قصتي

[سفيره الاهات]

السلام عليكم
والله اني اكتب انا بحاله مايغلم فيها الاالله
ابي اكتب لكم قصتي
انخطبت عمري 18 زواج تقليدي يقرب لنا من بعيد
ماشغته ولاشافني
بس قبل الزواج طلبته صوره له اول شي رفض بس بعدين قال خلاص
بس طول على ماجاب الصوره
شفت الصوره وكان مملوح اسمر يعني اعجبني بس اخوي شاف الصوره قاعد يضحك قلت له هذا فلان قال ههههههه بس طالع حلو اهم شي ماهتميت وكلمني وقال وش رايك قلت زينه الصوره الي فوق راسه بطحه يتحسس قال اكيد اعجبتك قلت اي حلو
اهم شي انشغلت بالتجهيز للزواج بنات مو مدح لنفسي الحمدلله انا حلوه كل ماشافني احد قال اسم على مسمى بس حضي مايل
جاء يوم الزواج وطلعت قمر كل ماشافني احد بزفه قال مشالله اذكر جت وحده قالت لامي قريتو عليها فستان الزواج فصلته غالي بس طالع حلو وناعم
اهم شي اول ليله انصدمت بشكله اول ماشفته:eh_s(11):جلست ابكي هو يقول وش فيك ليش تبكين
قلت له وخرعني ورحت للغرفه الثانيه هوتضايق انا ابكي
وجلس يتكلم معي يقول وش ريك اروح الغرفه الثانيه واكلمك بالجوال وانا:rgewrg:قلت تنكت
اليوم الثاني اتصلت على اختي وقلت مابيه ابي اجي عنداهلي
قالت تبين تفضحينا الناس وش يقول عنك عيب عليك الشكل مو اهم شي اهم شي الاخلاق
والله العضيم اني تحملت وصبرت وضغطت على نفسي ومشاعري على شان ماجرحه ثالث يوم من الزواج عندي ام زوجي وحماتي
هو ماجاء الا الساعه 1 باليل انا عروس توني
بعدين اكتشفت رجال راعي بنات ومغازلات يجلس على النت بالساعات
عديم المسوليه راعي سفريات اهم شي جلست سنه عنده ماحملت كل يوم نتهاوش يوم قررت الانفصال وجلست عند اهلي طلعت حامل اتصلت عليه وقلت الخبرطار من الفرحه رجعت لبيتي هو مدلعني اهم شي رحنا المستشفى نبي نتطمن على الحمل جلست بالانتضار ورميت النقاب جات الممرضه الفلبينه قالت مدام مشالله انتي جميل جاء هو يناديني وشافته الممرضه قالت مدام زوج مافي كويس انا:eh_s(2):قلت ادري الشكو لله
سبحان الله الله مسلط عليه الفلبينات يوم ولادتي بولدي الكبير دخلت انا وياه اشوف البيبي قلت للممرضه ابي اشوف ولدي لان اناجبته عمليه قصيريه هوجالس بجنبي جابت البيبي شفته :eh_s(11): كان مررره مو حلو نسخه ابوه بس ابيض قالت الممرضه مدام انتي كويس مررره وبيبي مثل بابا مافي كويس باد
اهم شي رجعت معه شهرين بعدين رجعت لاهلي طالبه الطلاق لانه فصل من الوضيفه
ويتاخر باليل انامليت جلست عند اهلي شهرين قال ابوي واخواني عيب عليك زوجك اصبري عليه علشان خاطر ولدك رجعت معه جلست عنده اسبوعين تاخرت الدوره وطلعت حامل انا انجيت كنت اكل حبوب
رحت لاهلي ابكي قلت لهم انتم السبب اناحامل بالضحيه الثاني
اهم شي صبرت عليه كثير هو يروح يقول لاهله ماتبني وشايفه نفسها علي ولحضت تغير معامله اهله لي كل ماجلست عندهم يرمون علي كلام جبت بنت الاخ زعلان يقول ليش ماهوولد
واهله زعلانين ماجاء احد منهم بالمستشفى طلعت الاربعين قلت له وش ريك نروح لطائف نغير جو قال لا ماعندي فلوس وبعدها جاء اليوم الثاني قال جهزي نفسك نبي نروح لاابها قلت زين قال اخوي يبي يروح هوزوجته وفال لي امشي معنا قلت اووووك اهم شي نطلع
رحنا لابها وطلعنا على الجبال وكنت جالسه مع حماتي ومعنا زوجات اصدقاء اخوزوجي جاء زوجي يبي ياخذ ولدي مني قالتا حماتي هههههههه
هذا فلان والله احسبه هندي ههههه اما:eh_s(2): بغيت ابكي والله العضيم فرق بيني وبينها هي مهمله نفسها زوجها يهبل حلو ولدها مبهذل ولدي مرتب بس حضها حلو حتى زوجي يقول ليش ولد فلان لابسه كذا اهم شي مارتحنا امه كل شوي تتصل علىزوجي تقول ليش ماخذتني معكم واخوه الكبير يقول مشالله تمشيها خلاص اذارجعت الرياض واتطلب مني فلوس والله ماعطيك ههههههه وقفت علينا شف الحظ رجعنا للرياض رحت لاهل زوجي ماحد معطني وجه ليش مدري بعدها باسبوع جاء زوجي يقول ابي اسافر قلت طيب الفلوس الي تبي تسافر فيها عالج ولدك فيها ضربني وتكلم علي
طبعا مو اول مرره يضربني دايم بس هالمره ضرب مبرح عيني زرقت جات ام زوجي وانا ابكي قلت ليش وش فيك ليش وجهك وشعرك كذا قلت لها ضربيني ولدك قالت لاتضلمني ولدي هذا انت تضربين نفسك تقول هو يقول تضرب نفسها رحت عند اهلي وجلست عندهم شهر جاء هو يقول ابيها وبعدها بيوم سمعت انه خاطب وحده واهله يقول للناس زوجته مجنونه وبها مس وتضرب نفسها حسبي الله عليهم بعدماسمعت طلبت الطلاق وطلقني وتزوج وحده اكبر منه بعشر سنين وعيالي عندي الحمدلله على كل حال ولدي الكبير مريض معه ضمور بالمخ
امس جالسه انا مرت اخوي نسولف عن الحريم قالت هي هههههه مانفعك جمالك انا:eh_s(14): بس الحمدلله حبيت افضفض بس والله يبنا ت اني صبرت عليه هو لاشكل ولااخلاق ولاوضيفه حتى اسمه يفشل وسلامتكم

 

[المرتاحة]

والله مشكله هذا عيب الزواج العمياني مادري متى تبطلون العاده هذي

على العموم انتي الحين الحمد الله مرتاحه نفسيا ولا انج تجابلين واحد مو مرتاحه معاه نفسيا ولا جسديا شوفي حياتج

ودوري لج وظيفه و عيشي مثل ما الناس عايشه

الله يوفقج

 

[سفيره الاهات]

مشكوره ياقلبوووو
على مرورك
وانتي صادقه في كلامك
الله يكتب الي فيه خير

 

[نفهمها صح]

الله يعوضك ان شاء الله با حسن منه
وكلام زوجة اخوك منفعك جمالك

الزواج قسمه ونصيب وكلن يشووف الي مكتووب له
وهذا نصيبج في دنيا
لكن تجربتج لتخلينها تحطمج وتزييد كأبه الي +انتي فيه
ومتدرين يمكن خيره لج
و2 مره سالي عن شخص هوو وهله زيين
والجمال موو مقياس انا عادي اخذ جيكر بس مريحني ومساعدني علي بلاووي دنيا ابي ونيس يأنس وحدتي وابي واحد لقلت اخ قال لبيه متقولينها وانا عايش بدنيا تفداج الف عيين وصدقيني الالفه والحب والاحترام والوفاء اهم شي
ميهم شي ثاني
الله ياجرج بمصيبتج وييخلف عليج باحسن منها​

 

[سفيره الاهات]

مشكوره حبيبتي
الله يعلم اني ضغطت على نفسي وصبرت
وماعمري جرحته كنت دايم امدحه
بس رضيت بالزمان ومارضابي

 

[ترانيم القصيم]

العيب مهوب بالزواج الشرعي ( آللي الناس تسميه تقليدي ) , هذا الشرع ما ينقال عنه عيب و آللي تقول كذا فهي تطعن بالدين و تشريعاته

و الصواب أن نقول أنّ العيب و كلّ العيب في العادات و التقاليد تلك الحشائش الطفيلية

التي ما تلبث أن تنبت حتى تنتشر في عقول الناس و طبائعهم انتشار النار في الهشيم ,

العيب بالعادات البايخة آللي ما تمت للشرع بصلة , النظرة الشرعية أجازها الدين و صادرتها العادات و التقاليد

ديننا كفل للمرأة و للرجل حق النظرة الشرعية عشان لا يتوهّقون بعدين لامنهم شافوا بعض ,

الصورة أبدًا ما تغني عن المشاهدة ( عِيانًا ) ,

سئل سماحة الشيخ العلامة عبدالعزيز بن عبدالله بن باز عن رؤية المخطوبة ، فأجاب – رحمه الله - :

لا شك أن عدم رؤية الزوج للمرأة قبل النكاح قد يكون من أسباب الطلاق ، إذا وجدها خلاف ما وصفت له

ولهذا شرع الله سبحانه للزوج أن يرى المرأة قبل الزواج حيث أمكن ذلك ,

فقَالَ رَسُولُ اللَّهِ صَلَّى اللَّه عَلَيْهِ وَسَلَّمَ :

( إِذَا خَطَبَ أَحَدُكُمُ الْمَرْأَةَ فَإِنِ اسْتَطَاعَ أَنْ يَنْظُرَ مِنْهَا إِلَى مَا يَدْعُوهُ إِلَى نِكَاحِهَا فَلْيَفْعَلْ ، فإن ذلك أحرى إلى أن يؤدم بينهما )

أخرجه الإمام أحمد في مسنده ، وأبو داود في سننه – كتاب النكاح ، والحاكم في المستدرك بإسناد حسن وصححه الحاكم من حديث جابر – رضي الله عنه –

وروى أحمد والترمذي والنسائي وابن ماجة عَنْ الْمُغِيرَةَ بْنَ شُعْبَةَ – رضي الله عنه

أنه خطب امرأة فقال النَّبِيُّ صَلَّى اللَّه عَلَيْهِ وَسَلَّمَ : ( انْظُرْ إِلَيْهَا فَإِنَّهُ أَحْرَى أَنْ يُؤْدَمَ بَيْنَكُمَا فَفَعَلَ ) ( حديث صحيح )

وروى مسلم في صحيحه عَنْ أَبِي هُرَيْرَةَ – رضي الله عنه - قَالَ :

كُنْتُ عِنْدَ النَّبِيِّ صَلَّى اللَّه عَلَيْهِ وَسَلَّمَ ، فَأَتَاهُ رَجُلٌ فَأَخْبَرَهُ أَنَّهُ تَزَوَّجَ امْرَأَةً مِنَ الْأَنْصَارِ ، فَقَالَ لَهُ رَسُولُ اللَّهِ صَلَّى اللَّه عَلَيْهِ وَسَلَّمَ :

( أَنَظَرْتَ إِلَيْهَا ، قَالَ : لَا قَالَ ، فَاذْهَبْ فَانْظُرْ إِلَيْهَا فَإِنَّ فِي أَعْيُنِ الْأَنْصَارِ شَيْئًا ) ( أخرجه الإمام مسلم في صحيحه – كتاب النكاح – برقم 1424 )

وهذه الأحاديث وما جاء في معناها كلها تدل على شرعية النظر للمخطوبة قبل عقد النكاح ، لأن ذلك أقرب إلى التوفيق وحسن العاقبة 0

وهذا من محاسن الشريعة التي جاءت بكل ما فيه صلاح للعباد وسعادة المجتمع في العاجل والآجل ،

فسبحان الذي شرعها وأحكمها وجعلها كسفينة نوح ، من ثبت عليها نجا ، ومن خرج عنها هلك ..

( الفتاوى الشرعية في المسائل العصرية – ص 497 ، 498 – أنظر مجلة الدعوة – تاريخ 4 / 4 / 1410 هـ ) 0

 

[الفيروزيه]

الزواج التقليدي ماضر نااس واجد
الحمدلله عايشين ومرتاحين

اولاا هذا نصيبج ولاتخلين هالتجربه تكسرج من داخلج
عندج بنت وولد هم اللي بينفعوونج
لاتعتبرينهم ضحيه
هم اللي بيكونون معج
ومرت اخوج هذي اسحبي عليها سييفووووووون
عيشي حياتج وداومي وبكره بيجيج نصيبج اللي ياخذج وياخذ عيالج معاج
مافي شي بعيد عن الله سبحانه
بس انا ابي اعاتبج علا شي
لما خطبج ابو عيالج
ليش ماسالتي عنه؟؟ هذا اكبر غلط انج تعرفيينه علا حقيقته بعد الزوااج

موفقه ان شاء الله

 

[مرت علي]

هذا نصيبج اولا واخيرا والحمدلله على كل حال والله يعوضج خير ومره ثانيه لاتكتفين بالصوره ادخلي وشوفيه وتكلمي معاه وجها لوجه عسى الله يوفقنا وياج

 

[مارياq8]

الله يعوضج باللي احسن منه

 

[mo0onya]

الله يعوضج بالي احسن منه ويخليلج عيالج ويشافيهم وان شاء الله يفرحونج ويقروون عينج على صبرج عليهم يارب

 

[ޢޢޢإيمانޢޢޢะۣۨ>]

الله يعوضج يا حبيبتي
ولج الأجر على صبرج
ما يضيع شي عند رب العالمين
أهم شي إن انتي وعيالج بخير
الله يخليهم لج ويخليج لهم ​