قصتي مع القطوة

[دَلالْ]

السلام عليكم

..

بنات عندي قطوة صارلها تقريباً شهرين أو شهرين وشي عندي
ماخذتها وهي صغيرة كانت توها فاجة عيونها

كنت ببيت خالي ولا ايي ولد خالي الصغير ويقول هالقطوة لاحقتني أمس من المسيد لي البيت
وما لقوا صاحبها


كان ودي آخذها بس يبونها
شوي ولا خالي يقول قطوها برا
قطوووهااااا @@ .. قالولي لا يبا اخذيها


المهم خذيتها .. مع إنه امي ما تحب شي اسمه حيوان بالبيت
وديتها الطبيب وكل شي


وتعودت عليها .. بس المشكلة بنطلع من البيت عشان بنبني
وبنسكن بيت يدي ، ويدتي ما تحب القطاوة كلش

وما يطاوعني قلبي أخليها برا ، مرة طلعتها بالحوش وشافت قطوة
يت تركض مخترعة



لونها أبيض ببني فاتح
أول ما خذيتها حسبالي شيرازية
بس يوم كبرت ما طال شعرها وايد !

شعرها طويل بس مو وايد
مادري شنو نوعها ! الحين ما عندي صور لها مو منزلته عاللاب للأسف

شنو يكون نوع القطوة تهقون !
واهيا ضعيفة مو متينة


أدري طولت عليكم السموحة
بحاول أنزل صورها بالرد الياي

واللي تبيها ومستعدة تهتم فيها تاخذها عقب ما نطلع من بيتنا ، مع إنه قلبي متعلق فيها
ونيييسة حيل وحركاتها عبيطة :d

 

[النملة نواري]

هذي مبين انها قطوة بيت لان على وصفج لها مو قطوة شوارع خصوصا ان شعرها طويل
نوعها صعب احدده لج اذا ماكان في صورة

 

[دَلالْ]

كا هاذي الصور












وهني كانت صغيييرة

 

[love-s-h-f]

7bebti y3ni Eli yakhth'ha methel tbni eni mo bee3 ?!
Oo yalit nshof sort''ha
Oo metaa bt6l3en mn baitkom ?!

 

[دَلالْ]

love إيي تبني مو للبيع
بس تحلف إنها تهتم فيها .. يعني بعد اسبوعين يمكن نطلع إن شاء الله

حطيت صورها

 

[VET-Nour]

شوفي لما تكبر اذا عضآمهآ صغيره رأأح يبين اذا قطوة شوآرع ,
يمكن نوع من القطاوه الي تكون شورت هير ,

 

[tnkora]

انزين حبيبتي عاادي تاكل. اكل. بيت واذي تاكل. شنو تااكل بالضبط

 

[النملة نواري]

مادري ليش بس احس انها مخلوطة يعني نوع معين مع قطوة شوارع
و عسى الله يرزقها بالناس الي يهتمون فيها

 

[دَلالْ]

آنا أعتقد إنها أمها شيرازية وأبوها قطو شوارع
لأن رفجتي جذي بعد قطوتها يابت عيال من قطو شوارع
وطلعوا على أبوهم كللللهم بس طبعاً هم ربتهم عندها

..

تنكورا عادي تاكل كل شي
آنا أوكلها أكل جمعية بس إذا خلص أكل البيت

 

[daloolah77]

حبيبتي هذي نوعها رومي يعني مهجنه بين قطاوه الشوارع امم ما احب هذا الاسم فأنا اسميهم القطاوه البلديه و بين القطوه الشيرازيه و سوي بحث عنهم راح تلاقين انها روميه ^_* و اتمنى اني افدتج

 

[chee$e cake]

ماشاء الله تينن حبيت شكلها

بس للاسف اخاف من الذبانه هالدوور قطوه لوول شناويه علي

 

[غرووومي]

شكلها حدها كييوت وعنونها حلوين

 

[((البرنسيسا))]

ما شاء الله تهبل الله يحفظها لج ودي أخذها بس أمي ماترضى -__-

 

[wesh jaah]

اتينن ماشاء الله :eh_s(22):

عسى الله يرزقها بالناس الي يهتمون فيها
:yaaaaaarb:

 

[دَلالْ]

بنات تسلمون ما قصرتوا
ونستني ردودكم

ودلولة أفدتيني حبيبتي

 

[كيوت حدي]

شحلاتها ماشالله
لج اجر والله شلتيها من الشارع
اذا عندج انا عندي استعداد اخذها