قصر نمو العظام عند الجنين بنات تكفون احد يطمني

[روزسكاي]

هلا بنات

كيفكم حبايبي

حبيت استفسر منكم عن شغله

انا في الاسبوع 33 من الحمل في الشهر الثامن وكانت اموري ماشيه مضبوطه

واخر موعد قالي الدكتور ان الطفل معه قصور في نمو العظام

يعني اطرافه اليدين والرجول اقصر من حجم الجسم والراس

وان احتمال الطفل يكون قصير:eh_s(2):

بنات من عندها اي معلومه عن هالشي ولا تعرف احد صار لها مثل كذا وكيف صار الطفل بعد ماطلع

الله يخليكم بنات الل تعرف شي طمني ولا ترفع الموضوع

لأني تعبانه نفسيا من هالموضوع ومأرقني

 

[ام ساره 4]

الله يطمن قلبج ويطلع البيبي مافيه إلا العافيه إن شاء الله والله ماعندي فكره لهالموضوع

رفع

رفع

رفع

 

[روح الأحزان]

حبيبتي ان شاء ماكو الا كل خير ماعندي فكرة بس ان شاء الله يدورلج

 

[كوكي العسل]

الله يطمن قلبج يارب

انا انصحج تشوفين اكثر من دكتور خاصتا البيبي كانت اموره زينة

يعني يمكن كلام الدكتورة هذي مو صح

 

[ام الحلوااات]

ااااااااااب

 

[بيت التوت]

يااااااااربي يعني ماكتشفوا هالشي الا بشهر الثامن

وووينهم بالشهور اللي طافت كانو نايمن ولا شنو
الله يكون بعونج
ويطمن قلبج
من رايي شوفي دكتور ثاني

 

[جــوريــه]

عسى الله يطمن قلبج


ااااب

 

[أحلام العمر]

منو دكتور اللي قالك /// نصحيه دكتور محسن بالامومه شاطر بالسونار روحيله باذن الله يطمنك وامانه عاد طمنينا عليك

 

[روزسكاي]

نموه كان طبيعي طول فترة الحمل كانوا ياخذون مقاسات البيبي كل شي مضبوط

لكن الحين صار هالشي وزوجي مؤ راضي نرجع لنفس الدكتور ولا يبغى نسأل في هاليشي مره ثانيه

بس أنا برجع للدكتوره اللي أراجع عندها وبشوف وش تقول

لأني يوم بحثت في النت كاتبين ان هالشي اغلب شي يصير في الاسبوع 32

بس ابي أشوف تجارب أشخاص غيري عشان اطمن

ومشكورين عالرد

 

[بيت التوت]

الله يطمن قلبج يارب
لماقريت موضوعج سويت بحث بالنت
ايقولون ان كل شي ايبين بالشهر الثامن سبحان الله
ياربي لك الحمد الحمال كله تعب نفسي وجسدي
نحتسب الاجر يارب
الظاهر الرياييل يتشابهون حتي ريلي مايبيني اسئل عن الحبل السري
ولايبيني افكر فيه
يا ألله علي قلوبهم

 

[زين ودلال]

الله يطمن قلبج ان شاء الله

 

[ايمانو حلوة]

الله يطمن قلبج حبيبتي

بس انتي وزوجج زواج اقارب ؟؟

 

[sosowaty]

الله يطمن قلبج و يخيب ظنها و يطلع كلامها مو صحيح

 

[غرومه غنوجه]

اول شي التوسوس مو زين لانه ياثر بشكل كبير
لا توسوسين وعيني من الله خير وتوكلي عليه والله مايخيب ضن عبده
ادعي من الله يكون كامل ومافيه قصر
والله يسهل

انا اقول راجعي كذا طبيب احسن واستعيني بالله

 

[@ام يوسف@]

انا بولدي سويت سونار عند الدكتور ماجد الشمري وقال لي ولدج قصير يطلع وفعلا ولدي قصير وعمره الله يحفظه اللحين ٢ونص بس ما قالي اطرافه اقصر من جسمه والله يطمن قلبج ونصيحه روحي للدكتور ماجد هو استشاري اجنه وولدي اللحين مافيه الا العافيه ولله الحمد

 

[روزسكاي]

زوجي مو راضي نروح لدكاتره ونستفسر زياده لأن شاف نفسيتي تعبت مره

وقال ماله داعي النفسيه لها تأثير وزيادة الحرص تتعب قال خلينا طبيعي وتوكلي على الله والدعاء والقران يحل كل شي

ومو شرط كلامه كله صحيح الدكاترة كثير يخطئون في التشخيص وان مواعيدنا تكون عاديه مو لتدقيق في هالموضوع

أنا مقتنعه بكلامه بس برضو خايفه ودي اطمن

هو ولد خالتي بس حنا مسوين تحاليل قبل الزواج وكل أمورنا طبيعيه ومافي اي شي وعندنا بنت من اول

اختي ام يوسف طيب قصر ولدك طبيعي عادي ؟

يعني الحين هو عمره ٢ونص واللي يشوفه يعطيه كم؟

لأني يوم سئلت الدكتور عن تأثير هالشي على الطفل قال راح يكون قصير بس ماله دخل في شي
هو خوفني قال كلام واجد اربكني

 

[M!ss co0ol]

ان شاء الله انه ما فيه الا العافيه

أنا بولدي مثلج كان كل شيء تمام و يوم كنت في الاسبوع 34 قالوا انه عنده مشكله في النمو و انه نمو عظام اليدين و الرجول اصغر من نمو باقي الجسم و أنا انصدمت و قعدت ابكي راحت امي و هاوشتني قالت ماحد يبكي من اللي الله كاتبه إذا ولدج مريض فهذا من الله ولازم تقولين الحمدالله ع كل شيء من عقبها قمت ما افكر في الموضوع كلشش والحمدالله ولدت وولدي الحمدالله طبيعي وبخير و مافيه شيء الحمدالله

 

[ام بيان]

اختي روحي حق اكثر من دكتوره
ثاني شي جان البيبي فيه شي بين من بدايه الشهور
والله يطمنج على البيبي ويكون الدكتور غلطان

 

[*ماي الورد*]

اخذي استشارة من دكتور ثاني افضل

 

[مشتطـه]

ياقلبي قلبج
مادري شقولج
عسى الله يريحج ويطلع سليم