعاً
بيقينك وإيمانك .. وحسن توكلك
مبروك لك .. فرحت لأجلك
زادك الله فضلاً
كل ذكر لله يعقبه فرج
المهم حسن الظن بالله
اتحفينا دائماً بتجاربك البسيطة الصادقة
بوركت .

 

[المحاميه ن]

فعلاً هي رحمة الله في خلقه
ان أراد ببشرا خيراً قال له كن فيكون
هنيئاً لك عميق يقينك وايمانك
ودمت بحفظ الله وبركاته

 

[رونق ضحى]

استغف الله العظيم
جزاك الله خيرا

 

[brettey]

بعد عمري الله يفرح قلوبكم

 

[اميره بكلمتي]

الاستغفار شي عظيم سبحان الله يفتحلج أبواب مسكره

 

[Ba6oo6a-Q8]

جزاك الله خير والله يحسن خواتيمنا

 

[تواضع انثى]

الحمدلله هو اكيد لاشك في فوايد الاستغفار بس نصيحة اعتمدوا عالاصابع في التسبيح وغيره
عشان تكوني مقتديه بالسنة

 

[brettey]

اقتباس:
المشاركة الأصلية كتبت بواسطة تواضع انثى
الحمدلله هو اكيد لاشك في فوايد الاستغفار بس نصيحة اعتمدوا عالاصابع في التسبيح وغيره
عشان تكوني مقتديه بالسنة



الدين يسر مو عسر حبوبة واهم شي الصدق والاخلاص بالنيه مافرقت سواء باصبع او المسبحة اة خاتم الاستغفار او حتى الاستغفار من غيرهم

 

[ام ابراهيم2012]

الله يوفقك وفعلا الاستغفار له مفعول عجيييييييييييييييب
الله يجعلنا من الذاكرين والشاكرين دائما وابدا