السلام عليكم
انا ابي اقولكم عن قصتي بس مو طالبه منكم حلول لان مالها حل بس اذا تبون تعلقون كيفكم
انا كنت طفله عندي قوة شخصيه و اجتماعيه و حبوبه بس لمن صار عمري 11 سنه تغيرت حياتي امي حجبتني و علمتني على الدين و صرت اصلي و حتى اصلي النوافل و صلاة الليل و كنت كله ألبس عباة يعني ملتزمه و كنت كله اروح مع امي الحسينيه و تقريبا كان ما عندي صديقات لان امي فهمتني انه الناس ما منهم فايده و قعدي اقري كتب دينيه وايد ابرك منهم و تقريبا انا طبقت كلامها و كانت حياتي كلها يا مدرسه او البيت و ما اطلع وايد بس لمن كبرت و صرت بالثانوية تغيرت 180 درجه صرت شيطانه و اول مره اطلع مع رفيجاتي و نروح مجمع لمن كنت بالصف العاشر و تعرفت على وحده فري بس كانت علاقتنا بالمدرسه و بالتيلفون بعدين لمن وصلنا لي الصف ال12 قمنا نطلع مع بعض و نروح المجمعات و نقز تقريبا كل اسبوع بس صراحه مع انه البنيه زينه معاي و طيبه بس نفسيا ساعات احسها انها مرافجتني لان ما لقت احد غيري يرافجها خصوصا لان امها فنانه معروفه و بعدين احس انها تحسدني سواء تقصد او ما تقصد و كله امي تقولي وخري عنها بس انا ما اسمع كلامها و ساعات احاول اوخر عنها بس ما اقدر لان ما عندي رفيجه غيرها و بنفس الوقت اهي طيبه معاي
المهم انه من تخرجت من الثانويه و دخلت الجامعه و انا نفسيتي معتفسه يعني ساعات اقول لازم اتعرف على شباب و ساعات اقول خل اهتم بدراستي و فعلا تعرفت على واحد معاي بالجامعه بس ما صار بينه شي و حسيت انه هسوالف ما منها فايده بس المشكله انه امي تحرضني تقولي شوفيلج واحد سنع و تعرفي عليه عشان تتزوجينه يعني صراحه خربت ابو تفكيري و من الناحيه الدينيه صرت ما اصلي حتى الفروض و كل ما احاول اني اصلي ما اقدر و انا الحين تفكيري كله متشتت و مو قادره اركز حتى بدراستي لي درجه اني طوفت كورس كامل بالجامعه بس انشالله تتعدل الاحوال
انا ابي اقولكم عن قصتي بس مو طالبه منكم حلول لان مالها حل بس اذا تبون تعلقون كيفكم
انا كنت طفله عندي قوة شخصيه و اجتماعيه و حبوبه بس لمن صار عمري 11 سنه تغيرت حياتي امي حجبتني و علمتني على الدين و صرت اصلي و حتى اصلي النوافل و صلاة الليل و كنت كله ألبس عباة يعني ملتزمه و كنت كله اروح مع امي الحسينيه و تقريبا كان ما عندي صديقات لان امي فهمتني انه الناس ما منهم فايده و قعدي اقري كتب دينيه وايد ابرك منهم و تقريبا انا طبقت كلامها و كانت حياتي كلها يا مدرسه او البيت و ما اطلع وايد بس لمن كبرت و صرت بالثانوية تغيرت 180 درجه صرت شيطانه و اول مره اطلع مع رفيجاتي و نروح مجمع لمن كنت بالصف العاشر و تعرفت على وحده فري بس كانت علاقتنا بالمدرسه و بالتيلفون بعدين لمن وصلنا لي الصف ال12 قمنا نطلع مع بعض و نروح المجمعات و نقز تقريبا كل اسبوع بس صراحه مع انه البنيه زينه معاي و طيبه بس نفسيا ساعات احسها انها مرافجتني لان ما لقت احد غيري يرافجها خصوصا لان امها فنانه معروفه و بعدين احس انها تحسدني سواء تقصد او ما تقصد و كله امي تقولي وخري عنها بس انا ما اسمع كلامها و ساعات احاول اوخر عنها بس ما اقدر لان ما عندي رفيجه غيرها و بنفس الوقت اهي طيبه معاي
المهم انه من تخرجت من الثانويه و دخلت الجامعه و انا نفسيتي معتفسه يعني ساعات اقول لازم اتعرف على شباب و ساعات اقول خل اهتم بدراستي و فعلا تعرفت على واحد معاي بالجامعه بس ما صار بينه شي و حسيت انه هسوالف ما منها فايده بس المشكله انه امي تحرضني تقولي شوفيلج واحد سنع و تعرفي عليه عشان تتزوجينه يعني صراحه خربت ابو تفكيري و من الناحيه الدينيه صرت ما اصلي حتى الفروض و كل ما احاول اني اصلي ما اقدر و انا الحين تفكيري كله متشتت و مو قادره اركز حتى بدراستي لي درجه اني طوفت كورس كامل بالجامعه بس انشالله تتعدل الاحوال
