قصص الحريم و مشاكل الاهل تنقال للزوج (مواقف و راي)

[غيروك يا زمن]

السلام عليكم


كلنا نحتاج نفضفض

يخطر على بالي دايما كلام امي ((الزوج ما ينقال له كل شي ))

بس احيانا ما اقدر ابي اسولف عن فلانه وعلتانه عن اهلي
اشوي و مشاكلهم و ارجع اتحسف قد شعر راسي اذا قتله
:eh_s(10):
اتخيله يروح يقول لأهله و اهله يتكلمون بالغلط يم احد و يوصل لأهلي
او اي احد تكلمت بموقف معاه

شنو الموقف الي خلاج ما تتكلمين له :eh_s(10):
وليش ما ينقال كل شي


ردودكم لاهنتو​

 

[غيروك يا زمن]

آآآآآب

وين الردود

 

[زوجة عزيز]

شوفي انا من البدايه ماكنت اقول له اي شي عن اي احد من اهلي بس اهم للاسف يسوون كل شيويطلعون كل مشاكل البيت جدامه جدامه لين كرههم كلهم

 

[iLLuMinaTion]

اببللل

 

[سندس 90]

لاااا ياقلبي لا تقولين لا عن اهلج ولا عن اهله

موحلووه السواالف بين الزوجين تكون عن فلانه وعلان

مرات الواحد يسولف بس احرصي مايكون شي جداً خااااااص

 

[M!SS.LOBY]

لا الريال ما يحب سوالف فلانه وعلانه

ولا يحب الزوج احديتكلم عن اهله او امه او خواته

والزوجة لازم ما تسولف عن اسرار اهلها

 

[اذوب بكلامه]

اسمحيلي ياقلبي صاحيه انتي تطلعين مشاكل بيتكم لزوجك
انا من اول ماتزوجت وانا مبينه ان اهلي هم العايله المثاليه مافي احد مثلهم
وحتى خواتي وازواجهم ماقد تكلمت عن المشاكل الي بينهم اختي تطلقت ورجعت لزوجها وماقلتله
بعض الحريم الله يهديهم فاهمين الصراحه غلط كل شي تقوله لزوجها مايصير هذي اسرار اهلك

 

[al-musk]

كلام امج عدل..فعلا في سوالف قليله تنقال للعضة والعبرة وفي أشيا ماتظر بس بشكل عام وأغلب الأشيا لا خلي أهلج وجماعتج كتاب مسكر ومعلوماته عنهم مبهمه عشان لايستغل هالشي ضدج يوم من الأيام .. أنا مانكر ان الوحده لازم مع ريلها في شفافية وعلاقه مترابطه وامور تتناقش بس في اشيا لاتفيد ولاتظر اذا مانذكرت وفي اشيا تظر ..يعني الموضوع يبيله حسبه وتقييم عشان اتمين بالسليم وماتفتحين عيونه على اشيا ماكان لازم ينتبه لها وممكن يستغلها ضدج يوم من الايام .. الثقة مطلوبة بس الحذر واجب والانسان نفسه مايضمن نفسه مع الزمن فمابالج احد ثاني ..

 

[امـ خــزامـى]

غلط تتكلمين عن المشااااااااااكل عند زوجك سواء عن اهلك ولا اهله

مااحب الزوجه النكديه اللي بس تتشكى وكلامهما كله عن المشاااكل

فيه سوالف فرفووشيه تضحك عن اهلك قوليها وفيه سوالف مو مشااكل احياننا اقولها مثل ماذكرتي
قصصص

لكن مشكلله لا ماله داااااااااااااااااعي

 

[بدوني تتضايقون]

سوالف الأهل شي وشي افتح له شصار اذا السالفة ماتهز شخص من أهلي لأني دايما اعرفه حجم أهلي علشان يحترمهم وعلشان يعرف ان وراي ظهر ما اليه ابد يعايرني بيوم من الايام بواحد من هلي

اما السوالف فانا ما اخش عن ريلي شي بس ما أقوله فلأنه بنت فلان او ام فلان لا لانها خصوصيه بس افتح له السالفة اذا كان فيها ضحك او عبره لا غير

 

[اميره1980]

خلي كلام امج لج و نصيحتها على صوب
انتي بوصفج للفضفض بصراحة شكلها مو فضفضة
انتي تبين تحشين بفلان و علان جدام ريلج
و هالشي حرام و النميمة الكل يعرف شنو عقوبتها عند رب العالمين
بغض النظر ان ريلج بيعايرج بعدين بأهلج و بتفظحينهم بايدج الله يهداج
تعودي تسولفين مع ريلج سوالف عامة بس مو بالخصوصيات ابدا حتى لو شي عنج انتي

 

[شــــــــــــــوقــــه]

شدعوه ترى زوج بالنهاية مو عدو

على حسب الريال والله مو كل ريال نوعه يعاير اذا صار شي

ساعات تصير مشكلة فبيتكم و تتضايقين و يبين عليج اهو يلاحظ هني على حسب المشكلة اذا قوية و تهز صورة العايلة لا ما تقول تألف شي ثاني

مرت اخوي كل شي تقول حق اخوي سوالف عاديه او مشاكل و اخوي يناقشها يعطيها رايه

مثلا اذا اهي غلطانه يقولها تصرفج غلط و لازم كيت و كيت

اذا في شي مضايقها يساعدها يواسيها

بالعكس احس هالشي يقربهم من بعض اكثر

و هم على حسب الريال تربيته و عقله شنو

 

[ReD&FoSHia]

اتبعي نصيحة امج وبس

 

[Patcholli]

لا ما اقوله سوالف اهلي
اولشي عشان لا يعايرني بيوم من الايام
ثاني شي عشان لا ينقد على الشخص الي قتله سالفته ولا يحتقره او يطيح من عينه
ثالث شي ماحب افضح الناس واطلع اسرارهم الواحد يستر عالناس كثر مايقدر
رابع شي اقوله ساعات السوالف البسيطه الي مالها اثر بس السوالف الجايده مستحيل

 

[الريم اللعوب]

باتشووولي صح